ابن العم المزعج ( كرونيك جزائريه )

البارت الاول

البارت الاول
انا رهف . نقرى في اليسي عمري ١٧ سنه . صهبا ومنمشه شعري طويل وجايه قصيره . هاديه بزاف ومنغلقه وكامل الناس يتوسوسو مني ونجيهم ثقيله ومعقده . بابا مطلق ماما وعايشه معاها في دار وحدنا . هو عاود الزواج وجاب ذراري واحداخرين ومازادش سقسى عليا.

في حياتي كاين عندي شخص واحد مهم ماما برك . وشخص نكرهو من قلبي بعد بابا . الي هو واحد من فاميلتو الي شفت منها غير الهم. وليد عمي سامي .
جاي شغل من صحاب الرجله والذراري نتاع طوايش والبروبلام مع الاداره . طويل وبيض شعرو شقر مطولو شويه وعينيه زروقا عندو الستيل نتاع التسعينات . من الاول ماكنتش نحبو حتى قبل مانعرفو وليد عمي. دايرو بابا باش يعسني . يضل حاط معايا . بوغتو هو عندو عراريم نتاع صحابات . عينيه يطرطقو كي يشوفني مع طفل يقرا معايا . كنت في الساحه نهدر على واحد الدرس مع واحد مجتهد في كلاستنا وكي راح جا سقساني هذا شكون .
_ عاود فكرني شكون انت ؟؟؟ . قلتلو .
_ سامي ...... عمري ١٨ سنه اسكن في ....
قاطاعاتو : جامي هدرت معايا وكي هدرت سقسيتني شكون الطفل هذا ؟؟؟ علابالي بيك شكام بابا هو الي باعثك توقب ورايا وتشمشم كالكلب .
هو تصدم لومبعد جاتو الضحكه : بصح والله ماتبان عليك .
_ ماتزيد تدور بيا لا نسمعك كثر. وجبدت روحي اكره ماعندي في الدنيا فاميله بابا . هوما سباب تطلاق بابا من ماما . سوغتو يماه ماما حكاتلي لفعه كبيره ومعذبه كنتها .باينه وليدها خارج ليها .