خلف جدار الوحده

البارت 31

قصه // خلف جدار الوحده

بقـلم // الكاتبه توته… ✍️🖤

𓆪لا شـيء يـ؏ـود ڪاملاَ ﺑـ؏ـد ﺎلأنڪساࢪ

>>>>>>>>>>>>

أسد : اي راح اتزوج انه اريد طفل

فتحت عيوني بصدمه اريد استوعب الكلام الي سمعته مستحيل ياربي ليش هيج يصير بيه شنوو سويت بحياتي حته اتجازه هيجي.

_أسد انته تشاقه مو انته تحبني اني. شء شنو تزوج

عافني ودار وجهه يريد يصعد للغرفه لزمته من قميصه من وراه ودرت وجهه عليه واني دموعي تشكي حالي

_احچيييي لادير ظهرررك وتمشي شنوو تزوج عليييه ليششش أسد ليش اني مووو مرتك موو تگول احبج.
هاذه حبك الي ولك شصااارلنه متزوجين وفكرت تاخذ علييييه

أسد : صوووتج ولججج

_ماااسكت ولله ماسكت اذا تزوج طلكني سمعت مستحيل ابقه وياااك دقيقه

أسد : ههه اطلكج وين تروحين عدج أهل

احس كلامه مثل سجينه وخلاها بنص گلبي نزلت دموعي بقوه احس روحي انتهيت ليش يصيرر بيه كل هاذه

_تعيرني أسد ماترجيتها منك لأن يتيمه تسوي كل هاذه بيه

أسد : مااعير احد انه ولموضوع مابي شي رجال واريدد طفل حالي حال العالم مالج حق تحاسبيني

_شنوو ماااالي حق انييي مررررتك أسد

أسد : ادري مرتي واريد بعد مره

_مستحيييل اخليك تزووج غيرري مستحيل اسد لادمررني لله يخليك انته تدررري بيه شكدد متعلقه بيك لادمر كلشي بينه ولله ماگدر اتحمل صدمه ثااانيه لله يخليك لاتسوويها

عافني وصعد للغرفه بدون ميرد عليه وكعت علئ الارض واني ابچي واشهك كرهت نفسي والكل بهل لحضه تمنيت لوو ميته ويه أهلي ومرتاحه ولاعايشه كل هل ضيم والقهر

سهام : شنهي ماصايره زلم تاخذ 2 و 3

_كاااااافي اسكتووو خلص انتي عمتي انتي بالاخص ماترجيتها تطلع منج كله منجج انتي السبب انتي الي قنعتي بهل زواج

سهام : اي ولله انه گتله ياخذ اريدله طفل شنهي صار شايب وهوه ماعده شي

_شصاارلنه هسه احنه شصاااار شبسرررعه تريدون طفل مايهمكم شي غيررر الطفل ليشش ماتفكرون بيه حرررام عليكم اني موو بتكم ليش دمرون حياتي ليش تضلموني

ترضون يصيرر هيج بأايه ترررضون ليششش اريدد اعرف انتوو ليش كارهيني ليش الكل حاقد عليه ويكرهني واني ممسويتلكم شي حررام عليكم ولله مراح اسامح شخص منكم وعسه حوبتي تبهذلكم واحد واحد…

عفتها وصعدت للغرفه واني اشهك بالگوه اجر نفس حته گلبي صاار يوجعني

فتحت الباب ودخلت علئ اسد واني اشهك وگوه اتنفس اريد افهم شنوو الي تغير ليش صاار يفكر مثلكم مجان مهتم لموضوع الطفل.