( تـــــابع البــــ9️⃣ــاࢪت :
الحيـاة ضـدي :
/
/
روز_ تفوه يامقرفه
ومشا الوقت عادي بكل وروحو
وثاني يوم روز وتقوى تلاااقن وقعدن غير يضاحكن ويقرمن ع يوم الخطبه متااعع تقوى
روز_اليوم بيقرو الفاتحه حسني خااايفه ياتقوى
تقوى _خوف لا شي تقعدي مراات أودي وقعدت تضحك 😂
جتهن دعاء
دعاء _هااي
تقوى _اهلاً
دعاء _مؤيد بيجي اليوم
تقوى _تقريباً بيروح بيا ليش
دعاء _لا شي بس بنشوفه رايفتله
روز _يرايف عليك عزرائيل حبيبتي
دعاء_انا حتى وجك ماشفتلش متحاوليش تنرفزيني ياماما عشان معنديش لكي راس وبعد نحكي عليك ولا ع حاجه تخصك احكي
روز_بس مؤيد يخصني يابيبي
دعاء _ههه هةا اصلا مش معتبرك الا هواء
روز_اعزميها ياتوقي ع الفاتحه اليوم حرام متحضرش الفاتحه 🙂
دعاء _اي فاتحه
تقوى _مؤيد خطب روز واليوم الفاتحه
دعاء نصدمت وعدت وسيبتهن
روز وتقوى ماتن بالضحك..
وتقوى جاها باتها وروز جاها احمد روز مستغربة ف احمد كل وحده وصلت وطوول قعدن يوتن ويلبسن عشان الفاتحه ع العصر بيقروها روز لبست فستان اسود قصير فوق من الركبه رافعه شعرها ودارت مكياج سنبل بكل وطالعه سموحهه وطرف بكل ❤️🔥،
طبعاً جا العصر قرو الفاتحه وام مؤيد من الفرحهه دموعها علقن قريب ساعتين مغير شابطه فيه تضبيط والكل قعدو يباركو لمؤيد وكلهم كانو ملتمين عند عيت مؤيد خالاته وعماته وكلهم جو الا بلقيس
عند روز نفس الشي امها بكت وحظنت روز وكلهم ملتمين عندهم وروز قلبها الي من اول ماقالو انقريت الفاتحه وهوا غير يدق 😂🔥
ودارو جوو وزغاريت واذاعه ورقيص يعني جوهم حلووو بكل وعند مؤيد نفس الجو عشا ودنياة زايطه...
محسن _مبروك ياثلب
مؤيد_الله يبارك فيك
جا معتز وحظن مؤيد _مبرووكك ياخيي
مؤيد _الله يباركك فيك عقبال مانفرحك بيك حتى انتا 😂❤️
ورفع مؤيد تلفونه ورن ع روز
روز كانت خايفه ترد ولا متردش بعدها ردت
مؤيد _احم احم خلاص قعدتي مراتي معش في حشم وخوف
روز ضحكت _جديات مش مصدقه الموضوع مزال
مؤيد _مبروك عليك انا وقعد يضحك
روز_اوكي ياثقه
مؤيد _مبروكك علينا يامراتي
روز ضحكت وكانت منحرجههه بكل
مؤيد _بتحكي ولا نجيك
روز_عنجد تجيني
مؤيد _مش قعدتي حلالي خلاص معش حد دخلهه وتوا مسافة الطريق بس وسكر
روز مشت تجري لرنيم
روز _حي يارنيمم مؤيد مؤيد
رنيم بخوف_كنهه
روز_قالي بنجيكك حي شن ندير
رنيم_تفووه ع رمتك ياكلبه فجعتيني
روز_كلميهه ديريله رااي
رنيم_ عطيني رقمه وعطتها روز رقمه ورنت عليه
مؤيد _الو
رنيم _شنجو ياراجل اختي وقعدت تضحك
مؤيد _اخت روز
رنيم _وروز كم في عندها أخت
مؤيد ضحك _وحده
رنيم _مبروكك
مؤيد_الله يباارک فيك
رنيم _قتلك مؤيد وين قاعد
مؤيد _جايكم
رنيم _عشان خاطري متجيش البنت قريب تموت من الخوف اختي خوافه بكل المهم توا متجيش كان ماتت منك راه 😂
مؤيد ضحك _بدرجة هذي تخاف مني
رنيم _واكثر نقولو قدامها مؤيد البنت لسانها ينقطع مرة وحده. 😂😂😂
مؤيد _والله ع تلفون لسانها ياساتر باهي كويس الي تخاف
