نهار جديد...ناضت نورس لبست و وجدت روحها هبطت تفطر مع أمها و خوها ...نورس: صباح الخير عليكم
عيشة: صباح الخير ، الياس: صباح النور ... على قداه تقراي
نورس: على 8:45
إلياس: دوك نوصلك مالا
نورس: لالا مكلاه اصلن نروح مع نيرة
إلياس: عادي نوصلكم في زوج مادام في طريقي
نورس سكتت باسكو تعرف خوها لكان تزيد معاه لكلام يتروشها ... نورس: الباب يدق ماتكون غير نيرة جات ... و مشات فتحت ليها ..
نيرة: صباح ااخير ، واش بيك تباني مقلقة
نورس: إلياس باش يوصلنا لليوم للافاك...تسما مكانش هروب
نيرة: ههه عادي هو يروح و نتي قلعي ... خممي شوية
نورس: اي ولله صح عندك الحق .... هيا يا إلياس راح الحال
إلياس: صاي هاني جيت...خزر لنيرة عمللها سكانار من الفوق للتحت
نيرة: علاه راك تخزرلي هكا .. تبان ماش عاجبك الحال
إلياس: واش هاذ زوز ميترو الي لابستيه
نيرة: انا لابسة زوز ميترو!! راني لابسة نرمال ..ديجا الناس على صباح ربي تقول صباح الخير
إلياس:......
نيرة: واش بيه خوك يشزف علينا
نورس: نتاع كيشغل نتي متعرفيهوش .. ديجا اسكتي لا يسمعنا
وصلو للافاك و نورس تستنا غير وقتاه يروح إلياس.. كان خارج حبساتو طفلة
لميس: واش إلياس صفا.. معبرهاش
لميس: اههه مالا جيت توصل في نورس تقرى ليوم
الياس: ايه عندك مشكل؟؟
لميس: لالا ياك لاباس مابيها والو
إلياس: علاه كشما صرالها؟؟
لميس: لالا باسكو عندها شحال مجاتش تقرى
........
نيرة: يا نورس هذاك ماشي إلياس مع لميس
نورس: ايه
نيرة: انا نعرف خوك ميحكيش مع البنات ..يعني كشما يكون بيناتهم
نورس: هي تضل تجري موراه
نيرة: تسما طايحة فيه 😐علاه مقلتليش
نورس: اوووو نيرة تي واش دخلنا فيهم حنا حياتهم و هوما احرار
نيرة: ايه واش دخلني انا فيه (ههه وهي من الداخل النار شاعلة فيها)
نورس: الياس راح سيبون ..هيا انا نروح نتلاقى مع وليد
نيرة: تهلاي في روحك
نورس: بلا ما توصي
.........
وليد: اهلا نورس صفا
نورس: صفا الحمدلله و نتي
وليد: راني نحاول نكون مليح
نورس: علاه كشما كاين..احكيلي
وليد: نورس باش نكون صريح معاك انا جبتك هنا باش نقللك
نورس: ايه واش تقلي
وليد: يما..
نورس: كشما كاين ... واش بيهم عينيك يدمعو .. واش بيها يماك كشما صرالها
وليد: لالا بصح يما راح تخطبلي بنت اختها
نورس: اهه واشنو .. كيفاه هاذي و انا متعرفش تقلها الي عندي وحدة في حياتي
وليد: نورس تعرفيني منحبش نشوف دموعك.. انا سييت نحكي معاها قداه من مرة نقولها عليك و بلي نحبك نتي ..بصح هيا قاتلي غير هاديك متدخلش لداري
نورس: وعلاه ؟؟ كشما درتلها أنا .. كشما قصرت أنا مع يماك اه قول قول
أهدرر علاه راك ساكت
وليد: قاتلي معندهاش ...
نورس: معندهاش واش كمل
وليد: معنهاش امالي (بمعنى عائلة)
نورس: كيفاش معنديش امالي و انا عندي ماما و اختي و خالي حسين و مرت خالي و بنت خالي .. هاذا كامل مكفهاش
وليد: ماشي على هادم هيا على باباك
نورس فشلت و لعبت عليها الدوخة كيسمعت كلمت باباك موضوع باباها بالنسبة ليها sensible متحب حتى واحد يحكيلها عليه و لا بيعايرها بيه
وليد: نورس واش بيك ..... راح حكمها قبل مدوخ وداها للسبيطار
.....
