# *الحيـاة ضـدي*):
:
:
:
•البــــــــــ(6️⃣) ـــاࢪٺ
ـــــــــــــــــــــــــــــــــــــــــــــــــــــــــــــــــــــ
مؤيد _ خالد نبيك فموضوع بعدين
خالد _ تم ياشقيقي
تقوى _ لحظه بس تعرفو بعضكم؟
مؤيد _ رفيق الطفوله
خالد_ ضحك كنك مصدومه
تقوى _ لا بس انا دخت شوي يعني انا وزوزو صحبات من نحنا روضا وكبرنا مع بعضنا وطلعو خوتنا حتى هما اصحاب من الطفوله لا جديات بنطير من الفرحه 😂😘
مؤيد _ هيا يانعجه
خالد غمز لتقوى وضحك ومشو
ـــــــــــــــــــــــــــــــــــــــــــــــــــــــــــــــــــــ
عنــــــــد روز
خالد _ روز زعمك تحبني
روز_ لا منضنيش🙂
خالد _ كيف عرفتيها
روز _ صحبتي ونعرفها
خالد بحرقة دم _ حتى كان متحبنيش حنخليها تحبني💔
روز_ لاه لاه لاه كنها رقيتلك😂💦
خالد _ حلي خلاص
روز_ نقولك شن حسيت😁
خالد _ شن
روز_ توصيلي ع ديلفري اليوم نقولك
خالد _ زودتيها راه احكي
روز_ ادير الي قتلك عليه😎
خالد _ تم بااه
روز_ يوم الي قلتلها انه انتا تبيها عشان توصفلها بنت وهكي حسيتها رقيتلها😂💦
خالد _ قصدك غارت
روز_ الباين هك 🙆♀️
خالد _ انشالله والله 😩❤️❤️.
ـــــــــــــــــــــــــــــــــــــــــــــــــــــــــــــــــــــ
عنــــــــد مؤيد
تقوى _ قتلك مؤيد
مؤيد _ هاا
تقوى _ ليش قلت لخالد نبيك فموضوع بعدين
مؤيد _ توا تعرفي قريب
تقوى _ لا توا بنعرف
مؤيد _ اليوم شني ف الأيام
تقوى _ ثلاثاء ليش
مؤيد_ الحقيرة روز بتجي الخميس؟
تقوى _ اكيدة لانه حاولت معاها مصارشي احرجتها قدام ماما وأمها وامها وافقت وهيا حتجي
مؤيد_ مية مية
تقوى _ نحس فيك بدير فالطه
مؤيد ابتسم _ متدخليش بس
تقوى _ كيف مندخلش شن بدير
مؤيد _ انا لما سمعتك انتي ومعتز دخت بكلامكم الفاضي ومشيت بوذاني وزرطت روحي ف فالطه بس عشان نكسر خشم الحقيرة بلقيس حندير اي شي لانه كرهي وحقدي عليها كل يوم يزيد والمرة اطلعي من الموضوع انا ومعتز نصرفو انتي اللي عليك تلمي فمك وتسكتي
تقوى _ كان حاجه تضر روز راه مستحيل تفكر نسامحك كان في حاجه مش كويسه بديروها لها قولي من تووو
مؤيد _ هيا انزلي وصلنا
ونزلو.....
