حب في ازقه نينوى

البارت 39

#حب_في_ازقة_نينوى
بقلم #احمد
البارت_39
.
.
معتز: ثاني يوم كعدت الفجر صليت ورجعت لدوامي واني احس نفسي منتصر عليها خلي تعرف منو معتز الي تحاول تتحداه واذا هي بنت ابوها خلي تعيدها مرة ثانية ههههههههه
.
.
نرجس: كعدت ثاني يوم معتز رايح لدوامو جان يوم خميس رحت لدوامي واحس تفسي تعبانة يمكن لان نمت زيادة صار عندي خمول
.
.
خلصت محاظرات الظهر واسماء تتأخر اتصلت على جواد علمود يجي ياخذني كال ماكدر لان ناس هواي بالمول لان كلهم ياخذون من الحجي
.
.
ومن باع محلاتو انتظروه يفتح المول علمود ياخذون منو واجو كلهم بيوم واحد وبسبب الازدحام عليهم مايكدر يجي جواد
.
.
كعدت انتظر اسماء واني ضايجة اتصل علي معتز اول اتصال ما جاوبت عليه كلت هسا يحجي ببوسة البارحة واني طالعة روحي وفصل الاتصال ورجع اتصل مرة ثانية وجاوبتو
.
.
معتز: ها حبيبي خوما مشغولة
نرجس: هلا معتز لا دا انتظر اسماء
معتز: خلصتي محاظرات
.
.
نرجس: اي
معتز: شبيج احسج ضايجة
نرجس: ماعرف عندي خمول وبس اريد ارجع للبيت يمكن تعب الاسبوع
.
.
معتز: خلي جواد يجي ياخذج
نرجس: اتصلت عليه خطية مايكدر عندهم ازدحام بالمول
معتز: اجي اخذج للبيت
.
.
نرجس: ياريت
معتز: بس اريد مثل بوسة البارحة
نرجس: باي
.
.
معتز: انتظري ولج
نرجس: شنو
معتز: شبيج اليوم مطنكرة هيج يولي
.
.
نرجس: ضايجة ومالي خلك احجي بموضوع البارحة
معتز: يلا نحجي بغير موضوع
نرجس: يلا احجي
.
.
معتز: بوستي جانت حلوة لو لا
نرجس: معتزززززز
معتز: هههههههههه يولي اموت على طنكورتج
.
.
نرجس: من كال هيج ضحكت لا ارادي
معتز: اروح فدوة لضحكتج
نرجس: بربك هاي هم حالة
.
.
معتز: شنو حبيبتي
نرجس: عود ضايجة بكلمتين نصبت علي وضحكتني
معتز: شعندج ضايجة الدنيا ما تسوى
.
.
نرجس: كملنا حجي وما تركني الا اجت اسماء وكل شوية يزعجني بموضوع البوسة ويضحك علي وانا كل عقلي اتعارك وياه
.
.
رجعنا للبيت اني واسماء تغديت ورحت نمت ويا عبدالهادي كعدني العصر يريد ينزل رجعتو لحظني كلتلو سولفلي قصة وبدا يحجي بس ما فهمت شي من حجيو وهو يحجي واني اباوع لحركاتو ومبتسمة
.
.
بعدها كمنا عدلت الفراش وخليتو يمشي وياي ونزلنا سوا اني رحت للمطبخ وهو كمل طريقو للحديقة جانت كاعدة الحجية عالشمس كعد بحظنها ويحجي وياها اني ماعرف ليش احس بملل هالايام يمكن من الروتين اليومي المتكرر
.
.
يوميا اكعد الصبح اداوم وارجع ادرس واهتم بعبدالهادي ونتساعد بالبيت اني واسماء شربت ماي من المطبخ وطلعت عند الحجية
.
.
الحجية: هلا بنيتي
نرجس: هلا ماما
الحجية: شبيج مو على بعضج
.
.
نرجس: ماعرف ماما بس ضايجة
الحجية: مابقى هواي لعطلة نص السنة وخلي الحجي ياخذنا لبيت ابو اسد شرايج
.
.
