أّلَلَهّـمً صّـلَِّ وٌسِـلَمً وٌبًأّرکْ عٌلَى سِـيِّدٍنِأّ مًحًمًدٍ وٌعٌلَى آلَهّ وٌصّـحًبًهّ أّجّـمًعٌيِّنِ
في صباح يوم جديد
في اوضة قمر
صحيت علي لمسات ايد
فتحت عنيها لقت مامتها
قمر: ماما....... صباح الخير
زينب: صباح الورد علي احلي قمر في الدنيا
قمر استغربت من التحول اللي علي الصبح ده
زينب: في ايه يا حبيبتي
قمر: مفيش
زينب: انتي اكيد مستغربة من التغير عن امبارح
قمر: ايوة
زينب: حابة اقولك حقك عليا يا حبيبتي انا اسفة ليكي اما اتصرفت امبارح بتهور مش عقلت الموضوع قبل ما ازعقلك فحقك عليا مش تزعلي مني
قمر: مفيش حاجه يا ماما انا عمر ما ازعل منك ابدا
زينب: لا يا حبيبتي انا زعقتلك امبارح قدام الكل وخليتك تنامي معيطة.... بس حقك عليا انا اسفة عمري ما هزعلك تاني ولا هسمح لحد انه يزعلك تاني
قمر: بجد يا ماما يعني هتفضلي جمبي
زينب: طبعا انا معاكي وعمري ما هسيبك ابدا
قمر ببراءة: انا كنت فاكرة انك بتكرهيني
وقالتها وهي بتعيط
مسحت زينب دموع بنتها وقالت: بس يا عمري مش تعيطي تاني..... انا عمري ما اكرهك يا عمري انتي بس ولله غصب عني معملتي ليكي
قمر: خلاص يا ماما مش تعتزري انا عمري ما ازعل منك....... انا بحبك اوى يا ماما
زينب: وانا بحبك يا روح ماما..... يلا بقا
قمر: علي فين
زينب: علشان تلبسي وتروحي المدرسة
قمر بدهشة: بجد
زينب: اه طبعا بجد
قمر: بس انتي قولتي امبارح اني مش هروح
زينب:... ده امبارح بقا انا غيرت رأي دلوقتي مش اقدر اخليكي تقعدي من المدرسة يا حبيبتي لانك بتحبيها وانا مش اقدر اخليكي تبعدي عن حاجة بتحبها
قمر حضنت مامتها وقالت: شكرا اوي يا ماما انا بحبك اوي
زينب وانا بحبك يا عمري يلا بقا بدل ما غير رأيي
قمر قامت جريت......... لا انا لبست خلاص
ضحكت زينب...... ياه بحاجة بسيطة زي دي قدرت تفرح بنتها..... وقامت علشان تساعدها
*******************************
اما تحت علي السفرة كانت العيلة كلها قاعدة
الجدة رقية: امال فين زينب يا محمد
محمد: اكيد بتصحي قمر يا امي
رقية: بتصحي قمر...... اممممم.......طيب
لارا كانت مبسوطة علشان قمر مش هتروح معاهم المدرسة...... بس فرحتها مش دامت لانها شافت قمر نازلة من فوق مع زينب وهي لبسة لبس المدرسة
YOU ARE READING
عايروني اني سمرة لكن عوض ربنا كبير (مكتملة)
General Fictionيعتبر جمال الروح هو أجمل شئ فى الحياة، فكل من يظن أن جمال الشكل هو كل شئ، فهو مخطئ فجمال الروح أهم وأعظم بكثير من جمال الشكل وإن جمال الشكل يمكن أن يذهب ويزول نتيجة أي شئ، لكن جمال الروح باقي ما دام الإنسان باقي فى هذه الحياة، والذى يتسم بجمال الروح...
