ممكن تفاعل وتصويت للبارت
______________________________________
مدري الدنيا وكفت
لو خلص صبري
ضايج مختنك مشتاك
ماادري
______________________________________
ضرغام ... شلت الاسلكي وحجيت رقم ٥ اجب
الضابط ... نعم سيدي
ضرغام ... خلو الشباب يفتشون كل المنطقه اريد تفتيش عام . متخلو بيت متفتشو اكيد هل صكط خاتل بواحد من البيوت
الضابط ... حاضر سيدي
ضرغام ... طلعت من المكان الي كنت دفتش بي اجاني اتصال من العميد حسين
ضرغام ... نعم سيدي
العميد حسين ... ضرغام وينك
ضرغام ... سيدي حالياً احنه بغداد حاصرنه المكان بس ملكينه بي اثر
العميد حسين ... لاهاذه مو شغل هاذه لعب
ضرغام ... العفو منك سيدي بس ترا مخلينه طريقه مسويناهاا حتى نلزمه كل مانعرف مكانه ينهزم واني شاك انو يسحب معلومات من المركز
العميد حسين ... شلون يسحب ومنو ينطيي
ضرغام ... خلي هل موضوع عليه اني اعرف شلون اتصرف
العميد حسين ... اسمع ضرغام أريدك تجيني للبيت عندي كلام وياك كلش ضروري
ضرغام ... حاضر سيدي
ضرغام ... سديت من عنده واني احس دم تجمع براسي كله من فهد النذل اني الضابط ضرغام انحط بهيج موقف مع الأسف
طلعت من المكان الي احنه متواجدين بي
ضرغام ... كرار طالع مهمه ابقه انته وياهم أريدك تشرف على كلشي
الضابط ... حاضر سيدي
ضرغام ... طلعت بسيارتي وتوجهت لبيت العميد حسين الي يصير ابن عم ابوي
وصلت لبيته دكيت لباب ودخلت كعدت ب استقبال شويه واجه العميد
العميد حسين ... سلام عليكم
ضرغام ... وعليكم السلام
العميد حسين ... تفضل تفضل
ضرغام ... كعدت وهوا هم كعد وكال
العميد حسين ... احجيلي بمنو شاك انو ينطي معلومات ويخلي هل نذل كل مره ينهزم منكم
ضرغام ... سيدي انه شاك ب ثنين ويانه ب المركز اول واحد ملازم فهد دائماً اشوفه يخابر ومن تصير مهمه ونفشل بيهاا ابد ميهمه الموضوع واعصابه ابرد من الثلج
العميد حسين ... والثاني ؟؟
ضرغام ... الثاني صديقه لؤي الي الكل يعرفو شكد حقير ونذل وسوالفه مكسره
هز راسه العميد وبقه مركز ثواني وكال
العميد حسين ... ضرغام اني رح اهتم ب الموضوع
لان تحده الصبر وماكدر ابقه منتظركم لأحد ماتوصلون
اله بتي جاي يراقبوهاا اخاف عليهاا تنخطف
ومنو منكم رح يتحمل المسؤليه
ضرغام ... شلون منوو يراقبهاا
العميد حسين ... لبارحه حاسه اكو شخص يراقبهاا
واني متأكد هاذ واحد من جماعة سلمان ( سلمان واحد من أخطر رجال المافيا ولتهريب ب المنوعات )
ضرغام ... سيدي اذا تريد اخلي حراسه على بيتكم
وحتى بنتك من تطلع اخلي وياهاا حراسه
العميد حسين ... لا لا لا ماريدهاا تخاف وتنرعب اني اتصرف انتو متعرفون تصرفون
ضرغام ... سيدي ب....
قاطعني وكال
العميد حسين ... لابس ولاشي اني اتصرف انتم اطلعو من الموضوع الي عليك انته تنتبهلي ع فهد و لؤي وتجيبلي كل المعلومات عنهم وين يطلعون وين يرحون بعد الدوام
كل خطواتهم باجرر اريدهاا يميي مفهوم
ضرغام ... حاضر سيدي
بقه يحجي هواي ويغلط اني ب كوه لازم اعصابي وياه لان يقربلنه ومنصبه أعلى مني
طلعت من عنده بباب شفت بنيه بعدهاا بأول شبابهاا
صغيره كاعده ب حديقه ومخليه بزونه بحضنها وتمسح
على ظهرهاا
هاي بنت العميد ؟
بقيت صافن شوي البنت كانت دايره وجهاا شويه ولتفتت علي اني بسرعه درت وجهي وطلعت
من عدهم
رجعت ل الانبار.. واتصلت بواحد من جماعتي
وطلبت من عنده يراقبلي تحركات الملازم فهد
وصديقه لؤي الي هوا هم شرطي
حاله حال الجنود
خلصت شغلي ورجعت للبيت بليل كلش هلكان وتعبان
وصلت ودخلت للبيت ولكيت
..... يتبع