نرجس: ياريت بس هو ملتهي بالمول حاليا
الحجية: اذا كلش يخلي جواد وياخذنا
نرجس: خطية جواد شنو ذنبو ما يجي
.
.
الحجية: الله كريم لوقتها
نرجس: وانتي كلتيها بس ماما محتاجة ملابس لعبدالهادي الجو بارد وما تنشف ملابسو بسرعة
.
.
الحجية: اي ماما خلي جواد يشوفلو يوم فراغ ياخذج للسوك
اسماء: واني هم اروح .. اجت كفشتها بكبرها لان جانت نايمة
نرجس: ما دخلج انتي سوالف كبار
.
.
اسماء: لا والله اصلا انتي وابنج الفصعون ما تروحون
نرجس: ترحين انتي ونرجس فدوة للفصعون
اسماء: انتي روحيلو اني شدخلني
.
.
نرجس: هدهد عمة تكول مو حلو هدهد وما تحبك
عبدالهادي: برطم يريد يبجي لان كلت ما تحبك
اسماء: يا حيوانة ليش هيج تعال عمة تعال يا روح عمتك
.
.
نرجس: ما تجين بالعيني واغاتي
اسماء: هدهد كول كخة ماما
نرجس: بقيت ساكتة وهو ما كال شي يعرف هالشي غلط
.
.
اسماء: يلا كول
الحجية: لا تحاولين ما يكول
اسماء: طاح حظج نرجس
.
.
الحجية: لا والله عاشت ايدها على هيج تربية
نرجس: وانتي عايشة ماما
اسماء: لا والله بدون شقى احلى شي سويتيه بعبدالهادي ما خليتيه يتعلم يحجي عالجبير
.
.
نرجس: احسن خلي يطلع مثل ابوه وعمو
اسماء: ابوه وعمو مخابيل
نرجس: اي والله
.
.
دا نحجي وطب جواد والحجي مو وياه من شاف عبدالهادي اخذو من اسماء نزلو بالكاع وكام يغنيلو ويركص وعبدالهادي كيف كام يركص وياه
.
.
اسماء: استلمي خبل الولد
نرجس: تعال هدهد تعال ماما .. اجى كعد بحظني
جواد: تعال اركص ويا عمك ولك .. وراح مرة ثانية
.
.
الحجية: والله يمة ابنج سويج
نرجس: مثل عمو هههههههه
الحجية: ليش رجعت يمة
.
.
جواد: والله يمة كلش تعبان مو كادر اتحمل
الحجية: وعقت ابوك لحالو
جواد: لا يمة عندو عمال وهو بس يحاسب
.
.
نرجس: شلون ما تخافون احد يبوك منكم
جواد: مركبين كامرات
نرجس: اي خوش
.
.
جواد: اي ما تشوفين تأخرنا بيه
نرجس: وشلون شغلو إن شاء الله بيه فايدة
جواد: مشاء الله اليوم ما فرغ بس هالكم يوم يبين لان اليوم بداية وكل معاميل ابوي اجو علينا
.
.
نرجس: الرب يوفقكم ويبارك برزقكم
جواد: اكلج سؤال محيرني
نرجس: شنو هو السؤال
.
.
جواد: المسيح يحلفون بالمسيح والعذراء ويسوع شعجب انتي تحلفين بس بالرب
.
.
نرجس: اولا الرب الي نعبدو هو الله الي تعبدوه وبالاسلام حرام القسم بغير الله اما بالمسيحية مو مذكور انو لازم نقسم بغير الله فلهذا احلف بالله
.
.
جواد: اي والله عاشت ايدج هيج احسن
نرجس: اي ابقى بالي مرتاح
جواد: اي فعلا
.
.
نرجس: خلصنا حجي وبعدها رحت للمطبخ ويا اسماء سوينا العشى وتعشينا من خلصنا عشى راح جواد فورا نام واني واسماء لان ثاني يوم جمعة بقينا كاعدات ويا الحجية بال 8 اجى الحجي وخطية مبين عليه التعب
.
.
الحجية: الله يساعدك
الحجي: يساعد بختج
الحجية: شو تأخرت
.
