Part - 30နေခ ရင်ခွင်ထဲတိုးဝင်ကာ တင်းတင်းကြပ်ကြပ် ဖက်ထားသည့် မြူ့ကြောင့် ရင်ခုန်သံတွေက ပရမ်းပတာ ခုန်ပေါက်နေရသည်။ ကိုယ်လုံးသေးသေးလေးက နွေးထွေးလွန်းသလို ချစ်မြတ်နိုးစိတ်ကြောင့် သူ ဖက်မဝနိုင်ပဲ ဖြစ်နေရသည်။
" ချစ်လိုက်တာ မြူရယ်။ "
" အင်းးးးးးတိမ်ငွေ့လဲ မောင့်ကို အရမ်းချစ်တယ်...."
သူ့ရင်ခွင်ထဲမှ မျက်နှာလေး မော့ကြည့်လာရင်း ပြောလာတော့ နေခ အသဲတွေယားကျိကျိ ဖြစ်သွားရသည်။ အပျော်တွေဖြင့် ပြုံးရယ်ရွှင်မြူးသွားစဥ်မှာပဲ မြူ့မျက်နှာလေးက မဲ့ခနဲ ဖြစ်သွားပြန်တော့ သူ ရင်ထဲ ပူပန်သွားကာ မေးဖျားလေးကို ဆွဲမော့ယူလိုက်သည်။
" ဘာဖြစ်တာလဲ မြူ......ဘာဖြစ်လို့လဲ။ "
" ခေါင်းကိုက်တယ်......အ.....အားးးး"
မျက်နှာလေးမဲ့ရှူံ့သွားရင်း သူမခေါင်းကို သူမကိုယ်တိုင် လက်သီးဆုပ်လေးဖြင့် ပြန်ထုရိုက်နေတာမို့ သူဖမ်းဆွဲထားလိုက်တော့ မျက်ခုံးလေးတွန့်ချိုးရင်း ငေးကြည့်လာကာ.....
" နေခ......နင်...နင် ဖယ်စမ်းးးး".
ဆောင့်တွန်းထုတ်လိုက်တာမို့ အလစ်ငိုက်မိသွားကာ သူလဲ ခုတင်ပေါ်မှ ပြုတ်ကျသွားရသည်။ ရင်ထဲ စိုးထိတ်သွားရရင်း ကပျာကယာ ကြည့်မိတော့ သူမက အိပ်ယာထက် ခွေခွေလေး လဲကျနေပြီ ဖြစ်၏။
" ဟာ.......မြူ.....မြူ့......"
ကမန်းကတန်း အိပ်ယာပေါ် ပြန်ပြေးတက်ကာ ဆွဲထူရင်း မေးစေ့လေးကို လှုပ်ယမ်းနှိုးတော့ ညီူးညူသံသဲ့သဲ့လေးနှင့် မျက်ဝန်းလေး ဖွင့်ကြည့်လာသည်။
" မောင်....."
" ဟင်....."
" အိပ်ချင်တယ်.....အရမ်းပင်ပန်းနေသလိုပဲ။ "
နေခ ကမန်းကတန်း ခေါင်းငြိမ့်ပြကာ မြူ့ကိုယ်လေးကို ဖေးထူရင်း အိပ်ယာထက် သေချာလှဲသိပ်လိုက်၏။ ချက်ချင်းအိပ်မောကျသွားတာမို့ သူ ရင်မောစွာပင် သက်ပြင်းမောလေးချမိသည်။ ခုတော့ ရင်အေးသွားရပေမယ့် သူ မြူ့ကို မဆုံးရှုံးချင်ရင် တစ်ခုခု အမြန်စီစဥ်ရလိမ့်မည်။
YOU ARE READING
ချစ်တေးသီကျူး မောင့်အချစ်ဦး ( Complete)
Romanceခပ်ပွေပွေကောင်လေးနဲ့ သူ့မရီးလောင်းဆရာဝန်မမရဲ့ ဇာတ်လမ်းပါ။ Fb မှာ complete ဖြစ်ပီးသားအဟောင်းပါ။