عذبني نيران حبك

بـارت 46

هلو عيوناتي😔❤️

چقو لايچ وابدو قراءه+ علقو بين الفقرات

يا گلبي جنت طاير گبر دنية
وثگل شمسين
وبغفلة طحت گاغد ولالك صوت

___________________________

غيم..

توي نايمين مصار ساعه.. سمعنه صياح وهوسه بالبيت وهم اخر الناس نسمع لأن غرفتنه بنهايه الطابق الثاني..

- امجدد امجدد

- هاا

- اكعد هوسه بالبيت

فز من فراشه بدلنه وطلعنه.. شفتهم متجمهرين يم غرفه أريم..

رحنه يمهم اباوع غيم دتلبسها..ركضت جوا

- شكوو شبيها

مها : مادري صرخت علما اجينه مغمي عليها وتنزف..

بسرعه شالوها ونزلو يركضون..

اخذنه حجاباتنه اني ورهف ورحنه صعدنه وياهم..

أدهم : ويننن جنتووو عنهاا وينن

أياد : ادهم مو وكت صايح هسه

أدهم : كتلككككم كافي فرههه كافي تطلعووون من الظهر لليلللل فادهه هسه فادهه

أياد سكت عنه .. وگملنه الطريق نقره آيات..

وصلنه للـمستشفى وأخذوها من عدنه.. خذوها لقسم الولادات گالو لازم عمليه فوراً گلبها تعبان ونازفه هواي..

گالو اله زوجها يوقع.. أياد يعرف مدير المستشفى وراحو اخوانه وهوا كلولهم انو زوجها بالجيش وميكدر يجي..

وقع ابوها ودخلوها.. وأحنه ميتين خوف عليها والقلق لازمنه گلنه من الصغير للجبير

گالت الدگتوره الطفل بالسابع وهيه تعبانه ما أأكد الكم يعيش..

تذكرنه فرحة أريم وتجهيزها للطفل وشلون منتظرته وفرحانه طايره بي.. اذا گعدت بعد الصار وخسرت أبنها شلون حالتهااا !!

رجعت للبيت جبت أغراض لأبنها للولاده.. ورجعنه رحنه اني وأمجد.. بقت مها يم بنتها والولد سوو الطريق من المستشفى للبيت خطوتين كد مارايحين راجعين

اباوع بابا رضى القهر كتله على بته.. كاعد ع الكرسي ووجهه أصفر أنكسر خاطري عليه رحت كعدت يمه ..

- أدعيلهه تطلع سلامات الطفل يتعوض

- يا بويه  مادري شجاها هالبنيه من سالفه لسالفه ما ارتاحت

- هذا گله اختبار الها وألكم من رب العالمين

جر حـسره.. وسگت

بقينه ننتظر وندعي وساعات من القلق والتوتر أحس روحنه طلعت بيها والولد يركضون جيب دم سوي هذا جيب ذاك .. مرت 45 دقيقه طلعت الدكتور رحنه الها نريد بس حجايه تطمنه