.
الحجي: الحمدلله المول ما فرغ من الصبح
الحجية: الله يرزقكم اكثر
الحجي: امين
.
.
نرجس: بابا تعشيت
الحجي: اي بابا متعشي بس اذا اكو جاي ما اكول لا
نرجس: من عيوني
الحجي: سالمات عيونج
.
.
نرجس: رحت حميت الجاي وصبيت النا كلنا عدا عبدالهادي ورجعت قدمتلهم واخذت عبدالهادي بحظني والحجية والحجي يحجون ويا بعض واني واسماء نسمعهم
.
.
الحجي: حجية باجر تكدرين تطبخين غدا
الحجية: لمنو
الحجي: النا احسن من اكل السوك
.
.
اسماء: والله بابا اكل السوك اطيب
الحجي: بنيتي اكل البيت تعرفين شبيه ما بيه بس اكل السوك ما تعرفين اليطبخ نظيف لو لا
.
.
نرجس: اي صحيح حجي بابا
الحجية: اي إن شاء الله اكدر اطبخ
الحجي: خوش لعد منا ورايح اطبخي النا اني والعمال ويجي جواد ياخذو بوقت الغدا
.
.
الحجية: إن شاء الله
الحجي: يلا تصبحون على خير
الحجية: بعد وقت
.
.
الحجي: تعبان اليوم
الحجية: نوم العوافي
الحجي: الله يعافيج
.
.
نرجس: شكد حلو الاحترام بينكم ماما
الحجية: كل علاقة اساسها الاحترام التقدير
نرجس: اي صحيح
.
.
الحجية: تدرين صارلي اكثر من 30 سنة عايشة ويا الحجي  لحد الان ما بيوم زعلني حتى اول ما تزوجنا عقلو جبير وتفكيرو واعي مو مثل غيرو
.
.
نرجس: حجينا وبقينا لل 11 سهرانات على سوالف الحجية عن حياتهم قبل وبالنسبة ل(ميزر وداليا) اخوان معتز الي بالخارج يتواصلون مع اهلهم بس اني ما حبيت اذكرهم لان مجرد اتصالات ويا اهلهم ما حجيت وياهم ابد
.
.
من نعس عبدالهادي اخذتو ورحت نمت ثاني يوم جمعة والحجي كل جمعة ما يروح للمحلات وبالمول سوا نفس النظام يعتبر الجمعة استراحتو هو وجواد وبالاخص هالكم يوم كلش تعبو هو وجواد
.
.
كعدت الصبح وعبدالهادي وياي جواد كاعد بالصالة على تيلفونو خليت عبدالهادي يمو ورحت اسوي ريوك دا اسوي وسمعت صوت اغاني طلعت لكيت جواد مشغل اغاني لعبدالهادي وعبدالهادي يركص
.
.
نرجس: شبيك جواد خبلت الولد
جواد: دروحي شوفي شلون يركص ومكيف
نرجس: عود انت الجبير مسوي الصالة مرقص من الصبح
.
.
جواد: هههههههه شوفي ابنج احسن من الف راقصة
نرجس: ههههههههههه ابني هم مخبل مثل عمو
الحجي: جواد شبيك مشغل اغاني من الصبح وين عقلك
.
.
جواد: بربك يابة شوف ابن ابنك شلون يركص
الحجي: لك ابني الناس تدعي تصلي الصبح مو تركص
جواد: اني ما دخلني شوف شوف شلون يركص هو مو اني
.
.
نرجس: الحجي شاف عبدالهادي يركص ومندمج مع الاغنية ضحك عليه وراح يغسل واني رجعت للمطبخ وجواد طفى الاغنية احترام لابوه
.
.
كعدت الحجية واجت اسماء حظرت الريوك وياي وتريكنا وكعدو يحجون بالصالة واني واسماء رجعنا للمطبخ نسوي الغدا جنت محتارة شنو اسوي بعدين رحت عالحجية
.
.
نرجس: ماما شنو اسوي غدا
الحجية: حجي شرايك تجيبولنا معلاك
الحجي: تدللين
.
