عذبني نيران حبك

الـبارت 52

لگيتك راحتي وحَلِّي وضوه العين
والباب الي بوجه الريح ينسد
صح حبيتك من بعيد لبعيد
بس چانت صفنتي بوجهك أبعد
چنت حاير شلون الگُمر سوُّه
ومن شِفتك عُرفت أصل الگُمر خد
من شفتك تغير موعد النوم
بديت أسهر وأحن واشتاگ وأبرد
وأغار وترجف ايدي واحتار
واشوفك وارتبك وابنيك وأنهد
مجرد حُب كِسر كل القوانين
خرج عن سَيطرة گلبي وتمرد
على حكم المذاهب والتقاليد
أحبك يالعيونك مالهن حد
أحبك اكثر من العَنّي يحچون
واكثر من صراع الروج والسد
وأكثر من حجم تقصيري وياك من تحتاجني ويتأخر الرد
أحبك لكن شگد؟
ما أدري
بس ها
مو حلوة من أحبك وأعرف شگد

أريم : التفت اله وايدي ع حلگي مصدومه من الگاله ..

رفع أيدي عن حلگي باسها وگال..

آريان : شبيج ياعيوني

أريم : ماتتشاقه مووووو

آريان : لا

أريم : شو دنك

باوعلي مستفهم..

أريم : دنزل نفسك

نزل نفسه شويه طفرت عليه حضنته بگل قوووتييي تعلگت برگبته وهوا شدد لزمته عليهه ويضحك..

بعدت عنه ضحـگت.. آريان أنههه أحبكك وهواي هم

آريان : خاب من يرحولج فدوا گل اليحبون

رجع حضني فرحاننن وفرحتي أضعاف اضعععاففف..

بقينه ع هالوضع تبعدت .. ولزمت أيده..

ورا ما وصلنه شفت مكان بي اضويه وعيادات مجاوره طبك السياره يم قطعه اضويه خفيفه بيها..

أريم : شـ شـنو هاي

لزم أيدي توجهنه وصلنه لنص المكان  وگف وحجه..

آريان : هاي الج..

أريم : اليه ؟

آريان : شوفي أدري واحد من أحلامج تفتحين عياده مو ووحده من الامنيات الي تمنيتيها قبل شوي هم مو

أريم : اييي

آريان : أخذت هاي القطعه وراح تسجل بأسمج ابنيلج بيها مرگز كامل وتكونين أنتي مديره المركز وبما أنو المركز بي كل الدكاتره فـ اخوج أياد وزوجته هم راح تكون عياداتهم هنا

باوعتله مصدومه..

أريم : گول والله

آريان : والله شبيج خل أكمل سوالف القطعه وأببديلج بناء بيها وهاي اعتبار هديه عيد ميلادج

وهذا الـي صـار من وصلنه كرهت نفسي لأن شگيت بي لو ضنـيت سوء فگرت مجرد تفكير انو هوا مثل النذل آسر..

لزم أيدي ومشينه وصار يسولفلي انو أختارهه علمود موقعها وعيادات وهيج وعلى البناء وشگد يطول وع رخصه ومعلومات گلششش گافيه ... صعدنه بالسياره مشينه شويه وأني فرحانن گل شويه التفت عليه أضحك يبادلني بأبتسامه حنينه ويگمل سياقه لازم أيدي مخليها ع گلبه