الفصل السابع
العيله في حجات كتير تجمع العيله مع بعضها و تربطها ببعض في ناس تقول النسب و في ناس تقول الشغل و الشراكة و في كمان التجمع الاسري في كتير جدا يا عزيزي بس كل الاساليب دي لا تدل غير على حاجه واحده بس هو اشتياق البني ادم لي اسره و عيله و ناس و لمه و ونس حوليه و الغريب اكتر بقي ان في ناس بتكون في تجمعات و علاقات غير صحيه نفسياً بس بتكمل فيها لخوفهم الشديد من الوحده و عدم وجود شخص معاهم يدعمهم غير العيله اللي بيتقبلها بحلوها ر بمرها من الصعب جدا ان الانسان يعيش لوحده و ينعزل و يكون من غير عيله دي وجهه نظري و افتكر ان في ناس كتير بتتقبل موضوع عيله توكسد لمجرد بس انهم مش عايزين يعيشه لوحدهم
بدايه الفصل
رجعت انا و مروان القصر تاني و دخلنا جوه و هو دخل و طلع على فوق من غير ما يتكلم
سلوي : ماله يا علي
انا : مفيش شويه و يهدا
علي : و هو ايه اللي عصبه أساساً
انا : اخدته النهارده و روحنا ودعنا صفاء علشان كده هو زعلان
سيف : مش فاهم انا هو ليه اصلا يودعها
انا : ها نقول ايه يا سيف اخوك مخه ناشف انا مش عارف بس جايب حبه لي العند مع نفسه و تعذبها منين
بصيت حوليا لقيت الكل باصص ليا
انا :طيب اطلع انام انا بقي يله يا سامي تعاله اوريك اوضه نومك يله
سامي : انا عندي اوضه هنا اساسا
انا : طيب اطلع ريح
جميل : طيب نستأذن احنا
انا : ثواني هابعت معاكم مالك
جميل : ملهوش لزوم يا عمي و بعدين انتا مش مجوزها لي راجل يعني وله ايه
انا : خلاص ياعم الذكر اهدا خد مراتك و يله بره البيت
لميتا : (قامت و اخدتني بالحضن) ها عدي عليك بكره
انا : لا بلاش و من بكره حركتك محسوبه عليكي اي حركه غلط يا لميتا ها ولع في الدنيا كلها ها حافظي على الباشا الصغير
لميتا : ماشي يا احلا جدو يله يا جيمي
جميل : يله
انا : (بوست دماغها) خلي بالك من نفسك
مشيت لميتا مع جميل
اخدت سامي فوق و دخل اوضه. نومه و انا طلعت اوضه النوم و وقفت قدام ثلاث اوض بلعب حادي بادي كرمب زبادي شاله و حطه علدي يا كتكوت يا كتكوت شيل البيضه لا تطق تموت (ايدي جت على باب اوضه سلوي حولت ايدي لي باب اوضه سندي عدل حقيقي العدل من صفات الرجاله اووييييييي) دخلت اوضه سندي و اخدت دش و طلعت لبست بيجامه و بره الدرسنج سندي دخلت مشيت من وراها براحه بتسحب حضنتها من ضهرها و عينك ما تشوف إلا النور ضربتني بضهر رجلها و مسكتني من دراعي قلبتني على ضهري على السرير
انا : اهههههه يابت السعرانة
سندي : يا لهوي مكنتش اعرف انه انتا معلش يا حياتي اصلي مش متعوده على وجودك
انا: يابت الكلب و حيات عيالي لا اقوملك
سندي : ياعم اصلب طولك الاول
انا : ها وريكي (حاولت اقوم معرفتش الصراحه جسمي مهدود) نخليها بكره احسن
سندي : (زي اي ست مصريه لوت بوزها يمين و شمال) وله يهمك يا حبيبي بتحصل
انا : اه عادي بتحصل اوعي بقي خليني اتقلب و انام اوعي
اتقلبت على السرير و نمت و سندي غيرت هدوم البيت و لبست هدوم النوم و طفت الانوار و نامت و نمت نمت زي القتيل و انا عارف و متأكد ان مفيش حد ها يمنعني مفيش حد ها يجبرني ارجع الجحيم تاني الحراس هما اللي كان بيمنعوني دلوقتي مفيش حاجه تمنعني ابدا نمت و انا مرتاح
الفجر
وصل مجموعه من المسلحين عند بوابه القصر الخلفيه و راح ليهم واحد من الحرس فتح ليهم الباب بالكود بتاع امام و عده من البوابه و مشيه في الجنينه واخدين مواضع الهجوم و التخفي و هما مشين في حته ضلمه من الجنينه اتفتح عليهم النار من الحرس و كان معاهم سلاح كاتم لي الصوت محدش حس بحاجه وله لحقه يضربه طلقه واحده بس و اللي احبط العمليه دي كان امام و سامح و معاهم عشره من فريق الحرس القديم خلصه عليهم و راح امام لي مدخل القصر الرئيسي لقي تيمور و مالك قاعدين بيضحكه
مالك : ههههه لالا فاكر ياض زمان لما كنا قاعدين قاعده زي دي و ابوك الرخم دخل علينا فجأه ادانا تكدير خمسين ضغط هههههه ابوك ده رزل رزاله يا جدع
تيمور : ههههههه (بص وره مالك و لقي امام) بس طيب
مالك : طيب ايه يا جدع بقولك رزل
تيمور : بس طيب اوي
مالك : (وقف ضحك و بص لي تيمور بخوف) هو ورايا وله ايه
تيمور : الصراحه ايوه
امام : انتباه
قام الاتنين و وقفه وفي شكل عسكري و قاله تمام يا فندم
امام : قاعدين تلعبه و انا و سامح بنلم البلوي دي
مالك : هو ايه اللي حصل
امام : دخل مجموعه من القتله جنينه القصر يا حضرات
مالك : ازي يخترقه الجحيم
امام : اهلا جحيم مين يا نايم على ودنك ده مش الجحيم ده ستديل الجحيم مستحيل اختراقه لكن هنا مش الجحيم كويس ان احنا تعاملنا معاهم
مالك : مسمعناش صوت ضرب نار
امام : حد قالك ان انا و سامح تجار بلح يابني انا الجنرال تخيل انتا بقي بيت تحت حراسه الجنرال و الطاووس كمان مالك انتا المسؤل عن تأمين نوح و نوح دلوقتي هنا
مالك : بس انا معيش الامكانيات اللي اتحرك بيها
امام : امكانيات ايه انتا بتتكلم عن قصر متأمن في دايره ٥٠ كيلو متر عارف يعني ٥٠ كيلو كل الرمله اللي حولينا دي مزروعه اجهزه استشعار غير افواج القناصه المخفيه فوق القصر و افواج من الحيوانات الشرسه اللي مدربه على ايدي انا و سامح و منظومات الدفاع الجوي و مستشعرات الحركه اللي بتشتغل ضد اي حد مش لبس الباس كود (بص لي الاتنين لقاهم بصين في الارض) اقعد يابني انتا و هو
قعد الاتنين قدام امام
امام : اسمع يابني انتا و هو كل واحد فيكم عمل المستحيل علشان يوصل لي مكان حساس زي اللي انته فيه بلاش تضيعه تعابكم على غلطات فرغه لزم تعتمده على ان العدو دايما موجود و هنا محدش ها يكلفكم بمهام ابدا التأمين و الحراسه دي بتعتكم و مينفعش حد يغلط فيها ابدا انا مش ها عيش العمر كله اعلمكم يله خده عقاب إهمالكم في عشرين واحد مقتول في القطاع سته في الجنينه اتفضله روحه شيله الجثث و اثر الدم و نضفه المكان كله يله
مالك : احم هو ايه القطاع سته ده
امام : الجنينه هنا متقسمه قطاعات و كل قطاع فيه نظام دفاع و حمايه غير التاني
تيمور : و هو فين القطاع ده
امام : معرفش روحه دوره عليه اتفضله
قام الاتنين و امام باصص عليهم و هو بيضرب كف على كف
رحه يتعامله مع الجثث و الدم و سامح اخد الخيان لي وسط الصحراء صفاه و رجع تاني
طلع الصبح و صحيت على صوت المنبه فتحت عيني و بصيت حوليا ملقتش حد
تحت كانت قاعده سندي و معاها سمر و اميرة
سمر : ها يا ست سندي صاحيه وشه مورد كده و منور هو حصل ايه بليل ها (و غمزت ليها)
سندي : وله اي حاجه
سمر : خالص
اميره : يا ستي اعتبري الراجل جي من غربه
سندي : يعني اعمل ايه
اميره : اعملي كل اللي بتعمله الستات يا سندي
سندي : بصي هو كان عايز يعطف و يلطف تمام جيه من ورايا و حضني قومت قلباه على السرير بس بغشوميه و لما سألني قلتله معلش يا حبيبي اصلي مش متعوده على وجودك علشان يحس و يفهم ان عدم وجوده نسانه اصلا انه في حياتنا يحس بالذنب
اميره : يا ست الكل ها يطفش و يبص بره
