في الطريق الى العنوسه 👰
مساء السعاده ❤️
بقلمي .....ايات احمد
A...q
كانت تخاف من كلمه عانس
فتزوجت
وخافت من كلمه مطلقه
فبقيت
عن جحيم احداهن اتحدث.
ويه ماوصلت للغرفه سمعت عمه تحجي بصوت ناصي وحز بيا كولش كلامها واني اسمعها تگول
مناقصه شي فگلت حرامات ميصير قسمه ملاك ....فكل ماروح عليهم ابقي احمد بملاك يم ثريه ولو اني ممكذبه هو صدگ كل كلمه حجيتها ملاك خوش بنيه هنيال الياخذها ورده ويگطفها ويضمها لبستانا....فمن سمعت بيهم يدوروله ع مره تعنيت برجليا ورحت لثريه گتلها روحي مشي ع بيت اخويه ميردوكم وهي هم حسيت الها واهس لان تعرف طبعنا وتعرف اكنه شنو 8سنوات اني وياها جناين بييت واحد لابيوم سوينا مشكله ولاتغالضنه اني وياها....
فگالت شكو بيها بس خل اخذ رئي عموري وشوف ..شو البارحه خابرو ع ابو الجهال وگلوله جيب سحر وتعالو نعقد لعموري ..فرحنالهم ولگيناهم مسوين حفله بينهم بسيطه وخاطب بنت جيرانهم ...
من حجي امه تكول يشوفها خوش بنيه وكدام عينه وگلنا خطبولي ياها ..بس مرت حماي الجبير تكول كذب بينهم علاقه وتصالات ..الله مابينا وبينهم احنه هم عدنه بنات وميجوز هسوالف ....
سمعت صوت زوج عمه اجه فبساع فتت وهنه سكتن واني هم سويت روحي مسمعت اصلا مجان عندي غير هالحل حتى الم بي كرامتي لمبعثره...
بقيت احجي واضحك واني النار بداخلي لحد مرجعت ع البيت گعدت ابدل وصارت عيني ع المرايا من زمان مشايفه نفسي واني بداخليات ..اباوع لجسمي شون صاير كله ترهلات مجان هيج كولش حلو ومشدود قبل جان ..
اباوع لخواصري شون كبرانه وصدري مترهل ...بقيت مصدومه شوكت كل هذه صار ..كل جسمي خرب بكم شهر لعد منا لكم سنه شون ح يصير !؟
اختنگت لبست ملابسي سريع وفتحت الباب ...صارت بوجهي مللك
ـ ملك...بس گليلي شوكت تبطلين طبيعتج السز هاي مالت حيه بگه ...عود تستحي تبدل گدامي ..شنو مثلا عدج فد شي خارق لطبيعه حتى قافله الباب وساعه تبدلين ...هيات هاج اني مو دانزع كدامج شو مااستحي لعد..
نزلت كلبيتها ورفعت راسها. ..وحجت
خير شبيها خلقتج مكلوبه لج ...
رجعت روحي خطوه ليوره وستندت ع طارف الجربايه وكتلها
ـ جسمي خربان
ـ احم شون يعني خربان كولش حلو نفس ماهو ...
ـ لا والله خربان وصاير بي ترهلات وخواصري هماته كبرانات ..بس بلملابس ميبين
ـ وحتلو شنو يعني ليش ضايجه
ـ شون ماضوج واني اشوف شبابي ينتهي
YOU ARE READING
رحله العنوسه
ChickLitلمن يكون الزواج حض ..وشبح العنوسه امر واقع يخنگ البنات بمنتصف العشرينات ..برئيكم شلون راح تتصرف بطلت قصتي حتى تتخلص منه وأي سبل راح تمشي وأي طريق راح تجرفها وشنو العثرات والصعوبات الراح تواجها وبلأخير راح تزوج لو يفوتها القطار وتبقى عانس التفاصيل د...