رنيم_هوا مش خوف هيا مشعارف شن يسيرلها بمجرد ما ينطقو اسمك قدامها
مؤيد_ع العموم عشان خاطرك بس وعشان اول مرة نحكي معاك مش حنردك وقعدو يضحكو وسكرو
ومشاا يوم عادي ف الليل مؤيد رن ع روز وكملها غير مغازلات وروز ذايبه وقعدو لعند ال4
مؤيد _عيوني الشينات بتمشي للمدرسه
روز_شينات الي بحتن فيك امم بنمشي انتا عارف الأمتحانات
مؤيد ضحك _عندك ساعتين ترقدي فيهن ال5 و ال 6 السبعه توعي
روز_حيي صححح
مؤيد _ارقدي توا وبكره حنجي للمدرسه
وسكرو ورقدت عمتكم روز وبعدها خالد مهناهش نين وعت ولبست وطلعت بطيح ع وجها نعسانه وصلت للمدرسه وأعتمدو الأمتحانات انه الأسبوع الجاي وخذت الجدول وبعد روحن طلعن
مؤيد كان يراجي من ال11 وبعد طلعن مشالهن
مؤيد _صباح الخير
روز قعمزت وارتبكت
( *الحشم مشكله يابنات* 🙂😂):
تقوى _صباح التعب والقايله شكلك مطيب نومك نين عيونك منتفخات😒
مؤيد _عليك حسد حتى ف النوم بلاااا من عيونك الزحح
تقوى _انننننن بارد
مؤيد _شنجو مراتي وقعد يضحك
روز نحرجت وسكتت وطبست راسها
تقوى _مراتك اهي قدامك أسئلها
مؤيد _امتا امتحاناتكن
تقوى _الأسبوع الجاي 😭💔
مؤيد _امتا بتبدن تقرن
تقوى _من اليوم خذينا الجدول
مؤيد _نبدا معاكن من اليوم يعني
تقوى _يااريتت
مؤيد رفع تلفون وقعد يرن ومشا شور سيارته
روز برفعه حاجب_يااي من الي ميبينش نسمعوه
تقوى _مندرعن
...
عند مؤيد :
مؤيد _عمي سالم الأمتحانات يبدن يوم الأحد الجااي يعني انا بنبدا ف تقوى وروز من اليوم
بات روز_وين بتقريهن
مؤيد _ف حوشي
بات روز _حوشك وين
مؤيد _قريب من حوش هلي هوا كامل ونظيف ومش ناقصه شي نقريهن غادي هنا الأثنين يعني تقوى وروز ضروري يجيبن مجموع عالي
بات روز_طلعن هنا توا
مؤيد _اها
بات روز _امتا بتاخذهن
مؤيد _ماهو نسئلهن قبل ونرد عليك
بات روز_خلاص تمام اهم شي منبيش روز تلتها ف حاجه فاهم قصدي صح
مؤيد ضحك _فاهم فاهم بعدين معانا اختي تقوى مش بروحنا عشان تلتهى 😂
بات روز _خلاص شوف جوكك 😂 وسكر ومؤيد مشالهن
مؤيد _امتا بتبدن
تقوى _ماقلنا اليوم ياهمي
مؤيد _قصدي اي وقت
تقوى _من تووو
مؤيد _معناها هي معايا ياسمحه
روز_عنجد هيا معايا
مؤيد _توا حكيت مع باتك ياهبله وماعندش اي اعتراض وبعدين انا مش براني
روز_قصدي منبيش نمشي لحوشكم وهكي بايخه نحس فيها
مؤيد _حنمشو لحوشنا
روز_ماقتلك نبيش
مؤيد ضحك _حوشنا ياروز
روز_باهي عارفه حوشكم بس منبيش
مؤيد _حوشنا ياروز ححوووشنا يامراتي فهمتي هكي
روز مفهمتش بس ضحكت
تقوى _افف يعني حوشك انتي وياه
روز خدودها نحمرو
مؤيد ضحك_وصلت هكي
روز_وصلت. بس مزال مش توا انا نعسانه مش راقده خلوها بكره وبعدين اليوم نحنا بنجوكم ولا نسيتو
مؤيد حط يده ع راسه_نسيت بكل
تقوى_حي صاااحح اليوم عشاا الله
مؤيد_كيف يسير باهي نبدو بكره
روز_ياريت
مؤيد_باهي هيا نوصلك
روز_خالد حيجي
مؤيد_معش بنعاود وجك لسيارة هي
ومشيت روز وهيا تضحك ومؤيد فرحته بروز مش عاطيها لحد....