سندي : يبص بره فين ما خلاص بقي الراجل وصل لي سن الستين خلصت و على اساس ان زمان مكنتش ماليه عينه لا ياختي مليه بس هو بص بره برده اصلك متعرفيش العيله دي بيمشي في دمها داء النسوان اسكتي ده الواد علي طلع عنينا و هو صغير
اميره : يا لهوي ابو عيالي
سمر : طيب يا سندي بس لمي الدور كده ها لحسن توصل لي محكمه الأسره تاني و نقول إريد حالاً
نزلت سلوي و بعدها علي و مروان و البنات و نزل سامي
سامي : هيا امي فين مش شايفها يعني
سلوي : شويه و تنزل
سيف : طيب حد يروح يصحي الضيفه روحي يا كارما
كارما : ماشي يا سيفو
سمر : (خبطتها في ايدها و هيا قايمه) بطلي تدلعي جوزي
كارما : ماشي (راحت و باست سيف من خده و طلعت لسنها لي سمر)
سمر : (قايمه تضربها)
كارما : اخويا يا جدع
سيف : (باس كارما من خدها) ربنا يخليكي لينا يا نور عنينا يا قمر
كارما : (طلعت لسانها لي سمر و لما شافت سمر ها تروح تضربها طلعت تجري)
سمر : ماشي يا كارما الكلب و حيات امك لا اوريكي
فريده : اخونا يا جدع
سمر : لا محدش يبوس جوزي غيري انا و بس
سيف : اخواتي البنات يعمله اللي هما عايزنه صح يا علي
علي : صح يا ابو محمود
اميره : (بحده) عايز تتباس يا علي
علي : (خاف) لا يا حياتي ربنا يخليكي ليا ماليه عيني
سمعه صوت ضحكي انا و غرام و احنا نزلين من على السلم و هيا مبسوطه
اميره : (كلمت سندي بصوت واطي) ادي التركيه بتاعت مهند بيك لا تعمل هيك. خطفته ياختي خليكي انتي في جو عزه نفسي منعاني ده
سندي كانت مولعه من الغيره لدرجه انك لو حطيت ايدك على دماغها ها تتحرق اما سلوي بقي فا دي فاقده الامل فيا خالص اصلها عرفه اللي فيها و عرفه اني خبيت جوزها هيا عن الكل فا عادي اني اخبي جوازي من اي واحده تانيه اشطا
انا : ايوه بقى شويه اكل تركي بصي من اللي يقعده بوراك الله يرحمه في البيت
غرام : بس كده من عنيا يا حياتي
انا : تسلملي عيون القمر
سامي : لا بقي كده كتير في ايه احترمه وجودي شويه
انا : بس ياض
سامي : حصل يا كبير
انا : (كلمت غرام) يله بقي فطار ملوكي. كده من بتاع زمان لحسن واقع من الجوع
غرام : بس كده من عنيا
راحت المطبخ و بصيت قدامي لقيت سامي غيران جدا اصل سامي يا عزيزي يبقي الواد ابن امه فا غيران شويه قعدت وسطهم و ولعت سجاره
انا : فين نوال مش تجيبه الضيفه
سيف : كارما راحت تصحيها
انا : طيب
اميره : علوش
علي : نعم
اميره : لا مش انتا التاني
انا : و انا علوشك من امته بقي مش كنت حرامي و ها تديني بالجزمه قبل كده
اميره : ياه عليك دايماً ظلمني كده
انا : انجزي يابت مجدي انجزي
اميره : كل الموضوع و ما فيه ان علي مدايق عليا موضوع الخروج ده و انا نفسي اتفسح زي زمان
انا : بس كده انزلي اتخن مول في مصر اخرجي و اتفسحي و غيري جو و لو على جوزك انا هاعرف اقنعه كويس
علي : يا بابا مش القصد بس خروجه الست اميره فيها كتير مبلغ و قدره
انا : ياعم سبها تصرف براحتها انتا بقيت بخيل ليه كده انا فاكر طفولتك. كنت نصاب لكن بخيل دي جديده
علي : انتا مش سبت الورث ليا و حق اخواتي في رقبتي خلاص يبقي نقتصد
انا : يابني انا سبته ليك علشان تعيش براحتك انتا و اخواتك ها تاخد الفلوس دي معاك يعني
علي : مش القصد بس انا خايف اظلم حد معايا
انا : الود ده عبيط وله ايه هو انا سايب الف وله الفين يابني اصرفه و اتمتعه و عيشه حياتكم (بصيت لي فريده) اوعا يكون مقصر معاكم في المصاريف
فريده : لا اطمن انا كده كده بعرف اخد اللي انا عايزه
اميره : (مثلت العياط) محدش مقهور في البيت ده غيري اهء اهء (دموع تماسيح يا عزيزي اوعا تتغر اوعا)
انا : برافو يا فنانه بأماره كرسي المساج بتاع يوسف
اميره : من الواضح كده ان المشكله اللي انا منتظرها اصحبها وصله
انا : ايوه وصله
علي : يحيا العدل يحيا العدل
انا : عيب عليك (الباب خبط) حد يقوم يفتح لي عثمان
سامي : لا مش عثمان
انا : تراهن
سامي : ارهانك علي ١٠٠
انا : ماشي و زيها مني
اميره : علقه معايا
علي : و انا اقوم افتح
راح يفتح علي و طلع عثمان فعلاً دخل و سلم و قعد
انا : ايدك على الرهان يا سمسم
سامي : ياعم ماشي (طلع محفظته و اخد منها ١٠٠ جنيه) امسك. شبرق نفسك
انا : ايه دي
سامي : ١٠٠ جنيه
انا : لا انتا قولت ١٠٠ صح
سامي : حصل و معاك ١٠٠
انا : لا انا قصدي ١٠٠ الف
سامي : جنيه
انا : جنيه مين دولار يابني
سامي : و دول اجبهم منين
انا : استلف معرفش بس انا لزم اخد فلوس و ده درس اتعلمه لي الزمن اوعه في يوم من الايام تراهن مع علي الصمدي تاني امين
سامي : طب بالحب كده معاكش ١٠٠ الف دولار سلف
انا : ههههه خلاص ادفعها انا بس اتعلمت الدرس
سامي : خلاص يا كبير
عثمان : (ميل عليا) كنت عايز حضرتك في موضوع كده
انا : بعد الفطار يا عثمان
جت كارما و معاها نوال و رحبت بيها و غرام عملت شويه فطار تركي تحفه قعدنا نفطر مع بعض و بعد ما خلصنا دخلت المكتب و معايا عثمان عملت القهوه ليا و ليه
انا : (قعدت قدامه ولعت سجاره) سامعك
عثمان : في موضوع كده و عايز احكيه ليك
انا : (هزيت دماغي ليه انه يكمل)
عثمان : (حكا عن اللي حصل بينه و بين جميل و بعد ما خلص لحظ غضبي بص في الارض) انا اسف لي حضرتك جدا انا خنت العشره حضرتك كنت كويس معايا جدا و انا ضربتك في ضهرك
انا : انا عارف بكل ده تفتكر الكيان سكت عليك ليه علشان سامي و هما عرفه بوجود سامي منين عثمان انتا كشفت اخوك بدري قوي و هو مش مؤهل نفسياً جوه صراع كبير بينه و بين نفسه بيطلعه بالضحك و الهزار بس انا فاهم ابني كويس اعتبر مشكلتك مع جميل خلصت يا عثمان
عثمان : انا كنت بحمي اخويا مش اكتر و
انا : (قاطعت كلامه) مش محتاج تبرر يا عثمان انا فاهم انتا عملت كل ده ليه كويس اوي بس قدر مش اكتر المهم ايه الموضوع المهم قوي غير ده
عثمان : كنت عايز حضرتك تقنع ماما اني اسافر
انا : و انتا طفل علشان تاخد اذنها
عثمان : برده مش فاهمني انا عايز اسافر تركيا عايز اشوف اهلي
انا : (بصيت لي عينه كويس و شوفت عين انا حافظها عن ظهر قلب) عايز تنتقم لي ابوك
عثمان : حقي
انا : انا عشت عمري كله في انتقام يابني و دمرني و خسرني كل حاجه اهلي و اصحابي و اخواتي و امي الانتقام يدمر المنتقم قبل كل شيء
عثمان : عايز حق ابويا
انا : بس كده من مكانك ابعت اجبهم لحد رجلك هنا يتمنه الرضا ترضا
عثمان : مش ها رضا ابدا عايز اروح ليهم عايز ابص في عنيهم علشان اشوفهم بعد ما اخده مني ابويا
انا : (بصيت ليه شويه و ردت) كلامي ممكن يغير اي حاجه
عثمان : انا اسف جدا لي حضرتك بس لا
انا : طيب (كتبت رقم في ورقه) امسك الرقم ده ده رقم واحد حبيبي في تركيا تواصل معاه و عرفه انك من طرفي ها يدبر ليك كل حاجه معلومات رجاله علاقات كل اللي تحتاجه ها تلقيه معاك و لو احتجت اي حاجه هناك
عثمان : ها كلم حضرتك
انا : اديك عارف ها نادم امك و تقعده تتكلمه انتا كبرت على موضوع اقنع امي ده فاهم
عثمان : (اتوتر مره واحده)
انا : اللي عايز طريق الدم مينفعش يتوتر لزم يبقي قوي
طلعت بره المكتب
انا : غرام
غرام : ايوه يا حبيبي
انا : ادخلي عثمان عايزك في موضوع مهم
غرام : ماشي بعد اذنكم يا جماعه
دخلت غرام المكتب و انا قفلت عليهم و طلعت قعدت معاهم بره
