😍😍😍😍😍😍😍😍😋😍
البارت الثاني
المتسوى الدراسي نتاع رهف كان عادي تجيب ١٢ ١١ .تقرى قيس ماتطلع العام . في الكلاسه هاديه بزاف بصح عندها معجبين . بصح هي جابده وتكره الرجال ماتريحلهمش وتخاف تخلا عليها كيما ماماها . باسكو يماهل بعد طلاقها انظرت بزاف . رهف كانت تحكي كل شيء ليماها . يماها كان شعرها كامل شاب وزادن ف الوزن بزاف عندها عينين عسليه وشعرها دايرتله ليماش تلبس غير الجلابات وشاطره وعندها بزاف حبابات . ذاك نهار كانو في الكوزينه ، قصرو قسره حتى جا سامي على لسانها ويماها زعفت : بعدي عليهم فاميله الهم مايجي منهم غير الهم والمصيبه . مانشوفكمش معاه.
_ هو الي يجي ليا . بصح هدرت معاه قتلو ماتزيدش تخلط فيا راني نبهدلك .
يماها خزرت فيها شويه وتنهدت .
: ماتهدريش كامل معاه . وراحت تكمل شغالاتها .
اومبعد جازو اليامات عادي .
كانت حصه نتاع سبور وهذا وين روماركات بلي عندهم نفس الحصه مع كلاسه سامي . سامي كان معاود بعام نورمالمو عام السنه راه في الجامعه هو كبير عليها بعام . كي شافها تبسم ولوحلها بعدت وجها بسرعه ومشات بعيد لجماعتها الي ماشي مداسرتها
كان عتدها غير زوج صحبات قراب منها .اومبعد الشيخ قالهم اليوم كاين رياضه الجري . تكره هاذيي الحصه باسكو اليسي كامل يبقى يشوف معاهم وهوما يجرو . طاحت مع واحده قرون طاي طويله والشوينقوم مايخطبش فمها . قالت اواه انا صغيره عليها ورقيقه نسبقها هاذي ثقيله عليا . وطلقت رجليها . حتى بدات تسمع * رااهااااف راهااااف .... راهاااف راهاااف * خزرت لقاتو سامي يصفق ويشجع فيها
جبد صاحبو وناضو يشجعو فيها للزوج وهي ماتت بالحشمه .بصح خسرت . كي شافت معاه لفاتو مكلاطى بالضحك بصوت عالي وصحبو يضحك معاه زاد حشمها ووجها ولا حمر شغل طوماطيشه .
اومبعد كانت تغسل حتى حست بواحد جاي ليها : الي يشوفك تجري يقول بصح بطله العالم مرتين في العدو الريفي ، التشجيع هذاك كامل والطفله الي معاك وصلت قبلك ب عامين 😂😂😂 قرزيا طاب .
_ واحد ماقالك شجع . شنفت عليه .
_ العين الحمرا غير عليا انا ولا مع صحاباتك وجهك حمر ومهبطه راسك ، وبدى يقلد فيها . وكيفاش تدير لشعرها الاصهب وترجعو فوق وذنيها مين تحشم .
_ راك حاط معايا بزاف . قالتلو بالتقلاق .
_ باسكو تعجبيني بزاف . لعب بعينيه و هي تشوكات اومبعد عرفاتو غير يتمسخر . ونزعجت كثر : ماتزيدش تخلط فيا .. وماتزيدش تشجعني دير روحك ماتعرفنيش . راني ننشع فيك فهمت باش تحشم على روحك وتبعد عليا .
لقاتو يضحك : راني معاك سيريو ، قالتو .
_ تشفاي نهار كنا نلعبو البالو مع بعض وكنا ندوشو في باسينه واحده ذوكا كبرتي ووليتي تتكبري عليا .
وجها شعل كالطوماطيشه : انا جامي دوشت معاك في باسينه واحده ياواحد الكذاب . وعيطت عليه حتى الي قراب سمعو
هو زاد كلاطى بالضحك وزاد حشمها كثر : سامط خطيني . وبعدت بالزعاف مزعج مزعج بزاف ويلعبلها على المورال . اومبعد راحت لصحبتها : منين تعرفي سامي .
_ وليد عمي .
_ يااااه والله سامي وليد عمك .
_ المزعج . وركزت على الكلمه هاذيك .
_ كامل ماشي كيما انت ماشي كيف كيف فالعقليه . قالت مصدومه : بصح عينيه زروقا كيفك مي وشنو هو عينيه فاتحين عليك .
رهف ماركزت معاه مع انو يخزر بزاف فالعينين وهي كانت اصلا ماتخزرش فيه وتضل تقلب في عينيها عليه : حاطه معاه بزاف بسلامتك .
ضحكت صحبتها يسرى : باينه .... فخر الانتاج المحلي لبنات نتاع اليسي كامل ضاربين فيه بعشقه الطول والشعر لصفر والعينين زرقين تحسب قاوري . مام هو دسايري ويحب يقصر .. ماشي معقد كيفك .
_ انت مع مين بالزبط ؟؟؟؟ قالت رهف بالتشناف .
_ معااك معاااك طبعا . شدتها من الذراع . اومبعد غمزتلها واشرت لواحده تقرى معاهم ، اميمه كانت من هاذوك المتوسطي الطول الي تدير مساك فوق الخمار وتلبس الوان فاقعه وتحط مكياج فاقع نوعه . : اميمه كانت تتمشى معاه .
_ يخرج عليها ... الخبيثون للخبيثات .
_ باباها مدير كي فاق بيهم حاوزه من اليسي نتاعه لهنا .
_ وانا تبليت بيه .
_ ايماجيني تضاربت هي واحد الشيخه واعره ودارتلها مجلس تاديب غير باش تجي هنا لليسي نتاعنا ويرندفو على راحتهم .
_ مهبوله .
_ قالك باباها غاضب عليها وشوفيها تاكل في الشوينقوم وتصاحب في الذكورا ولا على همها الله يعطيني قلبها .
_ بعيد الشر . قلب ميت كيما هذا تخليه عندها انا كون . اومبعد تفكرت بلي ماعندهاش باباها وصوتها تلاشى . وبدلت الموضوع بسرعه باسكو مورالها تكرفس هاذي لحشيه نتاع الصح .
_ بصح قليتيلي كانت . تسما فعل ماضي ناقص .
_ ايه اومبعد تسيباراو ....
_ بعد كل ذلك الحب ؟؟؟
_ علاقتهم غريبه ومعقده وكومبليكسي ... وانا تبانلي غير فهميها بلي نتونا ولاد عم باسكو كون تشوفي كيفاش دارت لريماس حنونته ياااااااا رهف.
_ تروح تقود .😍😍😍😍😍😍😍😍😍😋😍😋😋😋😋
انتهى البارت 🥰
الى القاء في بارت اخر من روايه * اين العم المزعج * .
STAI LEGGENDO
ابن العم المزعج ( كرونيك جزائريه )
Storie d'amoreالحياة كانت شبه مستقره لبطلتنا رهف حتى ظهر ابن عمها (( سامي )) في حياتها وحرص على جعل المدرسه الثانويه صعبه جدا لها .