في الطريق الى العنوسه 👰
مسائكم سعاده وراحه بال ❤️
بقلمي .....ايات احمد
A...q
انا عانس ...
(الصوت المكتوم في اكثر البيوت)
هستونه صعدنا الدرج وجان نسمع العيطه... التفتنا وجان نشوف
جدو لازم رجله وواگع بلگاع وينوح منها ....نزلنا بساع وركضت عليه ....خفت لابي شي اول متقربت منه وجان
يطرني قووي بلگاع
هو صدوك عمره بلسبعين بس بي حيل اتحدى الشباب اذا جان بيها..... كوولش قوي مشالله صحه وجسم قووي فأذاني كولش بلوگعه احس ضهري نشرگ
ـ عجاج....دوخري دنعل ابوج لاابو ابوج ...لابارك الله بلبطن النگلتج
اجت ملك تاتگومني اباوع كلها التمت فوگ راسي...... ع صوته الكل اجه هرجنا هرج يعيط ويغلط ..من شفتهم متحملت كولش فشلت ....فخليت راسي بين رجليه وگمت ابجي وعد...خير خير ...يابه شجاك ودنگ عليه
ـ عجاج.... هالكحا***ب ذني رايدات يموتني ..عايفات الگاع كلها مي ومنهين هي سيراميك فزلگت ووگعت كله من وره راس هالمخانيث ..ذني الليل نهار مطنبرات واليوم يلله تذكرن البيت جايف ..وخبصنه من الصبح مهجولاتنا وينضفن بس عليمن بعد خوثات نفس امهن ماببهن خير
ـ ماجده...ها هسه طلعت مابيا خير تعيرني بمرضي ها ..ناسي ناسي حجي لو اذكرك.... ناسي ضهري التسگط هذه كله من وره گواني الطحين الجنت انگلهن من يوم الجبتوني بي ع هذه البيت واني گلت لروحي بنت الاصول تمشي ع ماي رجلها وشون متكون حيااته تعيشها وتتأقلم وياها ..وعتبرت روحي منكم وبيكم ونسيت بروحي جنه...وصرت حالي حال اهل بيتك اهاينك ورزايلك وضربك لوضربت بناتك.... كل ذني انشمل بيهن ومجنت احجي شي مثل مايمسحن دمعتهن ويگومن اني هم جنت امسح دمعي واگوم...واگول يلله اعتبري ابوج
هنا راحن وذبن روحهن لاول واحد دگ الباب وازوجن وحده وره الثانيه وهنا صغار بس حتى يخلصن منك والحمدالله الله وفقهن ةطلعو خوش ناس وضليت اني بضيمي وتحملت عيشتكم وعاشرتكم بلحلوه والمره
جنت حتى متلزم همال لمن تنزل الحصى تاخذني انگل گواني طحين تابعي تابع ولدك وهم علواه بريج طيب جنت كل متحجي وتكول
لويش لازم عمال لعد هاي حيل لحصان شنو شغلها واني منا بناتي ع ايدي وشغل البيت وجنت اكول ميخالف هو هاليوم تحملي بشهر ورحي وياه احسن ميبقى ياكل راسج بلحجي وتصير مشاكل وعشت عمري وياك استر منك اي وحده من جناينك تقبل هيج؟ لوتتحمل مثلي!
وهيان ثنيهن عزلن ورتاحن والهن كل الاحترام والتقدير وبقيت اني وبناتي نخدم ومحد راضي
شكو باقيه ليش مااطلع والله لو اكعد بخيمه واكل خبز ومي احسن من قل القيمه هاي اقلها نعيش وراسنا بارد...وردت باوعت لبابا
ESTÁS LEYENDO
رحله العنوسه
Chick-Litلمن يكون الزواج حض ..وشبح العنوسه امر واقع يخنگ البنات بمنتصف العشرينات ..برئيكم شلون راح تتصرف بطلت قصتي حتى تتخلص منه وأي سبل راح تمشي وأي طريق راح تجرفها وشنو العثرات والصعوبات الراح تواجها وبلأخير راح تزوج لو يفوتها القطار وتبقى عانس التفاصيل د...