سندي : ايوه يا حبيبي
سلوي : ههههههه بس بصراحه الفطار التركي جامد
انا : مش بقولك
سندي : (بغيره واضحه) ملها قدره القول بالسمن البلدي و البيض بتاعي ها مالهم وله الكشك بالبيض
انا : لا يا حياتي كويسين بس مش ملاحظه ان كلها بيض
سندي : ماله البيض يا اخويا ده هو اللي كان مديك الصحه تاخد كل طلقه و التانيه و تقوم زي القرد
انا : شكلنا كده ها نعيش فترات منعشه مع بعضنا الفتره دي و انتي يا سلوي هانم عندك كلمه
سلوي : انا عن نفسي مفيش حيل اناهد صحتي مش مستحمله فا بص انتا و سندي و غرام عيشه حياتكم انا جايه اكل و اخد ادويتي و انام
اميره : ايوه انتي صاحبه مرض يا حببتي
سلوي : انتي بتقولي فيها ايوه يا بتي لكن الاتنين دول صحتهم تهد جبل و انا مفيش حيل خالص ليهم
انا : خلاص يا ست الفرهوده انا نازل الشغل النهارده
علي : طيب ما تريح شويه
انا : اديلي كتير مريح
سيف : على اساس انك كنت بتلعب كوره يعني كنت شغال افصل شويه يا بابا
انا : عارف يا سيف مفيش احلا من اللعب في السوق من الكرسي بتاعي ياااااه يا سيف متعه رهيبه و انتا شايف الكل في حجمه الطبيعي مش كبار على الفاضي انا طالع البس اجهزه علشان ها نتحرك
سبتهم و طلعت فوق دخلت الدرسنج روم طلعت بدله من بتوعي و لبستها و لبست الساعه و الخاتم و الجزمه اللي يليقه عليهم و رشيت برفيم و نزلت تحت
كارما : اخراشي على العسل يا ولاد
انا : بس يا بت (بصيت لقيت مروان قاعد و سرحان) مروان
مروان : (انتبه) ايوه
انا : تاخد سامي اخوك و نوال و تروح الجامعه تقابل روان تخلص إجراءات التقديم و ترجعهم
مروان : حاضر
انا : سامي
سامي : لسه بدري على الدرسه اقدم من دلوقتي
انا : لسه بدري ايه يابني التقديم مفتوح من يجي شهر يله بطل دلع (كلمت نوال) حضري نفسك يا نوال
نوال : ماشي عمي علي
نزل سيف و علي من فوق اخدتهم و طلعت بره
انا : سامح
سامح :صباح الفل يا كبير
انا : صباحك عناب يله طلعين
مالك : حضرت فريق الحرس يله
انا : لا انتا من دلوقتي شغلك الشغال تأمين علي و تخلي ادهم في حراسه سيف و تيمور يفضل مع سامي و تعين جاسم في حراسه مروان و سامح ها يفضل معايا
مالك : (بص لينا كلنا) طيب ممكن اكلم حضرتك على جنب
انا : مالك مفيش دماغ ليك عايز ايه انجز
مالك : (اتكلم بأحراج) بخصوص سامح و امام الاتنين انا اسف يا عم سامح بس حضرتك و امام كبرته و المفروض كنته تطلعه من الخدمه من مده حضرتكم غير لائقين لي الخدمه وله مجهزين لي التعامل مع الأخطار الجديده احنا دلوقتي بنتكلم في تأمين نوح قائد الجحيم
انا : و لما هما غير لائقين ازي صفه عشرين واحد دخله القصر امبارح روح يابني مع علي يا علي خلي بالك من مالك ها احميه كويس ماشي
علي : في عيني يله يا حماده
مالك : بس
انا : (بصيت ايه من تحت النضاره الشمس)
مالك : براحتك بس لو موت محدش يجي يحاسبني
ركب مالك
سامح : صلي علي النبي
انا : عليه افضل الصلاة والسلام قول
سامح : علشان نكون متفقين من دلوقتي ها تتحرك من غيري ها زعلك ها تطلع من غيري ها زعلك ها تقولي ها روح اشتري علبه سجاير بس من غيري ها زعلك امين
انا : اركب يله
ركب سامح معايا انا و سيف و علي و اتحركنا على الكيان و انا طول الطريق بفكر هاعمل ايه و هل القرارات اللي ها خدها ها يكون رد فعلهم عليها ايه بفكر في طريقه تفكير كل واحد فيهم و ازي اوصل المعلومه ليهم اصل كل بني ادم فيهم ليه صيغه تفكير غير التاني و ده الفرق بيني و بنهم كلهم انا بشوف ازي اوصل اللي قدامي المعلومه و اوصلها لكن هما كلهم يكبه المعلومه و اللي يفهمها يفهمها مش مهم دي غلطتهم كلهم
ساعتين و وصلنا الكيان دخلنا من البوابه
انا : سامح اقف قدام المدخل الرئيسي لي المبني
سامح : الاسنسير بتاعكم جاهز و متأمن في الجراج الخاص تحت
انا : اقف بس
سامح : (وقف العربيه بعد ما بعت إشاره لي كل العريبات)
انا : (بصيت لي مبني الكيان و قد ايه المبني ده جميل جدا شكله تحفه تصميم معماري ممتاز عمله كريم الملكي) فاكر يا سامح اول يوم روحنا فيه مقر المجموعه القديم
سامح : (ابتسم) فاكر اول الحكايه
انا : شوف بقي عدا قد ايه على الحكايه دي عدا سنين و سنين شوف بدأنا من مجموعه صغيره بتشق طريقها و بعدها اكبر مجموعه في مجال الحديد و الصلب و بعدها كيان
سيف : و من المطعم
انا : لي كيان ههههه رحله غريبه اوي يا ولاد سامح انا هادخل من هنا
سامح : علي الكيان كان مخترق و محدش عارف هما ليهم مين تاني هنا بلاش تدخل من الباب
انا : (ابتسمت بشغف) وحشني الاكشن يله
نزلت من العربيه و مالك وشه قلب و نزل الحرس بسرعه و نزل ورايا علي و سيف و سامح و انا ماسك في ايدي عكاز ماشي عليه هو ملهوش لزمه غير منظر مش اكتر
طلعت السلم الخارجي و دخلت من الباب الرئيسي و الحرس ورايا عديت البوابه و كل موظفين الرسبشن انتبه علشان يتأكده هل فعلا الكلام حقيقي هل فعلاً علي الصمدي لسه عايش بعد العمر ده كله و قفت و بصيت لي الرسبشن و طقم السكرتارية و الاستقبال بتفحصهم كويس و طلعت الدور لحد مكتبي على السلم وصلت لي الدور الاخير و قابلت في وشي مرام اللي اول ما شافتني اخدتني قلم حكومه
مرام : (منخرها حمره من كتر الدموع وقفت وقفه بروفشنال) اهلا بيك مستر علي في مبني الكيان مبني الكيان منظومه متكامله تعمل على مدار ٢٤ ساعه في اليوم ٧ ايام في الاسبوع ٣٠ يوم في الشهر ١٢ شهر في السنه اللحظه عندنا بتفرق ارن عليك الفجر قبل ما اخلص الرنه الاوله تكون رديت مفيش وقت لي كنت نايم اوكي
انا : (ابتسمت ليها) لسه زي القمر زي مانتي مهما كبرتي
مرام : (اتعصبت اكتر) بارد
انا : طول عمري يله اعملي القهوه بتعتي و تجيبي البوسطه و الملفات على المكتب يله
سبتها و دخلت المكتب بصيت ليه شويه على شويه تفاصيل فيه و فتحت تلفوني بعت منه رساله و روحت قعدت على الكرسي بتاعي بصيت لي سيف و علي
انا : منتظرين عزومه اتفضله على مكاتبكم و ابعته لي كل اعضاء الكيان في اجتماع مهم النهارده
سيف : ماشي بعد اذنك (طلع سيف من المكتب)
انا : (بصيت لي علي) واقف ليه
علي : لالا مفيش بس
انا : بلا بس بلا مس (رنيت الجرس و دخل مالك)
مالك؛. ايوه
انا : فين اللي طلبته منك
مالك : (طلع من جيبه ظرف) اتفضل
انا : ماشي اتحرك انتا
مالك : حصل
انا : اقعد يا علي
علي : (قعد) خير
انا :(اديته الظرف) افتح
علي : (فتح الظرف و كان فيه جوزات سفر جواز ليه و جواز لي مراته و عليه تأشيره لي جوزر البهاما) ده ايه
انا : دي رحله تاخد مراتك و تسيب يوسف تغيره جو اللي سمعته انكم مطلعتوش شهر عسل خد مراتك غيره جو و جدده نشاطكم اتفسحه و اتدلعه
علي : بس الشغل
انا : حد قال اني ها قصر روح يا علي معاد السفر النهارده الفجر مالك محضر طياره خاصه و كمان الفندق ها تقعده في فندق من بتوعي هناك المكان متأمن مش ها تحتاجه حراسه مكشوفه بالعكس و غير كده قيادات الدوله هناك ها تكون في انتظارك
علي : يا بابا انا مش عايز اتفسح
