#عشق أهل الانبار
بقلمي انا الكاتبة #رواء هادي
تابعوا حسابي على الانستغرامroyan4h@
لاتنسون تعلقون بين الفقرات وتخلون لايك قبل القراءة تشجيع لي من أجل الاستمرار ...
قراءة ممتعة للجميع.
البيت انخبض خبض أخواني خطيه راحوا لعدها جابوها واجوي حجت القصة وكالت اي هو يشتغل بتهريب الاسلحة ويه امر الفوج مالتهم أمر الفوج وكم
جندي هم شايلين
مو بس مؤمن راح رجلي راح شكد حجيت وكلت عوف هاي الشغلة الحرام ليش تسرق الدولة ليش ؟ ماسمع مني وهسه راح حاروا بزمانهم مايكدرون يسوون شي لازمي
بالجرم المشهود وأمر الفوج مالتهم .....معترف عليهم واحد واحد مخليت مؤمن يأمن وكابسي بيتهم ومطلعين الأسلحة من داخل بيته عمامي اجوي يحجون عليه
راح ضيع نفسه بنفسه حيل ابو زايد بي ابو المشاكل والمصايب يارجال ياسبع ليخلصه من بين ايدين الدولة مالكيت الا الدولة تبوكها وتبوك الجيش ولك
نغل ابن الحرام ماسوه سوايتك
وباك سلاح الدولة .
نزلوا بي دوسة ونص عمي أتصل بعمي الثاني مشمت يكول الحمدلله مادخلت ويا شريك فلوسه كلها فلوس الحرام واحد نكس وسخ الله يلعنه يبوك اسلاح الدولة
ليش ياظالم النفس
ليش صار خير عمي هو أكبر حرامي على الكره الأرضية والله مشمته بى مؤمن جان خابصنه عمي وعمي وتاج راسي وسندي اشو من اول طيحة الك تبرى
منك ومن أصلك.
امي تبجي وتتوسل بيهم يشوفون جارة لمؤمن كالت اتصلوا برائد وكولوله بالكت الله يكدر يسوي شي ؟
حسام : اقسم بالله العلي العظيم مراح اتصل بي ولا اكوله طبه ألف طب يستاهل هالوسخ هالحرامي مالكيت شي تبوكه الا سلاح بيش تقاتلون لعد بييش ...
نزل دوسه ونص مسلم كذالك ...
حتى أني مراح أتصل واكوله شكو وشحجي اخوي طلع حرامي يبوك بسلاح الفوج مالته ويبيعه بره
ياكاع انشكي وبلعيني .
أمي : راح يروح وليدي
حسام : من ايده كافي تدكين وتنوحين عليه كافي طبه
ألف طب من ايده ابو ايد الطويلة
عمامي هم نزلوا بي دوسة ونص وكالوا ديروا بالكم تتصلون بنسيبكم الضابط وتطلبون منه هسه ياخذ نظره سيئة عليكم ويكول أنتو حرامية ويعوف زينب خلوا مؤمن يتعاقب
على عملته علمود يصير عبرة لغيره وعبرة لكل واحد يبوك الدولة راحوا عمامي اجه مهدي اخذ نوره هم حجه على مؤمن صايرلي سيد براسي وينطي شرعية وقال الله وقال الرسول
وطلع حرامي الله ينتقم منه طلع مستر بالدين .
تريد واحد يوكف وي مؤمن ماكو أقرب الناس له عمي دار ظهره اله وخلاه أمي اخذتني للغرفة تتوسل بي فدوة رحتلج يمة اتصلي بخطيبج وكوليله يطلعه قبل لا
تتلبس التهمة برأسه .
أنت تقرأ
عشق أهل الأنبار {مكتملة }
Romanceقصة حقيقية ٫ تدور أحداث القصة حول ضابطين في الجيش العراقي يواجهان عدة مشاكل وعقبات في الحياة، أولها مشاكل الحب من طرف واحد، #للكاتبة رواء هادي