ـــــــــــــــــــــــــــــــــــــــــــــــــــــــــــــــــــــ
عنــــــــد معتز
معتز _ روحي بنطلب منك طلب
عبير _ اطلب حتى عيوني حبيبي
معتز _ مرة اخرة لما تمشي المدرسة معش بنشوف شعرك برا ماشي
عبير_ يحليلي ع الي يغار🥺❤️
معتز _ نبهتك انا راه
عبير _ حاضر
معتز _ بس مش هضا طلبي
عبير _ اشنوا طلبك😩😂
معتز _ تعرفيها تقوى
عبير _ اي ليش
معتز _ علاقتك بيها كويسه يعني
عبير _ اي عادي سلامات بس مفيش مواضيع بينا
معتز _ باهي تعرفيها روز
عبير _ خيرك حبيبي شني فيك تعرف بنات المدرسه كولهم
معتز _ اهدي بس نسئل فيك
عبير _ نسمع بيها بس مفكرتش اني نشوفها
معتز _ لو وصفتها لكي تعرفيها
عبير _ لوين بتوصل انت اختصر الموضوع فديت راه
معتز _ نعلي منه الي فد😂❤️
عبير _ خلاص بنسكر راهو
معتز _ خلاص خلاص 😂 خلينا ف موضوعنا توا نوصفها لكي
عبير _ شني تبي فيها انتا
معتز _ حنحكيلك كل حاجه بالتاء وبالباء وعد المهم انتي تجاوبيني لانه الموضوع يهمني
عبير _ ماشي هيا اوصفهالي
معتز _ بيضه عيونها كبار سود قصيرة ملامحها هكي هاديات مش حادات ومش رقيقه ومش سمينه جسمها وسط وديما هيا وتقوى مع بعضهن
عبير _ والله الي وصفتهالي ملاك هادي شكلك شابحلها هلبا
معتز _ هلبا لا واجد والله لا امبحت فيها لا جاي شورها جاوبي بس وراس حبي عرفتيها
عبير_ اي عرفتها نشبح فيها مع تقوى
معتز _ باهي صاحبيها وقوي علاقتك بتقوى وبروز
عبير _ وليش هادا كله شني فيه وشن غرضك منهم الزوز هادوم
معتز _ ياستي تقوى زي اختي وتقعد اخت رفيقي روح بالروح
عبير _ اي عارفه بس شني موضوعها هادي الجديدة
معتز _ حبيبي عبوري الي نقولك عليها ديرها عشان خاطري ومع الوقت تفهمي ليش
عبير _ علي خاطرك ندير اي شي بس بنفهم شني عندك ماتبي فيها البنت
معتز _ بكره نحكيلك كل حاجه ف المدرسة بس كم حصه عندك بكره
عبير _ لا ماتجيش غدوا خويا بيجيني مش مروحه بروحي
معتز _ وعليش شن جد عليك عشان يروح بيك
عبير _ علي خاطر هوا غدوا معطل معندش عمل
معتز_ اممم المهم كيف ماقتلك باهي
عبير _ لا مش حندير بيها صحبه ولا حتى نشبحها وغدوا مش ماشيه امشي انتا واشبحلها هلبا علي خاطر نفسيتك تتريح
معتز _ يا عبير متخليش الغيره تسيطر عليك اسمعي معنديش جو نتعارك معاك وعقلك مايمشيش بعيد البنت محجوز فيها يبيها مؤيد صاحبي وبنقولك شكراً علي عدم الثقه وهيا سلاام بعد تقعدي توثقي فيا رني ودوريني هيا ردبالك من روحك وسكر وهيا بدت ترن بس هوا ميردش وحطه سايلنــت
ـــــــــــــــــــــــــــــــــــــــــــــــــــــــــــ
عنــــــــد مؤيد
محسن _ اسمع ياسبع البرمب🙂
مؤيد _ شنو
محسن _ تعرفه محمد صاحبي الي ديما يكحل معايا عند المدرسه 😅
مؤيد _ نعرفه اصلن شلتك الصايعه معروفه لمهم كنه
محسن_ يومتها يحكيلي علي بنت نفخ راسي وقالي البنت طلقه فرنسيه ومشعارف شنو وصاروخ ونبيها وبنتقدملها قلتله والله ماتمشي ف خاطري ونشوفها مشينا اليوم وشفتها 😕
مؤيد _ باهي وشن دخلني انا
محسن_ طلعت البنت روز يا فصخه
مؤيد ضحك _هههه وشن قلتله انتا
محسن _ قلتله لنقنك تفوتها شور مؤيد قاالي ع اساس بيحبها جديات هوا كان حب بيلعب بس اما انا بنتقدملها جديات قتله الخميس الجاي بيخطبها قالي وانا الأربعاء نخطبها قبله
