الكاتبه زازا
____________________________________
ضرغام ... وصلت ودخلت للبيت ولكيت
امي كاعده ع الارض وتبجي
رحت بسرعه عليهاا
ضرغام ... خير يوم شصاير
ماكو رد بس كاعده وتبجي
كعدت يم رجليهاا ومسحت دموعهاا بأيدي
احجي ليش تبجين لبنات بيهن شي
يمه راح مني راح
ياستار شنو لراح يمه احجي وكفتي كلبي والله
اجت سهئ تركض على صوتي
سهئ ... هاا ضرغام رجعت
ضرغام ... شبيهاا اميي وليششش تبجين شنو
لراح فهموني
سهئ ... اهدئ ماما تبجي على كلادتهاا ضاعت هاي مالت بيبي الي عدهاا قديمه
ضرغام ... كعدت على قنفه وخليت ايدي على راسي سحبت نفس بصعوبه
خرب نشفتو دم بجسمي والله
ام ضرغام ... راحت ذكرئ اخيراا من اميي
ضرغام ... يوم لاتبجين هسه اخلي سهئ دورلج عليهاا وتلكيهاا الج والله خوفتيني عبالي صايرلج شي للبنات
صفنت شويه وتذكرت خواتي ماكو ب البيت
ضرغام ... سهئ وين البنات؟؟
سهئ ... هاا هوا أليوم عدهم دروس اضافيه وراحو يدرسون ويه صديقاتهم بيت ابو محمد جيرانه
ضرغام ... ومنوو سمحلهم يطلعون انيي شنوووو هناااا كوا....
كم مرا نبهتكم متخلوهن يطلعن الاا بعلمي اخخخخ ياربي انتو ناوين تخبلوني والله
سهئ ... هسه ع شنو تعيط عليه عمه هيه الي خلتهن يروحن اني مالي علاقه
ضرغام ... استغفرالله ربيي
عفتهم وطلعت بسرعه من البيت ميعرفون مترقبين مكانه وبأيي لحظه تنخطف وحده من خواتي رحت على بيت ابو محمد جيرانه ودكيت الباب طلع ابوهم سلمت عليه وكتله يناديلهم طلعت سحر وراهاا منار خايفات امشوو حسابكم ب بيت
سحر ... والله خويه اجيت وي منار لان عدهاا دروس وأخذت اذن من امي
ضرغام ... اششش انتي ب اخص صوتج ماسمعه يلاا كدامي
بعدنه نمشي ب طريق للبيت اتصل جهازي وكان العميد حسين باوعت عليهن وكلت
ضرغام ... ادخلن للبيت اني طالع بشغل من ارجع اعرف شلون اتصرف راحو دخلو للبيت واني خذت سيارتي ورحت فتحت خط ع العميد حسين
ضرغام ... الووو
العميد حسين ... هاا ضرغام وينك
ضرغام ... موجود سيدي ليش صاير شي
العميد حسين ... ءيي صاير صاير هوايه أمور ولازم تجيني باجر عندي موضوع وياك كلش ضروري
ضرغام ... انشالله باجر اني يمك بس كولي شنو الموضوع عرفت مكان سلمان او شخص من جماعته
العميد حسين ... نقيب فلاح عرفلي معلومات عن الطريق الي تتسرب منهاا الممنوعات وباجر الصبح رح تروح دوريه بس ب سر ويتأكدون من المكان واذا طلع كلامه صح انته تاخذ دوريه وتطوقون المكان
ضرغام ... حاضر سيدي
العميد حسين ... عرفت شي عن الاشخاص الي يسربون معلومات
ضرغام ... والله سيدي حالياً معرفت شي بس انشالله اعرف لان خليت شخص يراقبهم ويتابع كل تحركاتهم
العميد حسين ... تمام اني انتظرك باجر الموضوع كلش ضروري
ضرغام ... حاضر سيدي
سديت من عنده ورحت اتصلت على صديقي الي طلبت من عنده يراقبلي تحركات الملازم فهد
......يتبع