انا : بس مراتك عايزه اسمع يابني انا معشتش في سلام مع سندي و سلوي من فراغ لا كنت اشوف. هما عايرن ايه و اعمله علشان اروق دماغي لي امور تانيه اخلص من صداع مراتي الاول يله روح مر على مكاتب المحاسبين بص هما بيعمله ايه يله وله شوفلك حته تقعد فيها
علي : بس كده ماشي يا حج بعد اذنك
قام علي و طلع بره و انا وصلتني رساله مكتوب فيها (مرحبا بابي ياغا) ابتسمت و دخلت مرام معاها القهوه و البوسطه و شويه ملفات بدأ ادرسها و احلا حاجه في مرام يا عزيزي هيا الذكاء يعني عرفه اني اول حاجه ها طلبها تقرير عن خط التوريد لي الشريكات التابعه لي الكيان و كمان بره الكيان و كمان الوضع المالي من سيوله و بضائع و مخازن و القروض اللي وخدنها و القروض اللي مطلعنها وكمان عدد المصانع و العماله البشريه الوضع كله من الاخر مرام فعلاً سوبر سكرتيره
قعدت ادرس الملف اللي مكنش عاجبنى خالص مش ده الهدف الرئيسي لي تأسيس الكيان ابدا بالعكس خد مسار تاني غير اللي كنت بحلم به ايوه مسار كويس بس غلط
جيه معاد الاجتماع وصل الشباب و انا دخلت بعدهم بصه ليا بستغراب شديد مش قدرين يفهمه ايه السر وره رجوعي المفاجئ رميت شويه ملفات على الترابيزه و خلعت جاكت البدله و شمرت اكمام القميص و قعدت
انا : ايه مفيش حمدله على السلامه وله ايه
سليم : حمدله على السلامه يا عمي علي
روان : نورت مكانك يا علي
صقر : حمدله علي السلامه
ايهاب : حمدله على السلامه يا عمي
انا : نبدأ الشغل
سيف الملكي : (طلع الكرت بتاعه)
انا : تؤتؤ ملهوش لزوم يا سيف احنا ها نتكلم في الشغل و عادي موضوع مش كبير اوي (ولعت سجاره) عرفين يا ولاد الكيان ده كان حلم كبير اوي بالنسبه ليا و اول مره ادخله من وقت ما اتأسس كنت اسمع اخبار الكيان من كل حته
سليم : و اخبار تفرح طبعا
انا : لا اخبار زي الزفت ايه القرف اللي بتعملوه ده
ايهاب : عمي علي وضح اكتر
انا : طيب الكيان داخل على خط الاحتكار
سليم : (ابتسم بسخريه) احنا فعلا بنحتكر كل حاجه
انا : لا
سليم : (رجع ضهره لي وره و حط ايده تحت دقنه و بسخريه) و ده ازي أنشأ الله
انا : اتعدل و انتا بتكلمني تمام دي نقطه سيف باشا بصفتك المتحدث عن مجموعه العمري لي الاغذيه قلي كده بتنتجه كم طن في الشهر اغذيه
سيف : يعني عشره مليون طن
انا : ايهاب بيه
ايهاب : عشرين (ايهاب اكتر يا عزيزي الان شغله الشغال تصنيع الاغذيه مش زي سيف و كمان مجموعه الديب زيهم)
انا : و مجموعه الديب انتاجها خمسين مليون طن يعني في السنه مجموعه الديب ٦٠٠ مليون طن و المحمدي ٢٤٠ مليون طن و مجموعه العمري ١٢٠ مليون طن توتل ٩٦٠ مليون طن في السنه بيتوزعه على كم مليون نسمه في العالم ٨ مليار نسمه يعني كل عشره مليون نسمه بياخده مليون طن اغذيه مع العلم ان كل مليار نسمه بيستهلك فوق الاتنين مليار طن اغذيه الفرق ده جي منين
صقر : من مصانع تانيه
انا :ازي لما مفيش مصنع اغذيه شغال غيركم و مينفعش اي مصنع تاني يغطي الكميات الضخمه دي غيركم
سليم : و هيا الاحصائيات دي على انهي اساس
انا : الاحصائيات دي عملها رجالتي
سليم : و هو سامح يعرف يعمل إحصائيات
انا : حد يسكت الكائن ده بدل ما اقوم اضربه يا جماعه اللي عايز اقوله ان في اقتصاد ضخم كده خفي انته متعرفوش عنده اي حاجه مهما اشتغلت مصانعنا و شريكاتنا مش ها تقدر توفي الشغل ده هدفي الاول و الاخير لي الكيان اني ادخلكم الاقتصاد الموازي ده اقتصاد غير علني لما حبيته تقومه حرب يا كيان العالم كله عرف لكن الناس اللي بتكلم عنهم دول بقالهم فوق ١٠٠٠ سنه بيقومه حروب و نزاعات و يشيله و يحطه سياسات اقتصاديه و محدش يعرف عنهم حاجه خالص ده كنت عايز اعمله لي الكيان ده كان حلمي لي الكيان محدش يشوفه وله يعرفه ابدا
روان : و هو الاقتصاد ده في ايد مين
انا : كويس سؤال ممتاز الاقتصاد ده في ايد مجموعه من سبع عائلات
سليم : يا علي نظريه المؤامرة و عائلات بتحكم العالم ده بلح مش موجود
انا : طيب قولي الفارق الكبير في شغلكم ده بيجي منين اكيد مش من عندي
صقر : (عدل النضاره بتاعته) الصراحه يا جماعه علي بيتكلم صح انا علشان اخد موافقه تصنيع دواء واحد بجري عليها كتير و لو فكرين وصفه الدواء اللي تقضي على فايرس سي في حقنه واحده بس الورق بتاع الابحاث موجود في ادراج منظمه الصحه من مده كبيره و لما ضغط الدواء ده اتسرب لي شركه تانيه و من الباطن مش مملوكه لي حد
انا : مثلا
سيف الملكي : اللاسف فعلاً هما موجودين و اتقابلت مع اتنين منهم لما طلعت برائه اختارعي لي المايه زمان
انا : اللي قابلتهم سواء كانه دول او اي حد غيرهم انا او انتا يادوبك لمسنا القشره لي العائلات دي
سيف الملكي : القشره
انا : اللاسف ايوه انا و انتا اتلعب بينا الكوره وان تو خد و هات
سليم : (انتبه بجديه) دي كرثه بجد
انا : فعلاً علشان كده انا حطيت خطه ها يمشي عليها الكيان خمسين سنه لي قدام
ايهاب : و هيا
انا : سقوط الكيان
الكل انتبه بمتعاض كبير
سيف : ثواني بس يا بابا انتا مدرك الكلام ده
انا : ايوه الكيان لزم يقع يختفي عن الانظار في مجموعه شريكات كتير جداً
سيف الملكي : ده كلام خطير
سليم : انتا جي يتفرق العيله
انا : و هيا العيله شغل يا سيلم و بس اللي مجمع العيله هو الشغل لا يابني اللي يجمع العيله نسب و صداقه و محبه مش الفلوس يا جمعه الخير انا بتكلم في الصح الكيان وجوده في النور مرغوب من العائلات دي الان الكيان بيخنق التجار و هما حبين كده شخص في النور يشاوره عليه و يقوله هما السبب و اللي بيشاور بايد بالايد التانيه بيطلع الارنب من البورنيطه فكره كويس في كلامي الكيان جوع بلاد و ناس علشان يضغط إقتصادياً انا قعدت فوق العشر سنين بورد اغذيه لي دوله مش موجوده اصلا و محدش عرف دلوقتي لو دخلت على النت ها شوف الكيان بيوزع لي مين و لي ايه مينفعش تكونه في الشبكه اصلا
سيف الملكي : يعني انتا عايزنا بره الشبكه اصلا
انا : بالظبط بره الشبكه دايره الاعداء محسوبين كويس اوي و معدودين على صوابع الايد الواحد
ايهاب : طيب فرضاً وافقنا مينفعش بكره الصبح نطلع نقول ان احنا ها نختفي
انا : اكيد الموضوع ها يبدأ تدريجي مجموعه رجال اعمال من الناس الكويسه اللي لا بتوع مخدرات وله سلاح وله اثار شغلهم نضيف في اكتر من مجال ها نبدأ نوزع السوق عليهم طبعاً ده ها يسبب تضخم في البضاعه و المنتجات الحجات دي
سليم : ها تتصرف من تحت لي تحت
انا : بدأت تفهمني
سيف الملكي : اللاسف مش هاقدر انفذ الكلام ده سوق الزراعه انا استلمته خرابه يا علي خرابه عملت المستحيل علشان انضفه
انا : نضفته و اخدت في وشك شويه بيادق مش قطع اساسيه بره الملعب ها تقدر تاخد القطع الاساسيه دي انا حضرت لي كل سوق فيكم قايمه من خمسين راجل اعمال شاب و كبار كمان كلهم نضاف بضمان مني و كل واحد فيكم ها يدرسهم كويس اوي و يختار انضف عشره فيهم علشان يقسم السوق معاهم ناس تشوفه انكم تقدره تتعامله معاهم بالعقل
سيف الملكي : وضعي صعب
انا : انا عارف بس قولي كده ايه الجديد في الكيان ايه اللي زوده الكيان على مجموعه الملكي اقولك انا كم صفر دخله على الحسابات بس مش اكتر
