#تكملة_الجزء_الثالث_والخمسين"أواخر الشتا8"
ومشت طلعت من الكوجينه وهي وراها..
فاتت من قدام الصاله اللي مقعمزات فيها عائشه ونسرين..
عائشه وهي واقفه؛المهم ماتفكري في شي المهدي قال تو نخليه يطلقها ورجليه فوق راسه..
نسرين؛يارب ونفتك منه هالوسخ..
عائشه:هي نوضي توضي وصلي وادعي ربي يسهل امرك ويخلصك..
ناضت وهي تقول؛حسبي الله ونعم الوكيل...
☘وبعد العصر...
خدوا الجالي وطوبى نسرين وطلعوا..
ونجاة روحت بصغارها وقلبها محروق...
ومغليه توصل في الأخبار اول بأول لخديجه..
🍃مغليه؛قال الجالي فكرة مرته..
"شفتي يام اختياري شفتي اني نعرف ع شن نحط يدي "
مغليه؛ان شاء الله تقعد هكي ديما ومايغيروهاش..
"إن شاء الله..المهم توا نسرين نفتك من المنج.وس هداكا من غير محاكم وشهدرة.."
مغليه؛آمين يارب..
🍃🍃🍃🍃🍃
"لو قدرت تثبت حاجه نطلقها"
المهدي:ياكلب ناسي اللي صار فيك يومها ومن طلعك منه..
"شن اللي صار ع شن تحكي انت"
فهم المهدي وقتها انه حامد عرف ان مافي تسجل عليه لما شدوه..
المهدي: شكلك ناسي ان اللي شدوك شهدوا عليك !.
"برغم اني مش عارف ع شن تحكي بس كان في حد شاد عليا حاجه براله..وتوا سامحني نسيبي الغالي مجبور نسكر عندي ماهو اهم.."
وسكر عليه..
نزل المهدي التليفون وهو يقول بغضب:الكلب..الفاسد...
☘☘☘☘☘
الساعه 8:35مساءا..
درس الجالي قدام واحد من المقاهي بس ياخد عشي..
الجالي:هاه شن ناخد؟
طوبى:من كل شي..
نسرين؛ايه..
الجالي:تمام..ونزل من السيارة..
بعد ماخش للمقهى..شافت طوبى لنسرين وقالت..
ديما نشوف في الجالي مختلف عن خوته؟
نسرين بإبتسامه:من أي ناحيه؟
طوبى:هلبه نواحي..اولهم لبسه..
نسرين؛صح الجالي مختلف عن خوتي هلبه ديما يحب يلبس رسمي..
طوبى:امم..حتى في العطور..العطر متاعه مميز بس ماحسيتاش يستعمل فيه بروحه شميته امس وهو مهناش..
نسرين شبحت لطوبى شويه بعدين شافت للمقهى وقالت؛ايه عمر يستعمل في نفس العطر..ومرات نضال واخد منه يديروا فيها مرات ياخدوا من بعضهم..
طوبى شبحت للمقهى وهي تفكر في كلام نسرين يعني العطر لوكان لعمر شن وصله لنجاة!؟
مافيش غير انها خاشه لدار نضال وعمر اللي قعد فيها بعد ماصارت المشكله قبل السفر...
معقوله!!؟
نجاة وعمر!!؟
معقوله..!؟
ع هكي سبب اللي صار بين اميمه وعمر مش خدمتها..اكيد اميمه اكتشفت شي واجهت عمر بيه...
هذا علاش كان ردة فعله عنيفه..
هذا علاش اميمه متشبته بالطلاق...
قطعت عليها حماتها تفكيرها لما سألتها...
نسرين:باهي معاك الجالي ولا؟
شبحتلها بإبتسامه تخفي بيها ارتباكها :الحمد لله رب العالمين..
نسرين:يعني اللي صار بين اميمه وعمر ماأثرش عليكم؟
طوبى ؛لا مااثرش ومش حيأثر..بس بصراحه واجعتني اميمه هلبه ماتستاهلش اللي صار فيها..
غيرت نسرين عيونها للمقهى وقالت؛ماعرفوش يتفاهموا مع بعض..اهو جي الجالي..
شبحتله طوبى..
هو اشر لطوبى تفتحله الباب...
قربت منه وفتحاته..
وهو مدلها الاكياس خدتهم..
فاحت ريحة البيتزا ع نسرين قالت؛بالله البيتزا طوبى.
ابتسمت طوبى ومدتلها..
خدتها نسرين فتحتها وبدت تاكل..
ركب الجالي..
شاف لأخته من المرايه بعدين شبح لطوبى بإبتسامه..
هي شافتله وابتسمت..
غير عيونه عنها وشغل السيارة وتحرك..
🍃وبعد ماقطع مسافه لاباس بيها وصلوا لشارع القهوة..
طوبى:جالي بالله عليك اعطي حاجه لبلال..
ابتسمت نسرين..
الجالي بإبتسامه؛ باهي اللي جبت بزايد..
ابتسمت..
درس الجالي قدام الدار اللي ساكن فيها بلال..
نزل ودق عليه الباب..
شويه وطلع..
بلال بإبتسامه:اهلا وسهلا جالي..
الجالي:شن جو بلال..
بلال:مليح والحمد لله..
ضحك الجالي بعدين قال:تعشيت..
بلال:لامازال..ليش؟
مدله الجالي الكيسه وقاله:هادي من طوبى..
خداها بلال وهو مبتسم بفرح وقال:اشكرها لي هلبه..
الجالي بضحكه؛يوصل..
بلال؛شكرا لك حتى انت..
الجالي:االعفو ياشيخ..تصبح ع خير..
بلال؛وانت من اهله..
مشي الجالي للسيارة..
وبلال خش وسكر الباب..
ركب الجالي للسيارة وهو يقول :قالي اشكرهالي هلبه..قالها وهو يقلد فيه..
ضحكت نسرين..
وطوبى وهي مبتسمه قالت:مبردك..
تحرك بالسيارة وهو يضحك بعدين شبح للحلاق:شن جو حلاقته هدا؟
طوبى:بوي يشكر فيه..
الجالي:الحلاق اللي كنت نحلق عنده صارتله ظروف سكر تو نشوفه..
وفات من قدامه وتوجه للحوش وصل فيه وخش بالسيارة داخل..
🍀🍀🍀🍀🍀
بعد يومين..
يوم الإثنين
22يناير..سنه 2018...
الساعه 11:10صباحا...
في دار هي وأختها..
دير في مكالمه مهمه وسريه..
نسرين؛هاه شن صار نبيله؟
"مشاله المحضر الحوش اليوم وسلمه الاستدعاء"
نسرين:استلمه يعني؟
"ايه استلمه ووقع عليه"
نسرين:خل نشوفه شن بيدير توا بعد ماعرفها جديات مش غير دوة..
"اهم شي توا عمته شن صار فيها"
نسرين:قالتلي اني معاك ومش مسيباتك..
