ابن العم المزعج ( كرونيك جزائريه )

البارت الرابع

في احد حصص الرياضة
       لعبو شويه سبور ولقات روحها في وسط جماعه بين كلايسهم واحد وسمه اخلف من كلاستها كان يحكي ومتحمس ولسبب ما كان حاط معاها مليار ويشوف في رده فعلها وبدا يقرب منها  ، ماشي حاس بروحو . حتى جا سامي طبعو من صدره بقوة و قالو : سافا شويه ؟؟ وقدم منو بالزعاف وعينيه يشعلو شغل رايح يضربو .
اخلف رفد يديه : واشبيك سامي ..كالمي روحك رهف كيما اختي . الوضع بعدها كان متوتر و التلاميذ بقاو يتخازرو بينهم ويتخازرو فيها  وهي حست بالحشمه .  

لحشيه جاو مروحين رجعو من نفس الطريق لحقاتو   : ماتزيدش تدير ذاك الجاست. 
_ كيفاش  ، هو كان يمشي و يتكيف اومبعد حبس  خزر فيها .
_ هذاك الجاست مع اخلف اليوم بهدلت بيا  ماكان والو بيني وبينو ماتبقاش معقد وتحشم فيا قدام الغاشي .
_ واش انت ماشفتيش كيفاش كان يخزر فيك واقيل .
_ واش دخلك  ، رهف  عيطت فيه . هو تشوكا .مزيه الحومه الي فيهما ثانويتهم كانت فارغه شويه .
  اومبعد هو شغل توسوس وضيق عينيه  : ماشي اول مره انديرها واشبيك داك النيف على النقش هذاك .
_ اووووف بركا ماتسب فيه واش دارلك .

سامي  زعف وقرب منها ،كان طويل عليا بزاف ماتلحقش حتى لصدرو  : كاين حاجه بينك وبينو.
  تنشعت شكون هو باش يتهمها بالزعاف شدت على كرطابها وجات فايته ومخلياتو . بصح هو شدها من الصاك   : راني نهدر معاك رهف .

_ بعد عليها . هنا عيط حاميد . هاذا واش جابو لهنا ؟؟؟ 

حاميد قرب منهم . كان غليظ على سامي وكبير عليه فالعمر  : شكون انت . 

    زدم فيه سامي  : انت الي تقولي شكون انت .
         رهف جاتها الدوخة  . الناس بدات تشوف معاهم .  والنسا خرجو للبالكون وبقاو يطلو . وجها رجع حمر طوماطيشه وحست بالعار وما فاقتش بواش راه صاري حتى شافت سامي  يخنق فيه : بعد عليه سامي .
_ شكون هذا ؟؟؟؟؟  قاللها
_ جارنا .. جارنا . شافك شديتني عمبالو ماتعرفنيش خلاص بعد عليه .

سامي تهدن شويه و بعد عليه وبقى يخزر معاه بالزعاف . الدم مان يسيل من نيفو من المضاربه .
_ لالا مارانيش جارها .... انا حبيبها.
   تصدمت رهف ،  من الصدمه بقات غير تخزر .
اما سامي عاودت النار شعلت فيه : كيفاش
_ حبيتي  والحومه كامل شاهده . عندي عامين وانا .... .
سامي عاود رجع يضرب فيه باش يتسكتو  وناضت كحلة حتى الناس جراو يسلكو .

رهف خلاتهم و هربت للدار يماها غير فتحت الباب لقاتها  تبكي وتعيط . منين جاوها ذو المصايب جامي تخيلت روحها تنحط فهكذا موقف . الله يلعن الرجال ماشافت منهم خير . ماماها خافت وبدات تحضن فيها وتسقسي واش بيها ورهف غير نبكي . ماقدرتش تحكيلها تبهديله قدام  الحومه. 
❤❤❤❤❤❤❤🖤🖤🖤🖤🖤🖤🖤🖤
❤ رهف مسكينه تجيها المشاكل من حيث لا تحتسب 😂
🖤 اسمحولي طولت عليكم
❤ اذا وصل عدد النجمات  الى خمسة نطلع البارت الجديد . ها خمسة برك مارانيش طماعة ماشي تقراو وتجوزو جمجمولي شويه 😒🧐

تنبيه : 💘💥💥
     طلعت روايه جديدة بالعربية الفصحى اسمها * سلطان البحر المتوسط *  ومع الوقت ندخل فيها كلمات باللهجة الجزائرية . تحدث في فتره تاريخيه من تاريخ الجزائر . الروايه رح تكون نار واحداث مشوقه فيها حزن وحرب وموت وحب .