- اللهم صل وسلم على نبينا محمد وعلى اله وصحبه اجمعين -
رغد وضعت يديها على صدر مازن وهي تشد على قميصه
وقالت بتعب: مازن احس بدوخ
مازن مسكها وضع يدينه على ظهرها
وبقلق : رعد اهدا خلنا نجلس على الرصيف
مشى فيها بهدوء لرصيف
لكن بسرعه مسكها زين بعد مافقدت الوعي
يوسف قال بخوف وبصوت عالي : رعدد!
فهد وثامر قربوا لها بقلق
والكل تجمع عليها بقلق
عز قال بصوت عالي : ابعدوا عنه !!
كان ايمن وسعد يتهاوشوا وهم بطريقهم لشله
استغربوا من تجمعهم و لما سمعوا صوت يوسف
تقدموا بسرعه لهم
سعد بصعوبه قدر يتقدم
ناظر بصدمه لرغد اللي كانت فاقده الوعي
وشايلها مازن وعز قدامه يهاوشه
مازن بانزعاج لعز : قلت لا انا باخذه
وكمل بحده : لمسه منك ماراح اسمح لك
سعد تقدم وبصوت عالي : وش صاير شفيه رعد !
كمل وهو يناظر لمازن : وانت مين تمسكه كذا
ابعد
تقدم اكثر لياخذها
فهد دفعه بقوه وقال : انت اللي مين عشان تتكلم كذا
عز : انتم مجانين ترا نقدر ندعسكم بسهوله اتركوا خوينا !
مازن ضحك وقال : خوينا ؟! هو خوينا قبل لاتعرفونه بعدين ليش مهتمين فيه كذا
فهد : فعلا ليش مهتمين فيه؟
ثامر كان يناظر ل فهد ومازن اللي مو على عادتهم
ومتفاحئ اكثر انهم يتكلمون مع عز اللي يخافون منه بسهوله
قال واحد من شله مازن باستغراب: ذا مو رعد ولد عمكم؟
عز كان بيتكلم لكن ناظر لشخص ثم لمازن وقال باستغراب : رعد ولد عمكم ؟!
تقدم مازن وهو ينزل لرصيف : اي يلا ابعد
سعد ناظر ل ايمن بصدمه
لف ايمن له وقال : وش نسوي !
نوح : طيب ليش ماتوديه للعياده
ياسر : فعلا ليش الا تاخذه
مازن : مالكم دخل شفيكم خايفين عليه ابعدوا عن وجهينا
سعد : خلاص يعيال بما انه مع ولد عمه مو صاير شي احنه نبالغ ..
سكت لما شله ياسر وعز يناظرون له باستغراب
