(#شمسين 🔥♥️)

البارت 109

سحبتها من ايدها ونزلنا والحمدلله مچان احد بالصالة
- هتاااان ايدي اخخ
هتان: وجع الله متشوفين ظلمة هسه نگع
- اگعي وحدچ شكو هيچ لازمتني استغفر الله ياربي
هتان: ماكو صوت شنو ديضحك عليا
- هتاااان يعني احنه هسه فاتحين الباب حتى ماكو صوت
هتان: يالملگوفه ووجع الله لصيحين هسه نفتح
مشيت متردده يم الباب ولا مره اني طالعة بهيچ وقت ولازگه باختي وهي لازگه بيه
لحد ما اجاني صوته ورد گلبي وارتاحيت
يوسف: يابه دفتحي ترا متت من البرد

- استلمي والله چان استحيتي موگفين الولد بالباب ساعة
رحت ركض وفتحته وبس مطلعه راسي من الباب
ضحك من شافني وعدل شعره
يوسف: ها يعني ماافوت ؟
هتان: ااححمم شدخل فوت فوت

- شنو شدخل دشوفي شون مطلعه راسچ عبالك غريب واگف يمچ
يوسف: ههههه دعوفيهاا شبيج ويا مرتي
هتان: يعني متشوفيني شلابسة شبيج وياي اليوم
يوسف: ما شاء الله دفوتي فوتي

فات وگف يم الباب وسده وباسني
- ااححم نحن هنا

دفعته ..
هتان: ياا متشوف هالملگوفه واگفه
يوسف: يالملگوفه ممكن تعوفينا شوي
- لا اطلب غيرها مستحيل افوت للبيت هسه وحدي
هتان: عود تخافين يعني شهالچذب
- هااا صرت چذابه هو منو نزلني غيرچ هاا!!

يوسف: اي ديلا لتفضوحني صوتكم
- نايمين معليك
هتان: فوت جوا نبقى هنا بهالبرد
- هو موجود تدفين بس اني شگول
هتان: أستغفر الله وتالي وياچ مو عيب
يوسف: لا ترا دتحچي صدگ
حچيتله بهمس
هتان: يووسف مو گدامها
يوسف: دعوفيها اصلًا مستعجل ولازم اروح
هتان: اامم مستعجل وين
يوسف: وياي صافي حنرجع هسه
هتان: جبته وياك حتى ماتطول ها
يوسف: يابه والله مو ببالي هالسالفة
هتان: اامم ديلا خوش
يوسف: اعوضچ اعوضچ لسه الايام گدامنا
هتان: نشوف استاذ
- هتاان بردت امشو نفوت جوا
هتان: ههفف شهالبلوه
يوسف: دفوتوا انتو يلا حروح اني

هتان: ياا ها شبيك صدگ تحچي هو ششفت منك
يوسف: الساعة وحدة اني هم خفيف عيب هسه يطلعون اهلچ
هتان: هااا زلمتي ترا
يوسف: مو بالوحدة بالليل عيب مترهم
هتان:تمام تمام
- اههو زعلت ديگلج اعوضچ
هتان: ههيييي وتالي ويااجج شبيج اليوم
يوسف: دتتشاقه وياچ يابه شكو
هتان: دافعلها بعد
يوسف: مو ادافع .. يابه ماعرفتك هيچ من تعصب تطلع هالگد حلو
هتان: ها بس من اعصب؟
يوسف: افاا اني هيچ گلت ؟
هتان: ااممم ايي مگلت
ضحك وبقينا نسولف هيچ عشر دقايق
واتصل عليه صافي
شوي وسده
يوسف: يلا لازم اروح
هتان: شبي شصاير
يوسف: مصاير ديگول اكو اثنين رايحين رادين ومو عاجبهم الوضع
هتان: منو بس لا احد منا
يوسف: خلي يولون شعلينا بيهم
هتان: الله يستر
يوسف: شكو خايفه
هتان: ما اخاف وانت يمي
ضحك وباسني
يوسف: يلا اتأخرت محتاجة شي
هتان : شسمه .. احبك
اتغيرت ملامحه بسرعة وابتسم ودحگ ؏ اختي حتى يشوفها سمعت لو لا
هتان: هههههه شكو
يوسف: ماكو واني احبچ
هتان : اي يلا ادري
يوسف : هههههه تمام يلا روحي بسرعه
هتان: لا غير اقفل الباب
يوسف: اي يلا وبسرعه للغرفة
هتان : اي اي ان شاء الله
راح هو وفراشاااات بصدري واني الچنت اتهزم من اتصاله حتى ما اجاوبه وابقى زعلانه داشوف روحي طايرة من الفرح بهالشوفه اللي متتعدة الـ20 دقيقة2