مؤيد _ رن عليه توا
محسن _ عليش
مؤيد _ رن ع سي ال،،،
محسن _ باهي تم خلاص 😂 ورن محسن ومحمد رد
محسن _ وين
محمد _ حوش
فك مؤيد التلفون من محسن
مؤيد _ اسمع يا مستر محمد اليوم نلقاك ف شارع بتاعنا عند محل علي التركي تم
محمد _ تم
وسكر
محسن _ شن بدير
مؤيد ضحك _ شن رايك انتا🙂
محسن _ بلا ظراط وقت الزر يبان التر توا نشوفك شن تقول😏🔥
مؤيد _ صبي من قدام خلقتي معنديش لكي خلوق راه
محسن _ اوكي ع اساس انا الي ميت ع خلقتك🙂
عند تقوى "
تحكي هيا وروز واتس💬
تقوى _ حي ياروز خالد صدمني وكك
روز_ مسكين حرام يتموت عليك من اول يوم شافك
تقوى _ لقيته توا دازلي ومعبرلي عن مشاعره ياناري😂
روز _ تحبيه زي ما يحبك
تقوى _ هكي انا معجبه بيه بس حب مزال ماوصلتلها المررحله هذي😂
روز _ هوا يموت فيك والله واول مره يطيح والله الا طيحتيه ياملعونه😂
تقوى _ بيش تعرفي قدرات صحبتك😏😂
روز _ حي علينا بتنتفخ توا خلاص 🙂
تقوى_😂😂
روز _ تقوى احكيلي ليش درتي هكي وليش اصرفتي هكي وشن الموضوع الي تبيني فيه والله دايخه
تقوى _ حنحكيلك بس حتسمعي للأخر وتعرفي ليش مؤيد واصل للحاله هذي وليش ميحبش البنات
قبل ٣ سنين كان هوا وبلقيس مرتبطين كان يحبها اكثر حتى من هله الي جابوه وهذي كانت اول مره يحب فحياته وقعدو لمدة سنتين يحبو بعضهم والكل يعرفو بقصتهم وبعد نجو لعيت جدي ونلقوهم كان يغار عليها من اقاربنا كلهم ولما تجداه عشان تطلع يخلي فيها تحط ف محرمه ع راسها تخيلي انا الي اخته مش مدورني نطلع حتى عريانه ميدورنيش بس هيا كان يحبها حب عمرها ما حتحصل كيفه فالجديد المهم في يوم من الأيام جوها خطاب عرب ماليانه وفلوس والراجل بحوشه وبعمله وهيا طبعاً ماصدقت وقالولهم يتفضلو قبلها بيوم تمشي الكلبه بلقيس تنسى الحب والعشرة والحنان بتاع مؤيد وحبه الكبير لها وتحطه بلوك ومؤيد فوقتها كان مش معاه تلفونه وكان ف شاليه مع اصحابه وناسي تلفونه وهيا دارتله بلوك من جميع مواقع التواصل الاجتماعي وماسدهش البلوك وجت دزتلي مسج كتبتلي فيه..
(💬...
*تقوى حبيبتي قولي للمؤيد ينساني نهائي لأنه معش يلزمني بكل جاني الي يريحني بس مؤيد كان مجرد تسليه وتمشاي للوقت فقط خليه يحذف ارقامي ويفوتني لانه راجيته واجد مانفعش شي وانا بصراحه معش بنراجيه لانه هوا مش ليا من الاول نحنا مش راكبين ع بعضنا قوليله انشألله تلقى بنت الناس الي بتعلقها معاك وترجاك مشعارف كم سنه لمهم خطبتي بعد بكرة يعني خلاص الي بينا انتهاء وهياا تشااو معش تخليه يزعجني* )
والمسج هضا اول ماوصلني وانا نبكي لانه عارفه مؤيد شن حيسير فيه وفجأة خش عليا مؤيد يضحك وجوه حلو لقاني نبكي وانا مشعارف كيف نخشله ف الموضوع قعد يقولي شنفيك لقاني نبكي ونشوف لتلفون وغارقه ف دموعي فك مني التلفون وقرا كل حاجه ومشعارفه كيف نبي نفسرلك ملامح وجه كيف قعدن ضحك قالي تبصر هيك صح قتله أدوي فوتها متستاهلكش هذي كلبه متاع مادة وهيا اختارت ماتكمل معاك بيعها كيف ماباعاتك وهوا صبى يجري يدور فتلفونه وبعد لقاه قعد يرن عليها يلقى ف مشغول قلتله مؤيد خلاص متذلش روحك انساها فوتها ومؤيد منزلت منه ولا دمعه وطلع يجري لسيارة ولعها ودموعه نزلن قدامها واهذي أكثر حاجه قهرتني لما بعتتلي مسج فيه..
