عايروني اني سمرة لكن عوض ربنا كبير (مكتملة)

البارت الاخير

اللهم صلِّ وسلم وبارك على سيدنا محمد وعلى آله وصحبه اجمعين
_________________________

مرت الايام والشهور والسنين
عدي 8 سنين

قمر خلفت تاني وجابت بنت ومالك اصر يسمها قمر وهي دلوقتي عمرها 6 سنين
وادم عمره 11 سنة
وعايشين حياة سعيدة جدا
______________

اسر ولارا عندهم زين بس لان لارا حصل ليها مشاكل في الرحم ومقدرتش تجيب غيره
واكتفو بيه وهو منور حياتهم
وعمر 9 سنين
______________

اما اسيل ومصطفي خلفو بنت وولد
عمر.... عنده 7 سنين
تمارا.... عندها 5 سنين
______________

جو ورحمة ربنا الحمدلله رزقهم ببنتين توأم
ليليان و ليان عمرهم 6 سنين
وهما ورحمة مطلعين عين جو
وبيخلوه يشد في شعره
______________

مازن واسراء خلفو ولدين توأم بس مش شبه بعض
فهد وفارس عمرهم 7 سنين
______________

لين وحسام خلفو بنت غير عدي
عدي عمره 10 سنين
رسيل عمرها 6 سنين
______________

وبكدة كل ابطالنا ربنا رزقهم بطفال وعاشين حياة سعيدة معاهم ومع زوجاتهم اللي بيعشقوهم

✿✿✿✿✿✿✿✿✿✿✿✿✿✿✿✿✿✿✿
في فيلا الالفي في اوضة مالك وقمر فتحت قمر عنيها وبصت لحبيبها وابتسمت
وبدا تصحيه بكل حب

قمر: مالك.... مالك

مالك وهو بيصحي: صباح القمر

قمر: صباح النور يا حبيبي.... قوم يالا علشان مش تتاخر علي الشركة

مالك: تمام يروحي

قمر: انا هقوم اخد شاور واحضرلك هدومك علي ما تفوق كدا

مالك: اوكيه

وفعلا قامت قمر واخد شاور وادت فرضها وغيرت هدومها وجهزت هدوم لمالك وبعدين راحت عنده

قمر: يالا يا حبيبي انا حضرتلك الحمام وجهزت ليك هدوم قوم خد شاور وغير هدومك انا هروح للمعركة اللي عندي

ضحك مالك لتشبيها صحيان ولادها بالمعركة

مالك: معركة مرة واحدة

قمر: امر... دا انا لو في معركة مش هتعب كدا

مالك بضحك: طيب يا ستي ربنا ينصرك

ضحكت قمر وخرجت من الاوضة وقام مالك ودخل التواليت

*******************************
راحت قمر اوضة ادم ومش لقته
قمر: راح فين علي الصبح كده معقول يفرح قلبي ويصحي لوحده.... لا يا قمر بلاش تعيشي في الوهم
وخبطت علي باب التواليت ومجاش الرد
قمر: مش قولت بلاش تعيشي في الوهم هيكون فين.... اما اروح لقمر كدا