خلف جدار الوحده

البارت 4

قصه./ / خلف جدار الوحده

بقلـم. / / الـكاتبه توته

‏كلمه كسرت فيني الف شعور ...💔

اتمنئ لكم مشاهده ممتعه (❤️)

>>>>>>>>>>>>>>>>>>>>

شلته فتحت الرساله جانت طلب صداقه علئ الفيس من ولد ..

بقيت صافنه اقبل الاضافه او لا ضغطت قبول وعفت جهاز. ورجعت اكمل المعكرونه شويه واندك الباب رحت يم الباب.

_منو ?

ابو طيبه : هاذه اني باباتي افتحي

من سمعت صوت ابوي فتحت الباب حضنته وبست خده هوه باس راسي ..

_لله يساعدك بابا شعجب ليوم راجع من وكت .

ابو طيبه : ولله بويه شويه تعبان وراسي يوجعني رجعت اريد انام شويه ماشبعان نوم..

_شبيك بابا شنوو شيوجعك تعال خلينه نروح للدكتور.

ابو طيبه : لاتخافين بويه مابيه شي بس شويه صداع لان منايم هواي هسه بس انام اصير زين. 

_تجذب عليه ادري بيك ماتريد تخوفني مريض انته اصلا حته وجهك متغير وصاير اصفر

ضحك وباس راسي لزمني من اكتافي ودخلنه للبيت اندك الباب دار وجهه وگال

ابو طيبه : ادخلي بابا اني افتح

هزيت راسي بأي راح هوه فتح جانت روان سلمت علئ ابوي ودخلت خزرتني عود شون تجذبين ابوج بالبيت

ابو طيبه : بابا طيبه هاي صديقتج اجت تعاي

رحت سلمت عليها ودخلتها وياي للبيت رحنه علئ المطبخ سويه

روان : ولج ليش تجذبين عليه تگولين ابوي مو بالبيت شكد عيب منه كل يوم عدكم اني ..

_يااا روان شبيج بابا يكيف تجين عليه ولله بعدين ليوم بابا رجع من الشغل من وكت لأن تعبان شويه ..

روان : خطيه شبيه ?

_راسه يوجعه هسه تعاي خلينه نحضر الاكل ونگعد سويه نتغده بعدين ندرس

بقينه نطبخ سويه رحت علئ غرفه ابوي حته اساله اذا جوعان اجيبله اكل

دكيت الباب ودخلت لگيته نايم رحت يمه

_بابا حبيبي اكعد

ابو طيبه : ها بويه خير

_سويت غده اكعد اتغده

ابو طيبه : فدوه لبنيتي الشاطره مجوعان باباتي اريد انام تعبان لاتگعديني منا لصلاه المغرب ..

_تمام

طلعت من الغرفه رجعت گعدت ويه روان تغدينه سويه بقت كاعده يمي للعصر ندرس ونسولف احسها مثل اختي كلش حبابه ومؤدبه ..