رواية # عشق أهل الأنبار
#الكاتبة راوء هادي
وقبل كل شيء ، اترك تعليقًا وإعجابًا بين الفقرات.
قراءة ممتعة للجميع
كمت بسرعة شايل التلفون بايدي مسك انهارت بالبجي كعدت بالكاع تبجي مستنده ظهرها على طرف الجربايةوتردد كلمات بحركة قلب ..
_ليش هيج خنتني بيش قصرت وياك بيش
_بالقرأن مخاين
_لتجذب
_مسك وغلات رضاوي مخاينج وماعرف هاي منو؟
_هسه صرت ماتعرف
كعدت كدامها حاير شسوي هو انه .....نفسي ماعرف هاي منو ومنين اجتني ياربي خليت ايدي على جتفها هزت نفسها جريت ايدي بسرعة
_شيل ايدك خاين
_استغفرالله مسك وغلاتج عندي ماعرف هاي منو ؟
_ليش تنكر كول الصدك قاسم
_ ماعرفها وماعندي علاقة بيها ماعرف
هاي شنو لدازته
_صورك محادثاتك وياها شنووو
_ لتصيحين رضاوي نايم واهدئي خل نفتهم السالفة
شبيج ماصدكتي تلكين زلة وتتعاركين وياي
لهاي الدرجة ماعندج ثقة بي ؟
_انتو الزلم مابيكم أمان
_ مسك مو كل اصابعج سويه فدوة رحتلج اهدئي وخل نتفاهم إذا تبقين هيج تبجين وتشكين بي مراح نوصل الحل وماراح نعرف منو هاي لتريد
تهجم بيتنا دكافي بجي
رفعت راسها دموع تنزل عشرة على عشرة ...
كافي بجي انه اجي من الشغل تعبان ومشتاقلج أنتِ
تزعلين منورة وحدة ماتوصل لتراب رجليج
دكافي عاد مسوكة
مسحت دموعها ...
اي أبقى غشمر بي
_اقسم بالله العظيم مااخونج ولا افكر بعقلي اخونج
أصلا دكومي وخل نعرف منو هاي
هجامة البيوت
_ماكوم روح
_لا إله إلا الله محمد رسول الله كومي عاد مسك
_ماكوم ماكوم
_إلى متى تبقين زعطوطة
_اسأل نفسك
_شسأل بلا ؟
_شلون طاوعك گلبك وخنتني ؟
_خل اكوم اجيب القرآن الكريم واحلفج ماخاينج أدري بيج مراح تصدكين وراح يصير بي شي منورة حلفي الج هو هذا لترديه تخلصين مني
شمرت التلفون بالكاع قوي وكمت اتجاه الميز اريد اجر المجر واطلع القرآن واحلف لها توني خليت ايدي أريد اجر المجر اجت لعندي تركض وكفت كدامي ...
_لا تحلف قاسم
_بعدي خل احلف
_ماا ابعد والله ماابعد لا تحاول
أنت تقرأ
عشق أهل الأنبار {مكتملة }
Mystery / Thrillerقصة حقيقية ٫ تدور أحداث القصة حول ضابطين في الجيش العراقي يواجهان عدة مشاكل وعقبات في الحياة، أولها مشاكل الحب من طرف واحد #للكاتبة رواء هادي