( *كلمي خوك خليه يمشي قاعد هنا يبكيلي يبي مثلاً نردله ولا شن خليه يفهم انه انا منحبش من الأول بليز كلميه قاعد عندنا هنا شكله بيديرلي العار خليه يفهم انه انا كنت نلعب بيه وكذبه كان كل بنت بتراجي واحد ولما يجيها واحد مليان بتفوته هذي كذبه وخليه يفوتني احسن لانه منحبش*)
واقسم باالله قهرتني بكل رنيت عليها مردتش وحطتني حتى انا حظر ومشيت رنيت علي معتز وهوا رد وانا نبكي
تقوى _ معتز امشي شووف مؤيد عند الكلبه بلقيس ذل روحها لها امشي بسرعه خوذه وراس معتزز
معتز _ تقوى اهدي فهميني بشوية
تقوى _ كيف نهدا مشعارفه شن نحكيلك المهم توا اجري وراس عزوو خوذه من حوش الحقيرة بلقيس راهو ذل روحه لوحده حقيرة انتا خوذه وحتفهم كلشي💔
معتز _ تم تم هي باي وسكر
ومعش جاا بكل بابا عرف بالموضوع وقعد يراجي فيه والليل مارقده مسكين وكلنا مرقدنش لعند جا اساعه 3 يدوخ وسكران وجابه معتز ومؤيد طايح ع كتف معتز ومعتز خششه يكر فيه كر وبابا كان مصدوم من مؤيد كيف يحط سم في فمه ومحسن جاا ومسك مؤيد مع معتز ومؤيد يضحك ويبكي بس نذكر مؤيد خذا كف من بابا مستحيل ينساه كف واول مرة يحصل كف والكف هضا برمله وجه وهنا مؤيد تفجر بكااء وقعد 6 شهور كئيب وميطلعش من الدار بكل الا اذا اصحابه ضغطو عليه عشان يطلعو بيه ويغيروله جوه وفيوم معتز قال انه بيمشو طرابلس يكسدو فيها وقال لمؤيد ومؤيد رفض بس ضغطو عليه وعدا وقعدو 3 شهور والحمدلله مؤيد جا نفسيته كويسه خير من قبل وقعد يكسد معانا ويضحك ورد مؤيد الأول بس في يوم تعاركت معاه كسرني بكلمه قالها ومستحيل ننساها قالي انتي كيفك كيف الحقيرة بلقيس ومينحطش فيكن ثقه ولو اديرو شنو مستحيل نحط فيكن كلكن ثقه بياعات وكل حاجه حقيرة او وسخه فيكن وطلع وانا قعدت نبكي والحقيرة بلقيس خلاته يفقد الثقه ف كل بنت من المطب الي صارله وهضا عليش يوم الي خبطتي ف مؤيد وطحتي متأسفلكش يحسابك درتيها بلعاني وهزبك بس والله مابيده يدير هكي كله من الحقيرة بلقيس💔
روز_ قصدك هضا كله صار معاه من ورا بلقيس💔
تقوى _ كله منها وماما لعند توا مقهورة ع مؤيد كل ما تفتحله موضوع خطبه يقلب علينا الحوش نين ماما معش فتحت الموضوع بكل ويومتها فتحاته له سكت وطلع ومعش جا الا بعد العشاء يعني صارتله عقده وقعد يفكر ف البنات كلهن بنفس التفكير وعنده كل بنت نفس الطبع والاخلاق انا نتمنى تجي بنت وتخليه يحبها ويغير نظرته ف البنات💔
روز _ ربي يدزله بنت الحلال الي تريحه وانا مكنتش نحساب سايرله هكي بس مش معقوله يشوف اي بنت ويغلط فيها عشان ستي بلقيس دايرتله موقف لازم يعرف انه البنات كلهن مش نفس بعضهن
تقوى _ وهضا الي نحاولو نفهمو له بس مش مقتنع