.
الحجية: خلي ابوج يجيب معلاك واني اسويه بنيتي
نرجس: تمام ماما لعد راح اسوي التمن اني
الحجية: تمام بس مو هسا تسوين بعد وقت
نرجس: تمام ماما
.
.
بدل الحجي وراح للسوك وجواد راح سبح علمود يروح للجامع الدنيا غيمت وصار مطر قوي وبرد الجو اجى الحجي جايب معلاك
.
.
راحت الحجية تسويه واني واسماء نشتغل عند ايدها اذا تحتاج شي الحجي سبح وراحو هو وجواد للجامع بالسيارة لان كلش قوي المطر عبدالهادي جبتلو العابو وتركتو يلعب بالصالة
.
.
الحجية سوت المعلاك ورجعت للصالة وبقينا اني واسماء بالمطبخ سويت التمن واراقب المطر من شباك المطبخ جان الجو حلو بكل معنى الكلمة
.
.
رغم مطر وهوا بس المنظر جان عاجبني من كمل الغدا رحنا للصالة اني واسماء لحد ما اجو الحجي وجواد حطينا الغدا وجنت كلش اتمنى معتز موجود بس للاسف ما يكدر يجي
.
.
من خلصنا غدا اتصلت عليه فيديو طلع خارج النقطة واني حطيت عبدالهادي بحظني واحجي وياه كلتلو هدهد منو هذا كال بابا ويضحك
.
.
معتز: نرجس عوفي هالاسم رحمة لموتاج
نرجس: ليش
معتز: لج بابا هذا بعدين من يكبر يروح عليه الاسم
.
.
نرجس: اي وشبيها
معتز: يعني بربج هسا لو اني اسمي هدهد اتحمل قسم بالله لحرك شيب شكو واحد كلي هدهد بصغري
.
.
نرجس: ههههههه هو مجرد اسم
معتز: مع هذا غيريه
نرجس: من عيوني تدلل
.
.
معتز: اي يابة شخبارج
نرجس: بعد وقت
معتز: غير من وراج انتي وابنج
.
.
نرجس: صحيح انت معاركني علمود الاسم وتارك اخوك
معتز: شبيه اخوي
نرجس: مسوي ابنك رقاصة 24 ساعة يغنيلو وابنك يركص
.
.
معتز: هاي صدك ولك عبدالهادي
عبدالهادي: نرمياسحو ماما
معتز: شنو يكول
.
.
نرجس: يكول ماما ما تخليني اركص
معتز: اي بابا هو هذا الناقصنا تصير رقاصة
.
.
جواد: ههههههههه شلون يهز هز احسن من 100 رقاصة
معتز: اني اعلمك ولك مسوي الولد رقاصة
جواد: شوف شوف
.
.
نرجس: اخذ عبدالهادي نزلو بالكاع واني حطيت الكامرة عليه وشغلو اغنية جواد وكام يركص معتز الا طلعت دموعو من الضحك عليه واني اضحك على ضحكتو كملنا حجي وبعدها سكرت منو ورحنا اني واسماء نغسل مواعين
.
.
اسماء: اكلج نرجس شو ابوي ساكت عن موضوع الخطبة
نرجس: شلون يعني
اسماء: يعني مانعرف وافق لو لا
.
.
نرجس: خطية ابوي مخبوص بالمول مو فاضي يحك راسو
اسماء: اعرف بس مستغربة ليش تأخر
نرجس: اكيد بس يصير عندو مجال يسأل عنهم ويقرر
اسماء: تمام
.
.
نرجس: كملنا شغل عبدالهادي نومتو جدتو وكضينا اليوم بروتين طبيعي وثاني يوم العصر اخذني جواد اني واسماء العصر للسوك
.
.
اخذت ملابس لعبدالهادي وانتبهت ان فلوسو جانت قليلة لان هسا فاتحين المول بس استحى يكول اخذت اسماء على صفحة
.
.
وكلتلها ناخذ بس لعبدالهادي واحنا مو محتاجات شي ضروري افترينا بالسوك وعلى اساس ما عجبنا شي بعدها اخذنا جواد للمول مالهم
.