سيف الملكي : مش بتكلم في فلوس انا بتكلم في بيوت ناس مفتوحه
انا : طيب بيوت الناس دي ها تفضل مفتوحه زي ما هيا الفرق بدل شركه مش شريكات الكيان لا مفيش كيان اصلاً الموضوع مش كبير احنا مش ها نطلع بره السوق نهائي بس ها ندخل سوق تاني قذر اقتصاده قائم على الدم
ايهاب : الوضع خطر جدا دي حرب كبيره
انا : بس كده اطلب يكون تحت ايدك الف واحد في حراستك انتا و بس يا ولاد لو على الامن مفيش اسهل منه الرجاله موجوده و السلاح موجود بس كل ده يكون في مكانه الصحيح ندخل المكان اللي المفروض ندخله علشان ننضفها صح لي اللي جاين بعدينا بعدنا ولادنا و انا مش شايف ان احفادي يعيشه في العالم ده عالم عباره عن كذبه من مجموعه أشخاص كل الفرق بنا و بنهم انهم حسبوها صح على العموم انا مش طالب رد دلوقتي خالص استلم القوائم شوفه الدنيا فيها ايه و بلغوني بردكم اخر الاسبوع و علشان سليم بيه ميزعلش من لمه العيله يا سيدي انا هاعمل حفله نتجمع فيها كلنا اخر الاسبوع عيد ميلاد الواد سامي و الكل معزوم عليها اتمني تقبله و يكون اخر اجتماع لي الكيان بس مش اخر اجتماع لي العيله اتفضله و القوائم ها توصل لحد بيوتكم يله كل واحد على شغله
قام كل واحد و دماغه فيها دوامات من التفكير تفكيك الكيان يا عزيزي اكبر كرثه ها تحل على العالم ببساطه الكيان معاه رخصه سلاح دوليه من عيله الصمدي غير كده شريك في تطوير صناعه السلاح في مصر علشان تدخل السوق العالمي لي تجاره ظخمه زي دي و الكرثه الاكبر بقي شراكه الكيان مع مجموعه الملكي اللي الكيان بيقوم ببناء محطات المايه في العالم كله و هما كلهم شركاء فيها غير كده مصانع الاغذيه اللس بتعتمد اعتماد رأيسي على الاراضي اللي تحت اداره و تشغيل شركه الملكي لي التوريدات الزراعيه نيجي بقي لي ثالث اكبر ملف بعد السلاح و المايه مشروع رقائق اشباه الموصلات عصب تكنولوجيا العالم كله هيا بترول العصر يا عزيزي مشروع الطاقه اللي بيتنفذ دلوقتي محدش كان فاهم كل الامور الماديه دي ها تتسوا ازي اصل محدش فيهم اقتصادي علشان يفهم في الارقام و اللي بيفهم فيهم بيفهم في ارقام معادلات الكيمياء و الفزياء و دول بعاد كل البعد عن مجال ارقام الاقتصاد تجار شاطرين جدا يعرفه يغتنمه الفرصه صح و يمشه السوق كويس بس تقول لي واحد فيهم اعمل موازنه عامه بلح
رجعت مكتبي و دخلت قعدت شويه و مالك بعت ليا رساله بصيت على محتواها و ابتسمت شويه و الباب خبط و دخلت مرام
مرام : علي في واحد عايز يقابلك بره
انا : اسمه
مرام : (ده الكرت بتاعه)
انا : (اخدت الكرت و قريت الاسم و ابتسمت) طيب دخليه و ابعتي البوفيه
مرام : اوكي
انا : اه بلاش تسجلي الكرت او الاسم في سجل الزيارات بتاع النهارده
مرام : اشمعنا
انا : علشان الشخص ده مش اسمه الحقيقي شوفي يشرب ايه و دخليه
مرام : انا قولت رجعتك مش ها تعدي بالساهل
انا : عيب عليك يا باشا طول عمري جنب الحيط
مرام : طول عمرك بتهد الحيط يا اخويا
طلعت مرام و دخل الضيف و في ضهره عدل البوفيه بالقهوه الضيف كان شاب في الثلاثين تقريباً
انا : اهلا و سهلا يا سياده اللواء
الضيف : لواء
انا : مش اللواء الغرباوي برده مش جهاز المخابرات العامه وله انا غلطان
الغرباوي : (ابتسم) كلامهم عنك صح قوله ها يكشفك من اسمك و قد كان
انا : مهو برده يا باشا ميصحش تختار اسم حركي محسن ممتاز ايه يا باشا انتا جاي لي ديفيد شارل سمحون وله ايه
الغرباوي : اصلي بعشق ملف محسن بيه
انا : طيب كلنا بنعشقه بس قولي كده ايه سر زياره اقوي جهاز استخباراتي في الشرق الاوسط لحد باب مكتبي
الغرباوي : مفيش جي نتكلم شويه
انا : و انا وقتي و مالي و حياتي فداء لي الوطن
الغرباوي : مفيش كاميرات هنا
انا : مش شو اعلامي يا باشا بس دي الحقيقه احنا تاريخنا معاكم كبير اوي اكبر مما تتخيل
الغرباوي : كنت فين يا علي قلبنا الدنيا عليك
انا : ايه يا باشا حد قالك اني كنا متجوزين في السر
الغرباوي : لا يا حبيبي كنت عاشقك في الضلمه كنت فين
انا : في ارض الله يا باشا ارض الله واسعه
الغرباوي : سبت البلد تغرق من بعدك في بحر دم و تقولي كنت في ارض الله
انا : ازي هما مش الصيادين بعوني لي الامريكان و الصهاينه و كمان الروس و المافيات باشا بلاش نقعد نتحاسب عليكم كتير ليا
الغرباوي : محدش ساب حاجه
انا : يبقي مدرستش ملفي كويس
الغرباوي : لا درسته بس كل مره اشوف حاجه جديده علاقات متشعبه لي اقصا درجه قولي كنت بتجيب وقت ازي متجوز اتنين و فاتح بيتك لي الكل الاهل و الاصحاب و لي المقاومه الفلسطينيه و كمان عيالك و علاقاتك
انا : دي نعمه محدش يقدر يوهبها لي حد نصيب
الغرباوي : علاقاتك بقي هيا اللي كانت كرثه يا راجل تغتال حاكم في المكسيك
انا : لا استطيع انكار او تأكيد معلومه حضرتك بس لو موجوده ها قول
الغرباوي : شاطر قولي يا علي جبت ملف المحفل منين
انا : من عشرين سنه غربه و بعد و موت سياده اللواء حضرتك متتخيلش كم الكوارث اللي مريت بيها علشان ارجع اقعد هنا تاني (ولعت سجاره) حاجت تشيب
الغرباوي : و اديك رجعت تاني السوق ها تعمل ايه
انا : (بصيت ليه شويه) باشا قولي كده ايه اخر الزياره دي
الغرباوي : ايه انتا زهقت مني طيب اخر الزيارة دي انك رجعت السوق ايوه بس السوق دلوقتي مبقاش زي زمان يعني متعرفش تعمل زي ما عملت في رضا الغول او غيره كتير محدش ها يحميك
انا : (ضحكت) هههههههه يحميني ههههههه باشا انا محدش في الدنيا دي يقدر يقف قدام اللي انا راجع و واقف قصادهم من دلوقتي عد على عقارب الساعه كل خمس سعات حاله اغتيال
العرباوي : ها جيبك ساعتها
انا : (ببراءه الاطفال) اثبت
الغرباوي : لالا فكك مفيش حد في افريقيا كلها يقدر يعمل حاجه من غير ما نعرف احنا دوله مصر موجودين في كل حته و قريبين ليك اوي اقرب مما تتخيل
انا : الحاجه التانيه بقي قول ايه هيا
الغرباوي : تحت ايدك مخبر لينا
انا : مفيش تحت ايدي حاجه
الغرباوي : رضا الريحاني اطول عميل متخفي في تاريخ مصر شغله في المخدرات بس هو مخبر لينا سيبه و ده لي مصلحتك انتا مش لي حد تاني
انا : (اخدت نفس من السجاره و سرحت شويه و بصيت ليه) بص يا غالي لو جي تهددني فا قعد قدام الخلقه اللي شايفها دي بشر يشيبه شعر راسك و كانه جاين بالموت لحد باب بيتي بس روح الموت و هو في ايدهم و متعرفش تدفني تحت سابع ارض الانك مش حملي وله حمل علاقاتي و اتصالات و كفايه اني قولت انكم بره محاوله اغتيالي و حاسبت كتير غيركم غرباوي باشا انا ورايا عيله و بلد و نسل و سلسال ممدود في سابع ارض اقدم من بلدك نفسها مش انا اللي تيجي تهددني و لو على رضا احب اقولك انه مش تحت ايدي اللاسف (قومت) شرفتنا يا باشا
الغرباوي : خلي بالك اللي وجله تيجي تحت منه
انا : ملهوش قومه و بلاش تغلطه الغلطه دي معايا انا انا كنت ميت و اهلي عززه اقتصاد عالم بحاله ما بالك لو موت بجد قلبتهم عمله ازي شرفت
الغرباوي : بدماغك
طلع الغرباوي و بعد ما ركب الاسنسير مالك دخلي لاب توب
نزل الغرباوي اخد عربيته و مشي و هو ماشي جاله تلفون
