غدوة من ذاك ناضت نيرة على 5 نتاع الصباح .. دوشت و صلات و نشفت شعرها من بعد لبست هكا 👇
Oups ! Cette image n'est pas conforme à nos directives de contenu. Afin de continuer la publication, veuillez la retirer ou télécharger une autre image.
مريم: نيرة مزلتي نيرة: نلبس البالديوم و cbn مريم: اوكي اني هابطة نسناك لتحت .. وازربي درك يوصل خالك نيرة: علاه حنا رايحين مع خالي منير مريم: ايه ...... حسين: نروح نفتح الباب ... يكون منير الي جا ........ منير: اهلا خويا حسين واش راك حسين: الحمدلله جوز ام يستناو فيك مريم: نييرة هيا يا بنتي خالك جا نيرة: هاني جيت... أهلا ميمو (خالها خارطة عليه تعيطلو هكا) منير: ههه واش الزين هاذا كامل .. ضنيت ولدي داير كاش خير في حياتو (يمعني عليها) حسين: ههه بنتي قاعدة تتخطب و أنا معلاباليش 🤣(يفدد فيها) نيرة: يا بابا يهديك ربي 😕😕 حكمني الفضول باه نشوفو هاذا الي تضل تحكي عليه كل ما تجي مريم: كان تبقو هكا لغدوة صباح .. يا منير راح الحال منير : ايه صح هذاك هو برك نيرة خزرت لباباها و عينيها معمرين بالدموع اول مرة راح تبعد عليه هي صح موالفة تبات مع نورس بصح الدار في الدار دوكا راح تبعد عليه قداه من نهار ..راحت تعنق فيه حسين: اووو نيرة ماشي وقت بكا درك نيرة: راح نتوحشك بزاف بابا حسين: حتا انا يا بنتي مريم: هيا نيرة حسين تهلا في روحك حسين: بلا ما توصي طريق السلامة إنشاء الله ....... بعد طريق طويلة ...وصلو لبلاصة جاية في نص ريف بكلها خضراء .. كانت تما دار تحفة بسيطة لا كبيرة لا صغير دايرين بيها الحشيش و النوار و النباتات الي زادو حلاوها
Oups ! Cette image n'est pas conforme à nos directives de contenu. Afin de continuer la publication, veuillez la retirer ou télécharger une autre image.
نيرة: هاذي هيا الدار مريم: ايه منير : هيا ندخلو نيرة و منير شدو طريق و مريم مترددة تدخل دار ليها منير منير: هيا أختي متخافيش راني معاك ........ دخلو للدار كانو الناس الكل في صالون الي كي شافوها و شافو بنتها فرحو هه كاين الي فرح و كاين لا و الكاين الي قعدو يتهامسو على لبستها باسكو عندهم هوما عيب يلبسو هكا .. مريم لفت انتباها باباها الي قاعد معاهم يحكي و يضحك إستغربت كيفاه مريض و هو يبان لاباس عليه .. و بالنسبة النيرة باهتة تشوف فيهم الشعب كامل قدامها و هي متعرف حتى واحد