.
جان جبير ومشاء الله مليان غراض وجان مول غذائية وشكو شي يحتاجو البيت من الغذائية جايبينو وبالاخص انهم اصحاب محلات يعني عندهم خبرة بهالشي هذا
.
.
اخذنا فرة بيه اني واسماء وبعدها رجعنا للبيت بالطريق حجيت ويا جواد علمود المول اريد افهم شلون صارتلي نسبة بيه كال اسألي معتز هو الي مسؤول عن المول وهو قرر هالشي ومعتز اعرفو ماراح يحجي مهما صار
.
.
معتز: داومت واحس كلبي مقبوض ماعرف ليش رغم المنطقة امان وطلقة وحدة ما سمعنا ومكضينها اني وجماعتي ضحك وتحشيش بس من اكعد لحالي احس شي كاتم على كلبي
.
.
دائما استغفر واقرا المعوذات ما يفيد وكل ما احجي ويا نرجس ارتاح اجى ببالي انو ممكن سحر ثاني بس منو يسويه وما اعتقد هيج السحر
.
.
بقيت على وضعي هذا لحد ما اجى وقت اجازتنا جان جان يوم ثلاثاء حظرنا جنطنا من الصبح واجانا صاحب السيارة وتوكلنا لاهلنا
.
.
نرجس: مرن الايام طبيعيات قررت اعاقب معتز من ينزل وما التقي بيه واتجاهلو شكد ما اكدر علمود مرة ثانية ما يعيدها فكرت بالخطة زين وقررت اسويها
.
.
وجانت الخطة انو وقت الاكل ما التقي وياه بس بالعشى فاحاول اتعشى بسرعة واكوم وبالريوك والغدا ما يكون ويانا وبالجامعة ما اطلع من القاعة او اذا طلعت ابقى عند القاعة ما ابتعد
.
.
اجى يوم الثلاثاء وداومت ورجعت من الدوام وهو ما اجى كلت لعد اتغدا علمود من يجي اصعد لغرفتي تغديت وبقيت انتظر وهو ماكو معقولة يتأخر هيج بالطريق
.
.
بس هو كال اطراف الموصل وذاك اليوم اجى بسرعة شعجب هالمرة تأخر يلا الغايب عذرو معو اخير شي ما تحملت اتصلت عليه مغلق وصار عندي توتر مو طبيعي
.
.
وكررت الاتصال اكثر من مرة وهم مغلق خفت اكول للحجية وينشغل بالها هي ما تعرف شكد يتأخر ولان تأخرنا بالطريق من رحنا للموصل عبالها هو هم يتأخر
.
.
صارت الدنيا مغرب سوينا عشى واني لكمة وحدة ما اكلت ومن سألتني الحجية كلتلها ما اشتهي بعد اذان العشاء اجو الحجي وجواد اني طلعت الهم قبل ما يدخلون
.
.
كلتلهم معتز ما اجى واتصل عليه مغلق وما اريد احجي كدام الحجي خاف يرجع يرتفع ضغطها اتصل عليه الحجي مغلق خطية انخطف لونو
.
.
واتصل جواد على زياد ومنتظر ما حصلهم كلهم مغلق واتصلو على اهل زياد كالو لحد الان ما وصل واخير شي يعرفونو عنهم انهم الصبح مشو من مكانهم مع بعض والمفروض هسا واصلين
.
.
من كالو هيج الحجي تخربط وضعو ودخل داخل كعد عالقنفة سألت الحجية كاللها تعبان جواد راح فوك علمود الحجية ما تعرف ويتصل ويريد وما حصل اي معلومة عنو
.
.
بال 9 بالليل اتصل عليه وحصلو واني واكفة عندو اسمعو كال وينك معتز وماعرف شنو سمع فجاءة وكع منو التيلفون وطلع يركض واني طلعت روحي من الخوف
.
.
............ يتبع
لايك وتعليق حلو مثلكم ❤
حطولنا ارائكم وتوقعاتكم ❤
رابط الفيس
https://www.facebook.com/106346968747988/posts/154423823940302/