روز_ باهي يومتها ليش قلتي انه يحبني وهوا قال انه يحبني وانا وهوا عارفين كويس انه مستحيل نحبو بعضنا
تقوى _ زوزو حنخشلك بالفقش تمام مؤيد دار هكي عشان شاف بلقيس غاارت منك بكل وقريب ماتت لما شافاتك مقعمزة ومؤيد قاعد وهيا نرفزاته وهوا متحملش وانا متحملتش بعتتله رساله قلتله فيها لو تفتح فمك وتنكر الكلام الي بنقوله توا لا اختك ولا نعرفك وهوا سكت ومعتز كان مصبي فصفي واقنعه ونبيك لما تشوفي بلقيس تحكي ع مؤيد وتمثلو انه تحبو بعضكم ويوم الي روحتي انتي فليل مافي كلمه معفنه ماقالتها عليك تعاركت معاها وخش مؤيد وقعدت تنرفز فيه وتذكر فيه فاليوم الي جاها وانذل ونزلت كرامته عندها قالتله نبي اثبات قاللها تم يوم الخميس هضا لا الخميس الجاي عازمك ف حوشنا حتشوفي الأثبات بعينك وهنا كلنا انصدمنا وبلقيس عاندت مؤيد وهوا قاللها متنسيش تشري دبش عشان الفرح عليه شهرين بس وهنا قريب متنا من صدمتنا بس يا روز عشان خاطري وعشان الصحبه والأخوة الي بينا ماترفضي نبيك توقفي معانا بليز💔
روز _ كانت بكامل الصدمه قصدك تبيني نوافق وانتي عارفه الخلافات الي بيني وبينه وعارفه انه مستحيل نتأقلمو مع بعضنا تقوى اسفه منقدرش وياريت اطلعي صداقتنا برا الموضوع
تقوى _ تمام 💔
ـــــــــــــــــــــــــــــــــــــــــــــــــــــــــــــــــــــ
عند مؤيد
مؤيد رن ع معتز
مؤيد _ شن صار معاك
معتز _ تحسابني معجب بيها وتعاركنا
مؤيد ضحك_ والله هالغرباوية غيورة ومشيتك ع صوابعها😂
معتز _ باهي باهي خلاص مفيكش جو راه
مؤيد _ لنقنك دير راي ف الموضوع
معتز _ توا نصرف
مؤيد _ تعال توا نبيك جنب محل علي التركي عندي حساب مع واحد بنصفيه وضروري منه حضورك😂
معتز _ اوكي توا جايك😂
وطلع عمكم مؤيد
وخالد رن ع مؤيد
مؤيد _ هاا يالقطعه
خالد _ وين
مؤيد _ انتا الي وين نلقاك
خالد _ تعالي ف المحل متاعي
مؤيد _ خلاص يالقرعه ربع ساعه ونطب عندك
خالد _ تم يابوصاحب
وسكر
وجاه معتز وقعدو يراجو ف محمد وبعد طول مؤيد رن ع محسن
محسن _ هاا
مؤيد _ صاحبك ال... وين ليا ساعه نراجي فيه
محسن _ مغر كان وسعت بالك شوي اهو معايا وجايين 😂
مؤيد _ بسرعه لانه مش فاضيله عندي مشوار
وسكر
أو وصلو محسن ومحمد
محمد _ اووو مؤيد
مؤيد _ اركبلي ف السيارة
محمد _ الناس تقول خير
مؤيد _ وانا منقولش فيه الخير اركب فسيارة ولا خايف
محمد _ ماعاش الي يخوفني وركب
ومعتز ركب فسيارته ولحقهم محسن طبعاً مايبي شي يفوته 😂
وصلو للبحر
مؤيد _ شن ياحمادي بتخطب قالو
محمد _ اها بنخطب يوم الأربعاء
مؤيد _ اممم ومن الي بتخطبها تعرفها انتا
محمد _ اها نعرفها
مؤيد _ تعرفيها كيف عارفها متاع من هيا
محمد _ اها حكالي محسن
مؤيد_ امم مزلت تبي تخطبها
محمد _ اها
مؤيد _ احيي شكلك عيل مش شاطر
محمد _ كيف تقول عليا عيل
