بعنوان: 🔥مُــهْــجَــةُ الــقَــاسِــي🔥
🍷أسـيـرة سـفـاح تـيـخـوانـا🍷
بأنامل: 👑رباب نجمة Rabab Najma👑
❌🔥أنتِ دُميتي وأنا جحيمُكِ🔥❌
قررت أن أعود إلى حيث الذات، فالكتابة هي المشروع الأقدس لإخبار الروح كي تبوح. ففي هذه اللحظة البوح يعلن ع...
رخف من قبضته على شعرها وحرك أنامله على خدها الناعم لي كيقسم أنه عمرو قاس شي حاجة أنعم من خدها ناطق بهدوء خاتم حديثه بغمزة...... دانييل: واش كتفكري تعصي زوجك وتمنعيه من حقوقو الشرعية........
وسعات عينيها بصدمة ناطقة بنبرة مرتجفة....... مهجة: نت واحد لعين كنكرهك من كل أعماق قلبي............
ابتسم بخبث وقرب منها أكثر كينظر ليها بنظرات عاشق مستحيل يقدر يخفيهم.......
"أنت بمثابة تنهيدة دافئة بين تعب وآخر"....🖤
ناطق بهدوء حرك براكين ثائرة داخل جسدها........ دانييل: علاقتنا غاتولي رسمية وغاتوثق على الأوراق وبصفة قانونية...... كانظن غانكونوا زوجين مثاليين أش باليك أ الغزالة........
دفعاتو بكل جهدها متراجعة للخلف وبسرعة تمشات بخطواتها مبعدة على السرير لي كانت ناعسة عليه ناطقة بنبرة غاضبة خلاتو يسخر من وضعها لي كيبين ضعفها وعدم قدرتها على النجاة من قسوة قلبه........ مهجة: مستحيل نخليك تقرب مني.......
أشارت بسبابتها للسرير لي كانت ملقاة عليه وهو قريب منها.....السرير لي شهد على ليال جمعاتها بيه......الليالي لي احتضن جسدها وامتلكها بكل جوارحها....... مهجة: هذاك السرير هو لي عمرني غانكون عليه........إلا كانت كايهمك داكشي حتى لديك الدرجة خليك غير مع العاهرات دياولك أما أنا أشرف منهم ومنك......إلا كان كايحسابليك غاتملكني بجبروتك والسيطرة ديالك غاتكون مخدوع حيت ماغانكونش ليك ديك الدمية المطيعة.....غير نسا هادي لي قدامك مهجة لي مكاتسمح لحتى شخص ينتاهك شرفها....بصح نت ربحتي في المرات لي فاتو وخديتي أمور ماشي من حقك وبعدم رضاي لكن دبا الأمر مختلف ومستحيل نخليك تاخدهم مني وخا يكلفني منعك حياتي..........
انتهت من كلامها وعينيها الحمراويتين أبدا ما انتهتش بل مازالة كترجم مشاعر الغضب والحقد........خدودها حمراء بسبب تنفسها غير المنتظم وقلبها كيدق بسرعة.......
بقات كترمقوا بنظراتها الحارقة وهو كايشوف فيها بنظرات إستفزازية......بقا ساكت مدة قصيرة قبل ما يتكلم بإغاضة....... دانييل: وجدي راسك بغيتك تكوني غدا في أبهى حلة ماشي من الصواب ماتكونيش مستعدة وفرحانة قدام عائلتك بمناسبة حفل زفافك...........
جسدها الضعيف ماستحملش الموقف لي هي فيه والكلام لي قالو دبا بحال شي قنبلة فجرات ما في داخلها......حاسة براسها بحال السجينة لي تحكم عليها بالمؤبد وهي بريئة من التهمة.......
وقعات على الأرض خائرة القوى.......
زاد بخطواتو لعندها كيتفحصها بقلق لكن منع راسو من أنه يقرب منها فاش نطقات كلماتها بهمس...... مهجة: نت قاسي معيا رغم أنني ما أذيتك في والو، نـت وحــش وأنا كـانـكـرهـك.......
خرج من الغرفة بعدما قال كلماته الجارحة مخليها منهارة كتحتاضن الأرض بقلب موجوع وأحاسيس منكسرة.......كاتفكر في الأحداث الماضية وكتسأل على شنو غايوقع من بعد...........
