" မြန်မြန်လုပ်ကြလေ ဆရာဝန်ခေါ်လိုက် သခင်လေးကသွေးအန်နေပြန် ပြီ ! "
"ပါးစပ်ဆေးဖို့ယူလာခဲ့"
"အိပ်ရာခင်းတွေလဲလိုက်ကြဦး"
" အရက်ပြန်ပိုးသတ်ဆေးလိုသေးလား"
"လေသန့်စက် ယူခဲ့ကြဦး"
ရွှမ်ချောင် ထိပ်တန်းရပ်ကွက် ရဲ့ စံအိမ်တခုထဲ က အစေခံတွေမှာတော့ အိမ်တော်ထိန်းရဲ့ စီစဥ်ညွှန်ကြားမှု အောက်မှာ မနက်စောစောစီးစီး အလုပ်များနေကြတယ်။
အကြောင်းရင်းကတော့ စံအိမ်ထဲက အိပ်ခန်းတခန်းထဲက လူငယ်တယောက်ကြောင့်ဘဲ။
လူငယ်လေးက ဖြူဖျော့နေပြီး ရောဂါဘယ ကြောင့် ခန္ဓာကိုယ်ကအားနည်းနေတယ် ။
သူ့ရဲ့ နဖူးပေါ်ကဆံပင်က အနည်းငယ်ရှည်နေပြီး
မျက်လုံးလေးတွေက အရောင်ဖျော့နေတယ် ၊ ပြီးတော့ နူးညံ့တဲ့မျက်နှာလေးကလည်း ခပ်မှိန်မှိန် မျက်လုံးလေးတွေကြောင့် လောကကြီးကို ပျင်းရိနေပုံဖြစ်နေတယ်
သူက ဆေးရုံ လူနာဝတ်စုံနဲ့တူတဲ့ ညဝတ်စုံကို ဝတ်ထားပြီး ကုတင်ဘေး မှာ ဒူးထောက်ချ ထိုင်ပြီး ပြင်းပြင်းထန်ထန် ချောင်းဆိုးရတဲ့ အတွက်ကြောင့် အသက်ရှူနှုန်း မြန်မှုကို ပုံမှန်ဖြစ်အောင် ညှိနေရတယ်
အစေခံတွေက အခန်းထဲကနေ တယောက်ပြီး တယောက် ထွက်သွားပေမယ့်လည်း လူအချို့ကတော့ ကျန်ရှိနေသေးတယ် ။
သူတို့ အထဲကရပ်နေတဲ့ တယောက်က သူ့အဖေ ဖြစ်ပြီး ဘေးမှာတော့ သူ့အမေသေဆုံးပြီးနောက် ချက်ချင်း မိထွေးဖြစ်လာတဲ့သူ နဲ့ သူ့ထက် အနည်းငယ် အသက်ကြီးတဲ့ မိထွေးရဲ့ သားဖြစ်သူတို့ ရပ်နေတယ်
အဲ့အချိန်မှာဘဲ လူငယ်လေးက ရုတ်တရက် ပြင်းပြင်းထန်ထန် ချောင်းဆိုးလိုက်တဲ့ အတွက် လူသုံးဦးရဲ့ မျက်နှာထားက တမျိုးစီပြောင်းသွားတယ်
သူ့ရဲ့ အဖေက စိတ်ပူပန်မှုနဲ့ တွန့်ဆုတ်နေတယ် ၊ သူ့ရဲ့ အဖေတူအမေကွဲ အကို က အနည်းငယ် မျက်မှောင်ကြုတ်နေပြီး မျက်နှာအမူအရာ ကရှုတ်ထွေးနေတယ်
သူ့မိထွေးရဲ့ မျက်လုံး တွေက နီရဲနေပြီး ချက်ချင်းငိုကြွေးတော့မလို နဲ့ သူမရဲ့ မျက်လုံး တွေထဲက စိတ်သောက ကိုမြင်ရတယ်
စိတ်ခံစားချက်တွေအကုန်လုံးက သူမရဲ့ မျက်နှာမှာ ပေါ်လွင်နေတယ်
သရုပ်ဆောင်စကေးက နည်းနည်းနောနော မဟုတ်ဘူးဘဲ သူမကို အော်စကာရုပ်တု တခုလောက် ပေးသင့်တယ်
သူ့ရဲ့ ကျိုးပဲ့လွယ်တဲ့ ခန္တာကိုယ်ကြောင့်သာ မဟုတ်ရင် သူက သူမကို အော်စကာအဆင့် သရုပ်ဆောင်စကေး အတွက် ထခုန်ပြီး အားပါးတရလက်ခုပ်တီးပေးဦးမှာ
သက်တောင့်သက်သာမရှိတဲ့ တိတ်ဆိတ်မှုကို သူ့အဖေက ဆူပူမှုနဲ့ ဖြိုခွင်းလိုက်တယ်
" မင်းမနေ့တနေ့ကဘဲ ICU ကနေထွက်လာရသေးတယ် မင်းညီမကို မနေ့က မင်း အဝေးကို ပို့လိုက်တယ် ၊ ဒီနေ့လည်း မင်းကျောင်းပြောင်းဦးမယ်ပေါ့လေ အဲ့လို စုတ်ပြတ်နေတဲ့ နေရာကို မင်းရဲ့လက်ရှိ ကျန်းမာရေး နဲ့ သွားချင်သေးတယ် ကိုယ့်ကိုကိုယ် ဂရုစိုက်စမ်းပါ ဒါမှမဟုတ် မင်းစောစောစီးစီး သေချင်တာလား "
" ရှင် ကလေးကို အဲ့လို ကြမ်းကြမ်းတမ်းတမ်း မပြောပါနဲ့ "
![](https://img.wattpad.com/cover/322992384-288-k8147b4.jpg)
YOU ARE READING
ရောဂါသည်ဗီလိန်လေးက အသက်ရှည်ရှည်နေချင်တယ် ( bl translation)
Romanceကျူထုံက ချမ်းသာတဲ့မိသားစုကနေ မွေးဖွားလာတဲ့ အလိုလိုက်ခံသခင်လေးတစ်ယောက်၊ သူ့မှာ အသန့်ကြိုက်ရောဂါရှိပြီး ဘုရားသခင်ကသူ့ကို ချောင်းတခါဆိုးရင်သွေးသုံးလုပ်အန်တဲ့အထိ ဆိုးဝါးတဲ့ ရောဂါသည်လေး အဖြစ် မွေးဖွားစေခဲ့တယ်။ သူမသေဆုံးခင် တရက်အလိုမှာ system တခုန...