دا بجد بارت ملهوش اي لازمه بس بجد في حاجه شدتني اكتبه.. انا اول بارت نزلته كان من ٢٠٢٠ واخر بارت نزلته كان ف ٢٠٢١ يعني انا موقفه تنزيل التافهين والهلاسين من بدري اوي.. مكنش بيخفي عني التفاعل اللي حاصل وكنت بشوف كل دا بس لفت انتباهي دلوقتي لما رجعت اقرأ الأسئله اللي كنت بسألهالكوا والميمز وتعليقاتي عليها حسيت اني دي مش انا بجد اللي هو الكلام دا بجد كان كلامي من ٣ سنين!!! دا كلام انا معرفش اقوله دلوقتي.. هو انا كنت عميقه اوي كدا او فاهمه الدنيا اوي كدا.. حتي لاحظت من ضمن الأسئله كان عن اذا كنتو بتحبو bts او لاء.. اللي هو انا مكنتش اعرفهم وقتها اصلا واللي دلوقتي انا فان ليهم من سنتين وشويه.. بارت الثانويه العامه اللي كنت بقول فيه ندعي لطلاب ثانويه عامه.. تمر الأيام وابقي انا فثانويه عامه اهو وامتحاناتي قربت... حقيقي حصل اختلاف كبير جدا فشخصيتي.. واضح اني كنت بشارككم انتو بس الحاجه اللي بحبها (الميمز) افتكرت ان من ٣ سنين انا مكنش عندي صاحبه واحده حتي وكنت دايما الطرف المتساب وكانوا اهلي مبيحبوش يتعاملوا معايا ومكنش ليا حد ف واضح جدا اني كنت بخرج دا وافتح قلبي هنا عالواتباد عن طريق اني اكتب حاجه بحبها.. حقيقي فخوره بنفسي اني متجهتش وقتها لأنتحار او اعمل حاجه تضرني وحقيقي دلوقتي انا بقيت شخصيه حلوه تتحب وبقا عندي صحاب وبقيت بضحك وحبيتني جدا حبيت نفسي وشكلي اللي مكنتش بحبهم زمان عشان كنت بهتم لكلام الناس قبل كلامي.. بقيت انا الطرف اللي مبيهتمش لحد خرج من حياتي.. بقيت انا الطرف اللي لو حسيت ان الشخص ابتدي يقلل كلامه معايا فأنا اللي هسيب وانا اللي هقطع العلاقه دي بكل برود .. حقيقي حاسه اني عايزه اعيط... اختلاف كبير حاصل مش قادره اصدقه.. كانت فكره حلوه اني اسيب ذكريات لشخصيتي هنا حقيقي انا مش عارفه بكتب كدا ليه وشكلي همسحه اصلا بس هخلي دا كمان ذكري هنا ارجعله بعدين بشخصيه جديده
حبو نفسكو يا كتاكيت ومتهتموش لكلام حد.. عمركوا هتعيشوه مره واحده فيتختاروا تعيشوه بأختياراتكوا اللي هتعلمكوا الصح والغلط او بأختيارات الناس اللي ممكن تأذيكوا نفسيا او توديكوا فداهيه
بحبكوا اوي بجد
بعد ماأخلص ثانوي شكلي هرجعلكوا تاني بس اتمني ميبقاش دمي تقيل🌚
بدايه ظهوري كانت ٢٠٢٠
ورسالتي دي ف ٢٠٢٣
و طبعا عشان معديش كدا من غير اسئله يعني احنا بيت كرم
الأسئله
صفه وحشه فيك قدرت تغيرها..
صفه وحشه فيك بتحاول تغيرها..
هدف اتمنيته وحققته..
مين قدوتك..
غلطه تتمني متغلطهاش تاني..
غلطه عملتها واتعلمت الدرس منها..
نصيحه تنصحها لغيرك عشان ميقعش ف نفس غلطتك..
حاجه فخورين انكو عملتوها السنادي او اي سنه..
فيه حد قدرت تغير صفه فيه..
الأسئله مش حلوه اوي بس عشان ملحقتش افكر اصلا وكتابتي للبارت جت فجأه
بحبكو ياكتاكيت+ادعولي بقا عشان ثانويه عامه وكدزا🌚💜