الغرباوي : الو يا نوح
نوح : ايه رايح تهدد علي الصمدي
الغرباوي : اوعا تقولي انتا كمان ان علي عنصر بحاول تشتغل معاه من مده من الساعه اللي قررت فيها امسك ملفه و التلفونات شغاله عليا
نوح : ابعد عن علي الصمدي و كون انك الرأس الغير معلن لي جهاز المخابرات العامه المصريه يديك حصانه انك في الضلمه انا كفائه اجيب اتخن كشاف و اسلطه عليك و الكل يشوفك
الغرباوي : ايه السر في علي الصمدي و ليه عايز تشغله معاك انتا و غيرك
نوح : ههههههه اشغل مين يابني علي الصمدي لزم يتساب كده بعيد لوحده محدش يقرب منه تحفه بشريه حيه من صنع الخالق و متأثر بعوامل خارجيه اسمع علي الصمدي ملكش دعوه به
الغرباوي : اديني سبب واحد
نوح : علي جوكر اللعبه
الغرباوي : ملهوش لزمه
نوح : غير في ايد صاحبه اسمع انا هاعمل معاك صفقه و انتي عارفني بحب اعمل صفقات اسلمك خاليه بتحاول تنفذ عمليه تخريب في حقل ظهر بتاع الغاز و تسيب علي الصمدي يلعب براحتهر
الغرباوي : (سكت)
نوح : يبقى الصفقه مش عجباك تروح اي جهاز غيرك عادي
الغرباوي : خلاص يا نوح عندي
نوح : حبيب قلبي سعيد جدا بالتعامل معاك و الملفات و البيانات ها توصلك في خلال ساعه
الغرباوي : مستني
في المكتب
قفلت لاب توب اللي عليه برنامج بيغير الأصوات
انا : جي يهددني انا هههههههه
مالك : عايز الحق
انا : لا
مالك : اشمعنا
انا : علشان ها يجرح
مالك : اقوله و امري لله وجودك هنا خطر
انا : لو عليا انا زي القطط بسبع ارواح
مالك : عليهم هما
انا : و انا موجود ليه غير علشانهم هما روح يا مالك شوف شغلك و معاك ضوء اخضر تاخد كل الاجرائات لي تأمين الكل بس انا طلعني من حسبتك خالص
مالك : بس كده انتا تأمر بعد اذنك (و ابتسم ابتسامه شيطانيه و مشي)
الصراحه قلقت من ابتسامه مالك الاني عارفه في موضوع التأمين ده مجنون ده ممكن ينزل الجحيم كله عند ستديل و يطلع الاسطول السابع تاني يأمن البحر و ممكن يعمل الأفظع يستدعي القوات الخاصه لي الاسطول السابع (عزيزي القارء مالك بصفته خازن النار عنده السلطه انه يحرك قدر من القوات العسكريه لي الجحيم و لو اخد اذن الفا اللي هو شيخ الواحه يقدر يحرك نص قوات الجحيم) قعدت اخلص شغلي و بعدها روحت اخدت الولاد و روحت البيت دخلنا من الباب و لقيت البت اميره موقفها جنبها كارما و سامي و سمر و ماسكين لوحات مكتوب عليها (الشعب يريد خروجه في العيد)
انا : ايه الهبل ده (و بصيت لي سيف)
سيف : انا مليش دعوه
انا : (بصيت لي علي)
علي : ههه لا انا مش ها ندهش هيا جيبالي الكلام على طول مش جديد
انا : ايه الهزار ده
اميره : دي مظاهره سلميه
انا : و ايه مطالبكم بقي
علي : البس
اميره : اولا يتم. تحديد إقامه علي جوزي في مدينه الملاهي هو و اسرته و كمان عربيه جديده لي سمر
سمر : اختي
اميره : و الواد سامي عايز يخرج مع صاحبه و كارما تنادي بمساوه بين الرجل و المرأة مروان بياخد مصروف اكبر منها
انا : طيب سهل تنزل كارما تشتغل مع مروان علشان تاخد مصروف كبير زيه و كمان مرتب و سمر عايزه عربيه جديده و ماله بس تتعلم فنون قتاليه و سامي باشا عايز يخرج سهله ينزل خمسين ضغط
سامي و سمر و كارما بصه لي بعض و نزله اللوحات و طلعه الاقلام الفولو ماستر و كتبه بين الشعب يريد جروجه في العيد جم بين الشعب يريد و كتبه كلمه لا من فوق و رفعه اللوح تاني
انا : جدعان انا ميحصلش عصيان مدني في بيتي و انا بحذركم اي عصيان ها يتقابل بقوات فض الشغب (و خلعت الحزام) انا معايا الشرعيه
سامي : و احنا معاك يا رايس
انا : جدع
كارما : و انا كمان
سمر : بلا تمرين بلا قرف
اميره : خونا انا معنديش غير شموسه حببتي ها تيجي تعمل ثوره معايا هيا و ليل و ليث و نورا و مايكل دول رجالتي اذا منفعش السلم يبقي الحرب
انا : (لفيت الحزام حولين ايدي)
اميره : يبقى مفاوضات
انا : خلاص سمر ها جبلها عربيه جديده و كارما ها زود مصروفها و سامي يخرج براحته
اميره : و انا يا حمايا يا عسل
انا : جوزك محضر ليكي مفاجأه
طلعت فوق دخلت اوضه نوم سلوي اخدت دش و غيرت هدومي و نزلت المكتب قولت اخلص الشق المالي لي تفكيك الكيان ابدأ فيه لحد ما يجي معاد الغدا و انا شغال دخلت سندي عليا
سندي :. خلاص ها تفكك الكيان
انا : ده لي الصالح العام يا سندي انا عارف انكم. تعبته كتير علشان يتعمل كيان بس مينفعش يكمل في النور
سندي : طيب بتعمل ايه
انا : بخلص الشق المالي لي تفكيك الكيان
سندي : و انتا تفهم في الميزانيات منين ها قولي بتفهم انتا في ده من امته
انا : من امته (ابتسمت بثقه) باشا انا اول دفعتي اربع سنين بزنس
سندي : مكرر اوعا تنسه كمله مكرر انا الاوله مش انتا ماشي يا مكرر
انا : (عزيزي لو انتا شايف ان علي الصمدي مخه ذري في الامور الماليه احب اقولك ان سندي مخها عنقودي سندي في خلال عشرين سنه كانت كل سنه تقفيل ميزانيه كده تضاعف ثروتهم مرتين غير كده اشطر واحده تدخل فلوس السلاح و الاثار في الحسابات اجدعها جهاز تدقيق ميعرفش يكشف التلاعب فين) ماشي ياعم الجامد بس كده اسهري انتي على الملفات دي
سندي : بكره الصبح يكونه خلصانين و يله علشان الغدا يله
انا : وراك يا باشا
طلعت سندي و انا حصلتها قعدنا على السفره و غرام سرحانه مش بتاكل غير قليل جدا و بصت ليا يحزن بصيت ليها نظره اطمنها بيها و بعد الغدا قعدنا مع نوال بنتكلم معاها علشان متحسش انها غريبه وسطنا نزلت فريده من فوق و هيا لبسه
انا : على فين يا قمر القمارات
فريده : و النبي ما في قمر غيرك انتا يا عسل بس رايحه الشغل
انا : طيب يا باشا خلي بالك من نفسك
فريده : علم و جاري التنفيذ يا غالي سلام
طلعت فريده و ركبت الريس بتاعها و اتحركت وصلت الشغل بتاعها دخلت المكتب طلبت قهوتها وصلت و ولعت سجاره و دخل عليها مواطن عادي عنده شكوه و وره ست بتبكي و كل شويه تشد ايده تبوسها و هو يسحب ايده منها
شخص : (سحب ايده منها) اوعي ايدك
ست : ابوس ايدك يا معلم بلاش و انا ها دفع
فريده : (فزعت) ايه اللي بيحصل هنا ده يا عسكري
عسكري : تمام يا فندم
فريده : مين دول و بيعمله ايه هنا
عسكري : الحج سعد عايز يرفع شيك يا فندم و ياخد به محضر
فريده : اتفضل يا حج سعد اقعد
سعد : (قعد بكل الاطه و تكبر و عدل هدومه) يا فريده باشا انا سمعت عن حضرتك كتير انك بتنصري المظلوم
فريده : القانون يا حج هو اللي بينصر المظلوم اتفضل ايه شكوتك
سعد : الست دي نصبت عليا
فريده : في ايه
سعد : اخدت فلوس سلف و مضت شيك و مش عايزه ترجعها
فريده : طيب واخد رفض على الشيك
سعد: ايوه يا باشا (طلع الشيك) اتفضلي رفض البنك
الست : (نزلت على الارض و قعدت تبوس في رجل الراجل) ابوس ايدك خلاص و انا هاعمل اللي انتا عايزه خدي انا
فريده : (بصت لي الراجل و لي الست و الشيك رفعت حاجبها) يا حج اتفضل مع العسكري ها يخلص الاجرائات
سعد : (اتفخم في نفسه) مفيش مشكله بس ياريت بسرعه علشان سايب المعرض لوحده
فريدة : مفيش مشكله اتفضل يا عسكري
عسكري : تمام يا فندم
فريده : الحج سعد ها يتفضل معاك دلوقتي تهتم به على الاخر و يخلص الورق اللي هو عايزه
