Darwin ထွက်သွားတဲ့နောက်ပိုင်း Leo တစ်ယောက်ထဲအိမ်မှာယောင်လည်လည်ကျန်နေခဲ့တော့၏။
အရင်ကတော့ ရန်ဖြစ်တိုင်းကိုယ်ကပဲအရင်အိမ်ကထွက်သွားတာဆိုတော့ အိမ်မှာတစ်ယောက်ထဲနေရတာ ဒီလောက်ခြောက်သွေ့မယ်မှန်းသူမသိခဲ့ပါ။
Darwin ကလွန်ခဲ့တဲ့ရက်ကထွက်သွားသေးပေမဲ့ အဲ့ဒီတုန်းကသူပြန်လာမယ်မှန်း ကိုယ့်စိတ်ကသိနေပြီးသားမို့ စိတ်ထဲဘာမှထွေထွေထူးထူးမဖြစ်ခဲ့။
ဒါ့အပြင် Darwin နဲ့မတွဲခင် အရင့်အရင်တုန်းကလဲ သူဒီလိုပဲတစ်ယောက်ထဲနေခဲ့တာပါပဲ။
အခုကျမှ..........။
လူနှစ်ယောက်အတူနေတာ ကြာသွားလို့လား?
အိမ်သားတစ်ယောက်ယောက်လျှော့သွားရင် ဒီလိုပဲခံစားရတတ်တာထုံးစံပဲမဟုတ်လား။
အင်း...ဟုတ်တယ်။
Leo အတွေးထဲမှာကိုယ့်ဘာသာအမေးအဖြေလုပ်ရင်း သောက်လက်စ coffee ကိုလက်စသတ်ကာ အလုပ်သွားဖို့ပြင်သည်။
အိမ်ထဲကထွက်ခါနီး ကိုယ်လုံးပေါ်မှန်ရှေ့မှာ ကိုယ့်ကိုကိုယ် ၂ ပတ်လောက်လှည့်ကြည့်လိုက်သေးသည်။
အရင်နီကြောင်ကြောင်ဆံပင်တွေကို သူဆေးဆိုးပစ်လိုက်ပြီး ပင်ကိုယ်ဆံပင်အရောင်အတိုင်းပဲထားလိုက်တော့သည်။
လူကောင်သေးသေး၊မျက်လုံးပြာပြာ၊ဆံပင်အနက်ရောင်နှင့် ကောင်ကလေး။
မျက်တွင်းနက်နက်၊နှာတံလုံးလုံး၊နှုတ်ခမ်းရဲရဲလေးတွေနဲ့ တော်တော်ချောမောနေပါသည်။
Shirt လက်ရှည်အဖြူလေးကိုလည်ပင်းနားရောက်သည်အထိကြယ်သီးတပ်ဝတ်ထားပြီး style pant အနက်နဲ့ လက်မှာအပေါ်ထပ်ဆွယ်တာလေးကိုကိုင်ထား၏။
ထိုမှန်ထဲကကောင်လေးက သူ့ကိုပြန်ကြည့်နေတဲ့အချိန် သူအပြုံးလေးတစ်ပွင့်ပေးပြီး မှန်ရှေ့ကခွာလာခဲ့လိုက်သည်။
မော်ဒယ်မြင့် BMW ကားကို ဘီးလေးလိမ့်ရုံမောင်းပြီး နေကာမျက်မှန်ကိုတပ် ၊ ဘေးမှန်ကိုချ မှန်ဘောင်ပေါ်လက်တစ်ဖက်တင်ပြီး ဆေးရုံသွားရာလမ်းတစ်လျှောက် ဘဲရှိုးခံလာသည်။
ESTÁ A LER
ငါမင်းကိုမချစ်ဘူးဆိုတာ လုံးဝသေချာတယ်[Complete]
RomanceSide couple ဖြစ်တဲ့ Leo နဲ့ Darwin တို့ကို တစ်ပုဒ်သက်သက်ခွဲရေးပေးထားတာပါ။ ဆေးအကြောင်းနဲ့ပက်သက်ပြီး မရှင်းရသေးတာတွေဆက်ရှင်းဖို့ အပိုင်းသစ်နည်း နည်းထပ်ဖြည့်ထားပါတယ်။ ဂုဏ်တို့ကိုအရင်ဖတ်ပြီးမှ ဒီတစ်ပုဒ်ကိုဖတ်ဖို့အကြံပြုပါတယ် ။ ဒီတိုင်းဖတ်ရင် သိပ်နားမလည်...