صغيرتي البريئه

🖤الانهيار النفسي🖤

الأنهيار النفسي...

الانهيار النفسي مش بيحصل للشخص الضعيف الانهيار النفسي بيحصل للشخص القوى اللي فضل يكتم وجعه وزعله وفضل يقاوم أكتر من الطبيعي لحد ما انفجر وانهار حرفيآ

الانهيار النفسي يعني شخص مبقاش عنده أي قدرة على التحمل بعد ما كان جبل ، شخص وصل لأقصى درجات الحزن والإكتئاب والزعل و الخذلان

شخص استحمل حاجات كتير يمكن تكون صغيرة بس اتركمت جواه لحد ما قتلت روحه وبقي جسد من غير روح ، مش قادر يشتغل مش قادر يدرس، مش عارف يفرح ، ولا عارف حتي يعيط ، شخص بقى فاقد الأمل وغير قادر انه يعمل أي حاجة حتي الحاجات اللي كانت سبب فرحته وسعادته في يوم من الأيام ..

الانهيار النفسي ممكن يسبب مشاكل صحية ، الشخص المنهار نفسيا ممكن يتخنق فجأه ويبقي حرفيا مش عارف ياخد نفسه  ممكن يحس بضربات قلب سريعة جدا ، ممكن يجيله جلطه ، ممكن يحصله مشاكل في القلب ، ممكن حاجات كتير اوي

الإنهيار النفسي أسوأ شيء ممكن يحصل للإنسان فاوعي تسيب نفسك توصل للمرحلة دي..

ولو تعبان ممكن تروح لطبيب نفسي ثقه
يساعدك تعدي الفتره دي مش عيب...

ده مش مجرد بوست ده مريت بيه..
ومش عايزك تقع فيه..🖤

اللهم اشفي كل مريض يتألم..🖤