عسكري : (بص لي اسلوب فريده و فهم انها بتسقعه) اتفضل معايا يا حج سعد اتفضل
سعد : تمام
قام و طلع بره المكتب و الست قعدت تعيط على الارض و تلطم فريده بصت لي اسم الست في الشيك
فريده : انتي سيده
سيده : ايوه يا هانم ابوس ايدكم يا بشوات ارحموني و انا ها نفذ كل كلامكم
فريده : قومي من على الارض و اقعدي قدامي
سيده : (قامت و هيا بتبكي و قعدت قدام اميره و هيا تعبانه من كتر العياط)
فريده : انتي اخدتي فلوس سلف من الراجل ده
سيده : لا واللهي يا فريده باشا انا اخدت منه شويه حجات كتبني شيك
فريده : حجات ايه
سيده : اخدت من عنده ثلاجه و غساله و بتجاز لي جهاز البت علشان استرها و كنت بدفع دفعت كتير و اشتغلت في حتت كتير اوي علشان ادفع الفلوس دي و ده اخر شيك
فريده : ام طيب ايه يثبت انك دفعتي ليه قبل كده
سيده : كان بيكتب ليا إيصالات استلام بالمبلغ و اخر شيك اخد فلوسه والله اخد فلوسه و كتاب الله اخد فلوسه بس مدانيش وصل
فريده : طيب اهدي (ادتها كبايه مايه) اشربي و اهدي و فهميني الموضوع كده من الاول لي الاخر
سيده : (شرب المايه) في الاول كانت وصولات امانه و جوزي كان بيدفع جيه جوزي و هو شغال في المعمار وقع من فوق سقاله دخل مستشفي كبيره اوي بتاع واحد من البهوات اللي بيعمله الخير اتعالج و اتلحق و عاش بس زي الميت مشلول كله و فاقد بصره اتراكمت الديون علينا و اتطلبنا في معاد عرفي و بدلنا الوصولات بشيكات بنك اشتغلت في كل حاجه حتي بيع المنديل في الاشارات (بدأت تبكي) و اشتغلت خدامه في البيوت مترحمتش بس استحملت بالعافيه جيه الراجل الوسخ ده يقولي جوزيني بنتك علشان اديكي فلوس اكتر من اللي دفعتيها و بنتي عندها ١٨ سنه و هو زي مانتي شايفه كده عنده يجي خمسين سنه و انا بنتي غاليه عليا رفضت بس مكنتش اعرف اللي بيدبر ليه
فريده : (بدأ رمشها يتحرك لي فوق و تحت من الغضب لزمه متوارثه) طيب اهدي خالص و اعتبريها عندي (رنت الجرس و دخل عامل البوفيه) يا نصر
نصر : ايوه باشا
فريده : ها بعتك مشوار (طلعت من جيبها الفيزا بتعتها) تروح عند مكنه الفلوس تسحب عشرين الف جنيه و تيجي انتا عارف الباسورد
نصر : (بص لي الست الكبيره و بص لي فريده و ابتسم بحترام اصلها مش اول مره في شغل فريده تتعرض لي موقف زي ده) تحت امرك يا باشا
فريده : يله
طلع نصر و فريده قامت راحت لي سيده مسكت دماغها و باستها
فريده : انتي عظيمه و اطمني ها نعمل مخالصه دلوقتي و تروحي لي بنتك و لي جوزك
سيده : يا هانم انا مش عايزه فلوس انا عايزه حقي
فريده : و انا مش عايزه فلوس انا عايزاكي تروحي بيتك
سيده : دين في رقبتي
فريده : سبيها على الله و اهدي كده كدة اخره فاضي و مفيش محكمه ها تحكم عليكي انتي كنتي بتسددي و في وصولات بده يعني حسن النيه موجود مش ها تاخدي حكم وله تباتي في الحجز طول مانا موجوده اهدي
خمس دقايق و نصر رجع بالفلوس و سلمها لي فريده هيا و الكرت فريده بتثق فيه بس بتثق في رساله البنك اكتر طلع نصر و شويه و اقتحم مكتبها ضابط اسمه زياد و معاه المعلم سعد
زياد : فريده باشا معلش ازعجنا حضرتك الحج سعد قريبي و انا هاخد المحضر
فريده : (بصت لي زياد اللي بتكره اهله بسبب غروره و تكبره على الناس) لا
زياد : يا باشا مش عايزن نتعب معاليك في قصه صغيره زي دي
فريده : و علشان كده خلصانه يا زياد الفلوس اهي موجوده
زياد : زياد طيب فريده
فريده؛ فريده
زياد : زي زياد المهم الست دي ها تبات في الحجز النهارده مفهاش كلام
فريده؛. ازي لما الفلوس ها تدفع
زياد : معلش بقي يا باشا هما شكلهم نسيه يعلموكم في الشرطه النسائيه ان الخزنه بتقفل بعد ٤ يعني مش ها تعرفي تودعي الفلوس باسم المجني عليه يعني معانا لحد بكره اللي هو الجمعه
فريده : (بصت وره لي سعد) لا وسخ عرفت تختار معاد كويس
سعد : (بكل بجاحه) حقي
فريده : (ولعت سجاره) بتلعبه مش الشخص الغلط اخر فرصه تاخد الفلوس
زياد : اوصلك حاجه اسمك. و اسم عيلتك مش فوق القانون
فريده : صح بس القانون بيقول ان الشيك اللي يتاخد في معاد عرفي لا يعتد به من الاساس و منقدرش نحبسها قبل قرار النيابه وله نتحفض عليها هنا الان برده القانون بيقول ان المتهم العائل لي شخص غير قادر او معاق يتم التحفظ عليه في بيته يعني مش هنا و غير كده الست معاها وصولات سداد سابقه يعني نيه السداد موجوده يا حضره الضابط (كلمت نفسها بحزن) كان من الاول خد الفلوس
سعد : جري ايه يا روح امك حتت بدله فرحانه بيها ده انا البسك الجلابيه
زياد : (اتصدم من رد فعل سعد)
فريده : حبيب قلبي وصلت للي انا عايزه عسكري
عسكري :. تمام يا فندم
فريده : اتحفظ على عمك الحج علشان سبني في مقر عملي
عسكري : تمام يا فندم
زياد : يا انا يانتي في الشغلانه دي لو الحج سعد دخل الحجز
فريده؛. اتخن رتبه اخبط دماغك فيها و قولهم قبل ما تروح تعيط فريده هيا اللي عملت كده و انتا عارف باقي الاسم اتفضل عسكري نفذ الامر و حضر اتنين عساكر يتحفظه على الست سيده في بيتها اصلها عليها قضيه و ده القانووووون
اخد العسكري سعد بالعافيه و هو بيزعق و زياد طلع من المكتب قالب وشه و طلع على مكتب المأمور و فريده طمنت سيده و مشتها
المأمور : ادخل
زياد : باشا مش ها ينفع اللي بيحصل في القسم ده هيا مش طابونه
المأمور : (بغضب خبط ايده على المكتب) اتكلم بأدب و احترم الرتبه يا سياده المقدم
زياد : (اتكدر) تمام يا فندم
المأمور : (شاور لي العسكري يقفل الباب وره) اسمع يا زياد مش معني ان جدو معالي المستشار وله بابا معالي مساعد الوزير او حتي انا عمك و وضعك معانا يسمح ليك تتعدا الاعراف الخاصه بالميري
زياد : يا عمي اللي بيحصل هنا يجي في وشك التفتيش ممكن يعملك مشكله بسبب التسيب ده
المأمور؛. اسمها سياده العقيد يا ولد و مش قسمي انا اللي يكون فيه تسيب
زياد : يا سياده العقيد حضرتك سايب الملازم اول فريده تبرطع في القسم بدون اي رقيب او حسيب عليها
المأمور : (رجع ضهره لي وره) هيا الحكايه فريده صح اصل اقول ايه ربنا يسامح ياخويا يابن امي و ابويا قلتله قدام جدك و الاتنين أحياء يرزقه ابنكم فاشل و شايف نفسه و نسوانجي بس مسمعوش كلامي كل ده علشان بتديك بالجزمه صح
زياد : (ساكت و كاتم غضبه)
المأمور : هههههه مش قادر تتكلم من مكاني هذا احب اقولك ان فريده باشا عملت الصح انا معرفش هيا عملت ايه بس بقولك هيا عملت الصح علشان كده دمك محروق و انا بدعمها
زياد : حتي لو كانت حبست خالي سعد اخو امي
المأمور : حتي لو كان خالك سعد اخو امك اللي بيتاجر في الاجهزه الكهربائيه و بيبيع بالفايظ بالربا ايوه عندها حق
زياد : انا ها بلغ الكلام ده لي معالي المستشار
المأمور : هههههه ها تعيط لي ابوك و جدك روح و ادي دقني لو عرفته تعمله حاجه اطلع بره و عندك جزا يومين علشان دخلت المكتب بدون اذني بره
زياد : (رايح يطلع)
المأمور : التحيه يا حضرت المقدم
زياد : (رجع وقف انتباه و اده التحيه العسكريه و طلع)
طلع زياد راح مكتبه و المأمور ابراهيم قام من مكتبه و نزل راح لي مكتب فريده دخل
