بعدما ظننتها تبادلني الشعور

البارت الثالث والاربعون ..

مشاري يبتسم : شرايك نروح لها بكرا ؟

طلال : وش عندنا بكرا ؟

مشاري : بما ان ملكتي اليوم ،، نروح لها بكرا يعني عشان معرس وكذا .

طلال يضحك : ههههههههههههه ، طيب من بيروح ؟

مشاري : انا وانت واحمد وابوي .

طلال : شفيك انت بكرا الجمعه !

مشاري : طيب؟

طلال : احمد عنده خطبة الجمعه بكرا شلون يروح .

مشاري يتنهد : اخوك المطوع ذا .. لا حول ، المشكله مطوع فالنهار وفالليل يدق عود .

طلال يمسك يد مشاري : في ذممممممتك !! العود من احمد ؟

مشاري يضحك : هههههههههههههه ، شكلي جبت العيد .

طلال : احلف يا مشاري ان احمد هو اللي يدق عود !

مشاري : ليه تحسبه من ؟

طلال : والله انت ،، بعدين يوم سافرت قلت اكيد جارنا . استبعدت احمد .

مشاري يبتسم : اخوك ذا خبل ،، يحسب الدين على كيفه .

طلال : اسكت اسكت .. لا يسمعك !

مشاري : خل يسمع ، خايف منه انا !!

طلال : والله تسويها ،، بس زين انك مانسيت ان احمد يدق عود .

مشاري : الظاهر الفضايح ما انساها ، بس الأمور الزينه ما اتذكرها .

طلال : ههههههههههههههه شكلك كذا والله . طيب قوم يلا تقهوى معنا .

مشاري : يلا طيب ..

ــــــــــــــــــــ

عندما ذهبت لوالدي ، كان ينظر الي بلهفة غريبه .

طلب مني الجلوس بجانبه ..

بدأ بتذكيري بالدين ،، وقصة طفولتي مع اخوتي .

بعضها اتذكرها ،، وبعضها لا اتذكرها .

عندما جاء وقت العصر ،،

ذهبتُ للأستحمام ،، وارتداء ثوبٍ باللون الأزرق الكحلي ،، فوقه معطف باللون البني الفاتح ،،

ولكن داهمني طلال وقُلب تنسيقي .

طلال : الحين يا غبي رايح لها لابس بالطو غير اللي هي جابته ؟

مشاري : ها اجل !

طلال : البس ثوب بيج والبالطو حق اريام .

مشاري : ياغبي ! الحين انا يوم رايح اجيبهم من حايل تذكر ؟

طلال بدهشه : ايييييوا ؟

مشاري : كنت لابس البالطو حقها ..

طلال يضم مشاري : تتذكر يوم تجيبهم ؟