وليد: اهه دكتور كشما جرالها
طبيب: لالا جيست شوك و سيبون الحمدلله (راني منفهم والو في موضوع الطب سيك عدوهالي)
وليد: مرسي
....
نيرة: الو
وليد: نيرة نورس في السبيطار**** ارواحي اديها
نيرة: علاه كشما صرالها ؟؟
وليد: كي تجي درك تحكيلك
........
نيرة: نونو لعميرة ديالي .. احكيلي واش بيك . وليد كشما دارلك
نورس: خلاص نيرة مبقيتيش تجبديلي عليه .. حكاية و مشات على روحها
نيرة: احكيلي نورس كيفاش هادي حكاية و مشات على روحها كيفاش عشرة سنين في دقيقة ضاعت
نورس: خلاص نيرة
نيرة: هادي هيا الي كيما خوات و منخبيو حتى حاجة على بعضنا معليش ..
نورس: خلاص متزعفيش .. و حكاتلها كلش
نيرة: يماه هاذي كيفاه تقدر تفرق بين زوج .. كيفاه عندها قلب و عايشة بيه
نورس: خلاص فكينا منهم ... هيا نروحو
......
وصلو للحومة و كل وحدة دخلت لدارهم
عيشة: هاذي نتي يا بنتي ... غير متنحي صباطك روحي لدار نيرة
نورس: علاش ؟؟
عيشة: الياس متحلفك ..قاتلو وحدة بلي نتي الأيمات هاذو كامل متجيش للافاك
نورس( بدات ترعش و عينيها يدمعو تعرف خوها يقتلها و يجيفها): قولي ولله واش ندير أنا دىك راني خايفة يا ماما
عيشة: خلاص يا بنتي متبكيش روحي لعند نيرة هيا قبل ميشوفك
هيا جات خارجة و هو شافها
الياس: نورررررس .. ارواحي لهنا
مسكينة بمجرد سمعاتو كيفاه يعيط عليها رجليها فشلو دارتلو و هي تدعي لربي يكون معاها بدات تمشي خطوة للور و خطوة للقدام
الياس: وين كنتي ؟؟
نورس: كنت نقرى
الياس: بركاي من الكذب .. قتلك وييييين كنتي ؟
نورس: الياس قتلك كنت نقرى
الياس: نورس متهبلينيش راكي ليوم و ليمات ليفاتو كامل مكنتيش تروحي تقري... متقلقنيش قوليلي وين كنتي
نورس: .... (ساكتة)
الياس: كنتي مع وليد اه ... و بدا يكركر فيها من شعرها حتى لوصل لبيتها نخا سبتة من سروالو و جا راح يضربها .. حكمتلو يماه يديه
عيشة: (تبكي) : خلاص متمسهاش سيبها خلاص راهي بنتي انا ماهيش بنتك نتا خلااص
الياس: بنتك بصح معرفتيش تربيها دوك انا نعاودلها الرباية ... خرج امو و قفل الباب و طاح يضرب فيها بالسبتة
الياس: هاذي الضربة على خاطر كنت داير فيك كونفيونص .. و هادي باسكو خنتيني في ضهري ... و هاذي باسكو مكنتيش تروحي لالافاك و كنتي تروحي ترندفي معاه .. و هادي باسكو مخمتيش في سمعتي الي وسختيهالي في الأرض يا وحد الخامجة ... بعد عليها و هو يلهث ..قعد في البونك يشوف ليها كيفاش مرمية و بكلها دمومات ... والله و نعرف شكون لعبلك على عقلك و خلاك تمشي معاه نمحيه من الدنيا منيش طفل صغير يرضع في صباعو باسكو نعرفك مليح و نعرف تخمامك انا هو الربيتك ... صح مبيناتناش عوام بزاف بصح كبرت و وليت راجل الدار قبل عمري .. ووليد هاذاك حسابو مزال يخلصها غالية ولله نفكرو في الحليب يماه وقيلامزال ميعرفش كيفاه يدنى لأختي شوفي حالتك كيفاه راهي في جرتو .. سمحيلي نورس بصح الله غالب نتي غلطي و لازم تخلصي و ماشي نتي وحدك معاك وليد و العبد الي وصلك لوليد
يتبع ....💚💚
ŞİMDİ OKUDUĞUN
صرامة الحب
Kısa Hikayeصديقان يقعان في حب نفس الفتاة 💔 فيا ترى القدر بمن سيجمعها 🥺 كورنيك جزائرية من خيالي 🤍
