اللهم صل وسلم على نبينا محمد وعلى اله وصحبه اجمعين
...........
رغد : علمني وش عندك وين المتعه فالموضوع
يعني انا اللي بستمتع اذا قهرته
لكن انت ؟ معقوله بينك عداوه معه وبتنتقم عن طريقي ؟
ايمن بتوتر : هه هه وش تقول
اساسا متعتي اني اناظر لكن من بعيد
يعني بدون سبب احب شعور الكراهيه بينكم انتِ وياه
رغد بشك : لايكون انت قايله يجي
ايمن رد بسرعه : لا لا لا
رغد :معليك مصدقتك ...
قاطعه نوح :هييي يورعان
ايمن ورغد التفتوا لصوت
ثم ناظرو لبعض : ذا شفيه
كمل ايمن:ياخي منفس علينا !
رغد:المشكله انه عرفنا انفسنا ورعان
ايمن:لان واضح يقصدنا امش نشوفه
رغد بضحك: حتى غيث راح له
ايمن : الله يعينا عليه
.....
رغد كانت تمشي ورا سعد اللي اخذ حقيبتا ودخل
: الحين كل واحد له غرفه
سعد : لا
رغد : كم غرفه؟
سعد :ثنتين
رغد: زين طيب بالجزيره لايكون كذا؟
سعد :حجزنا جناح كامل فيه ٤غرف وكل ثنين او ثلاث مع بعض
رغد : اها يصير خير
دخل سعد ل احدى الغرف
ووضع حقيبتها
سعد : انا بنام على الكنب بالجلسه اللي برا
التفتت رغد له : اخخ حتى انا نعسانه بنام الا
صدق يوم كامل طريقنا للجزيره؟!
سعد: لا مين قاله لك
رغد:ايمن
سعد : يكذب هو بس 8 ساعات او اقل
بس الكل الحين بينام بيمر الوقت بسرعه
وجبت حقيبتك يعني اذا تحتاجها وكذا
ابتسمت رغد له : اها تمام شكرا
سعد ابتسم لها : العفو
وطلع
جلست على السرير
:شكلي ما راح اتهنى بالسفره
مو من غيث لا من ايمن وخططه ذي
دق الباب
ثم دخل
واغلق الباب خلفه
ناظرت رغد له بتافف
جلس ايمن على السرير
رغد بعصبيه : ابعد ابعد عن سريري !
ايمن قام بخوف : بسم الله وشش
رغد دفعته عن السرير
: ما احب احد يلمس سريري
ايمن : ياربي منك
وقف قدامها : طيب مو ماخذ وقت
اللي ابيه تجي نروح نلعب مع غيث
رغد: اذا وصلنا
ايمن : لا الحين
رغد : يرجال بنام
عندنا وقت
نام انت لما نوصل نتفاهم
ايمن : اوف منك
طيب ترا قلتها اذا وصلنا