مؤيد _ مسكه من رقبته وخنقه ع سيارة قلنا عيل معناها عيل فهمت
ومحمد مش قادر يتنفس ولا يحكي
محسن _ مؤيد خلاص فوته
مؤيد _ هوا شكله مشعارف انه حاجه مؤيد ممنوع حد ياخذها او يقربها صح
ومحمد مسكين عيونه قريب يبلطن
مؤيد _ تعرف ادير حاجه من ورايا ونسمع انه تقدمتلها البنت بعدها نكمل بفرحتك ونخلي نهايتك جحيم وانتا عارفني كويس صح
محمد خاف _ وحاول يفك يدين مؤيد
مؤيد _ حول يديه شن قلت يابيبي
محمد _ انا عارفك متحبهش
مؤيد _ قعمز ع الكوفني متاع السيارة وطلع مسدس وقعد يمسح فيه بمنديل نحبها منحبهش نلعب عليها ولا منلعبش عليها انتا شن دخلك انا قلت حاجه مؤيد خط حمر صح
محمد هنا خااف بكل _ خلاص تم معش نبيها
مؤيد _ حمادي بتعكر معايا يمين ولا يسير نهايتك نصفيك هنا ☺️
وطلع مؤيد ومعتز بسيارة
محمد _ معقوله هكي ادير فيا هكي عارفه معاه سلاح وجايبني هنا ومقلتليش
محسن _ قتلك انا مشعارف شن بيدير وانتا مؤيد تعرفه كويس يحط حاجه فراسه يديرها يديرها وانا نبهتك من الأول البنت فوتها وطلعو
ـــــــــــــــــــــــــــــــــــــــــــــــــــــــــــــــــــــ
عند روز
أم روز _ رنيم روز هيا بنمشو لهلي
روز_ ماما بس انا عندي مدرسة بكره وعندي امتحان منقدرش
رنيم _ كلا انا بنمشي منحبش قعدة الحوش
أم روز_ باهي خوذي كتاباتك وهيا
روز_ عارفتيني منركزش فمكان فيه دوشه
أم روز_ باهي كيف نديرلك باتك توا جاينا ف طريق
روز_ مش ماشيه
ام روز _ توا نشوفلك خالد بالك يقعد معاك ورنت ع خالد
خالد _ ها امي
ام روز_ خلودي تجي للحوش
خالد _ عليش
ام روز_ روز عندها امتحان بكره ونحنا طالعين ومنبيهش تقعد بروحها نخاف يسيرلها شي حاجه
خالد _ شن بيسيرلها خلوها تسكر بالمفتاح وتقعمز وهيا ساكته
روز_ لااااالا منقعدش بروحي
ام روز_ تعال سلم وليدي الله يربحك
خالد _ باهي بيجيني واحد صاحبي
ام روز_ كلمه يجيك ف المربوعه
خالد _ تم توا نجي
وسكر
خالد _ مروان
مروان_ ها خالد
خالد _ تمسك المحل فمكاني عندي شغل ضروري
مروان _ ميهمك شي
خالد رن ع مؤيد
خالد _ مؤيد وين طبيت
مؤيد _ توا جايك
خالد _ اسمع تعالي ف الحوش
مؤيد _ عليش ف الحوش
خالد _ ما هلي مش قاعدين واختي متبش تمشي معاهم ومتبش تقعد بروحها ماشي بنقعد معاها انا
مؤيد _ تم بس منعرفش المكان
خالد _ قعد يوصفله ف المكان
ـــــــــــــــــــــــــــــــــــــــــــــــــــــــــــــــــــــ
عنــــــــد روز هلها مشو وهيا طلعت لل جنان عشان تقرا ع جيـة خالد وسيب الباب مردود وراه
خالد _ احممم
روز_ هاا
خالد _ بنخش اندوش توا طلعيلي دبشي
روز _ به
خالد _ توا سريع سريع
روز_ ياراجل حل خطاني
وعدا خالد للحمام "حشاكم" وروز قعدت تقرا وتغمض ف عيونها عشان تسمع ع روحها