فريده : (طفت السجاره بسرعه و قامت ادته التحيه العسكريه و بعدت عن مكتبها علشان يقعد و هيا دي الاعراف العسكريه لي وزاره الداخليه و الحربيه)
ابراهيم : استرح
فريده : (وسعت بين رجلها شويه و لفت دراعتها الاتنين وره ضهرها و شدت جسمها)
ابراهيم : اقعدي يا بت اقعدي
فريده : (ابتسمت و قعدت)
ابراهيم : مش ها نخف مشاكل وله ايه
فريده : يا باشا مشاكل ايه بس ربنا ما يجيب مشاكل
ابراهيم : برده طيب فريده انتي حطه دماغك في دماغ المقدم زياد ليه
فريده : و احط دماغي في دماغ المقدم زياد ليه يا فندم انا بيني و بينه ايه
ابراهيم : انا اللي بسأل
فريده؛ الصراحه يا فندم حضرتك حاجه و هو حاجه تانيه خالص يعني مفيش مقارنه وله نقدر نقول انكم اهل
ابراهيم : انا حاجه و ابن اخويا حاجه تانيه كل بني ادم مختلف عن التاني بس عايز اعرف ايه سبب الخلاف و على فكره انا هابعت لي زياد دلوقتي يجي
فريده : يا باشا دي مش اراء جدال حضرتك تأمر
ابراهيم : ماشي
بعت عسكري يجيب المقدم زياد و جيه زياد و دخل المكتب و ابراهيم شاور ليه يقعد و قعد
ابراهيم : اتفضلي يا فريده عرفيني ايه سبب الخلاف اللي بنكم علشان المشاكل دي بدأت اصدع منها
فريده : سبب الخلاف يا باشا من ايام الاكاديمية زياد باشا شايف ان الشرطه النسائيه مجرد منظر زياده ملهمش لزمه و دي بدايه الخلاف و بعدين الباشا مشغل وزاره الداخليه بالحب يعني يقضي مصالح فئه محدده من الناس و دي مش مشكله معايا يعمل اللي يعمله هو حر مليش دعوه به بس يجي عندي انا هنا و يقف الباشا شايف ان القسم كله شغال عنده ده بيهزق الزملاء الضباط اللي لسه متخرجين و كان عايز يتبع معايا الاسلوب ده ابراهيم باشا انا مش مرمطونه عند حد انا مع احترامي لي حضرتك اشغل بلد بحلها عندي انا فريده علي الصمدي معروفه مين و بنت مين و من عيله مين
زياد : ايه الجو بتاع الفلاحين ده لما انته فلاحين اوي كده سبته بلادكم و قرفتونا ليه
فريده؛ حضرتك اكيد سامع بعد اذنك ارد عليه (كلمت زياد و عنيها حمره من الغضب) اسمع يا بتاع انتا لو فاكر ان ابوك يعرف يحميك تبقي بتحلم انا فريده الصمدي في يوم من الايام جدي كان وزير الوزاره دي و ليا فيها بدل الرتبه الف انتا مش حملي وله حمل اهلي و زي ما قولت احنا فلاحين و صعايده اقسم برب العز امشيها معاك عرفي و ابلغ اهلي و قدام عمك يبقه شنبك ده على دكر لو فلت من ايدها و ده لو شنبك فعلاً على دكر فوق يابني انا فريده علي الصمدي انا اهد بلاد
زياد : شوفت يا باشا شوفت انا بقي مش متنازل عن حقي و عايز اقدم فيها شكوه
ابراهيم : انته الاتنين مخصوم منكم نص شهر تأديب ليكم
فريده : ابراهيم باشا مع احترامي لي حضرتك بس انا مش شغاله لي المرتب
زياد : ماشي انا بقولها اهو يا بدلتي يا بدلتك في الشغلانه دي
فريدة : حضر العبايه يا عسل
زياد : ها نشوف
قام و طلع بره المكتب
فريده : حضرتك سمعت بنفسك صح
ابراهيم : سمعت اسمعي يا فريده مفيش في القسم بتاعي حد يهدد زميل ليه بسلطاته و قوته و معارفه
فريده : انا كنت برد جزء من كرامتي قدامه ابراهيم باشا انا عندي كرامتي واحد بعدها اي حاجه دوله وطن ارض صداقه شرف المهنا حتي القسم
ابراهيم : تمام يا فريده بس الكلام ده مينفعش في قسمي و انا حذرته و بحذرك لو اخر يوم ليا في الشغلانه دي ها منع اي محاوله لي تفرقه القسم ده لي احزاب واحد معاكي و واحد معاه افتكر الرساله وصلت
سابها و خرج و فريده ببرود تام ولعت سجاره تانيه و قعدت تكمل شغلها عادي جدا وله يشغلها
في مشهد اخر
مكان مظلم تجلس فيه الام على عرش من ذهب خالص و امامها زعيم الخوف و حامل الجينات و هو شخص مجهول
الام : ناوي على ايه بعد كده
شخص : مش عارف رجوعه و نزوله عن عرش الحشاشين مخاطره كبيره منه اكيد مش حاسبها
الام : ازي
شخص : تبعيات قرار زي ده مش حاجه سهله اولا الدوله ها تقطعه حتت هو و كيانه لي مؤسسات مختلفه و غير كده الجانب القانوني لي الدوله ها يحاسبه انتا كنت فين و بتعمل ايه هما عده موضوع الماسونية ده بمزاجهم لكن فتره صغيره
الام : تفتكر رد فعل دوله السياده ايه
شخص : معرفش بس دوله السياده ممكن تعدي اي حاجه مهما كانت بس تطلع مغفله في النص لا ده موضوع كبير اوي
الام : اممممم طيب اتحرك انتا و دي اخر مره ها نتقابل السنه دي مش ها نتقابل غير مره واحده في السنه و مش ها يكون في اي توصل بنا بس انتا ها تكون تحت عيني اي تقصير او خطاء تمنه حياتك لو هو سابك انا مش ها سيبك عمري ما اقبل يتقال عن رجالتي ضعاف اتفقنا
شخص : تحت امر ( قام و هو بيرجع لي وره براحه علشان يطلع و هو منحني ليها و طلع بره القاعه و قفل الباب و هو بيقول) كده الحرب تبدأ
المشهد الرئيسي
اوضه نومي انا و سلوي
انا؛. ايوه بقي اللي وحشاني موت
سلوي : واحشاك ايه يا راجل عيب
انا : عيب ايه بس تعالي اما اقولك كلمه تعالي (الباب خبط) بقولك ايه اعملي نفسك نايمه
سلوي : نايمه ايه قوم شوف مين لا تكون مشكله وله حاجه
انا : يتحرق المهم (الباب خبط تاني) لا بقي ده اكيد شخص رخم
سلوي : روح شوف في ايه انا مش ها طير روح
انا : طيب
قومت و فتحت الباب لقيت في وشي غرام
انا : غرام في ايه
غرام : عايزه اتكلم معاك
انا : وقته ده
غرام : مينفعش لي بكره
انا : غرام اقصري الشر و روحي اوضتك بكره نتكلم براحتنا النهارده يوم سلوي و مينفعش اسبها عيب
غرام : مش عايزه غير كلمتين نقولهم و بعدها نبقي نشوف
انا : طيب خير
غرام : عايزه اسافر مع عثمان
انا : لا بقولك ايه انتي مراتي و مش موافق انك تسافري
غرام : خلاص طلقني يا علي انا مش ها سيب عثمان ابني وله سامي
انا : عرفه لوله اني مقدر خوفك على ولادك كنت زعلتك اوي اسمعي يا بت الناس انا مش بطلق عايزه تعيشي معايا كده اهلا و سهلا و مش عايزه ها تعيشي غصب عنك و ده اللي عندي قال اطلق قال فوقي يا غرام انتي مرات علي الصمدي و مرات علي الصمدي تعيش و تموت و هيا مراته يعني مفيش طلاق ابدا
سلوي : (فتحت الباب و طلعت) في ايه يا غرام انتي كويسه
غرام : في ان جوزي عايز يضيع ابني
انا : اضيع مين بقولك ايه مش عايز غباء
سلوي؛. علي شوف انتا اي حاجه اعمالها و انا عايزه غرام يله
انا؛. براحتكم اشبعه ببعض
سبتهم و نزلت تحت دخلت المكتب بتاعي قفلت ورايا كويس و دخلت لي الغرفه السريه اللي في المكتب فتحت باب جوه الغرفه بيودي على اسنسير بينزل تحت الارض و نزلت الصاله اللي تحت و مشيت في ممر يودي لي اوضه تحقيق و عليها حراسه فتحت الباب و دخلت جوه
انا؛. رضا باشا الريحاني وله اقول غسان اشيك غسان
رضا : اسمي رضا الاسم اللي ها يكون كبوسك
انا : يا جدع طب نقول الاسم كامل غسان رضا الغول
رضا : (وشه تجهم) انتا مين
انا : انا علي محمد راضي اسماعيل الصمدي يابن رضا الغول
يتبع.......
YOU ARE READING
الفنجان (حرب الهيبة)
Actionلن ترا عندي إلا كل مكر و حزن و فراق فان كنت من اصحاب القلوب الضعيفه لا انصحك بالتكملة قد تكون البداية بسيطه و لكن النهاية قاسيه كا قسوه الحياة
