بسبب إبي!

البارت الاول (البدايه)

#بسبب_ابي
#الفصل_الاول.
صباحا مع بداية شروق الشمس في احدي محافظات الصعيد (المنصورة) من داخل قصور هذه المحافظة قصر عائلة السمري من اكبر عائلات الصعيد وكل اهالي المنطقة يحبوهم
-انتصار: جهزو الوكل يلا
-سعدية: الخادمة: الوكل جاهر يستي
تنزل سما و بسمله ويصبحون علي امهم
-بسمله: صباح النور ي امي
-سما: صباح العسل يست الكل
وكل واحده منهم تبوس راسها وايديها
-انتصار: صباح الخير يحبايب جلبي يلا واحده فيكي تروح تصحي اخوكو إياس عشان الفطرو جهز خلاص
-سما: وه ي امي عايزانا نروح نصحي إياس عشان يموتنا اياك
-بسمله: بعيد عني الحديد(الكلام) دا اكنك متعرفيش ولدك يعني
-انتصار: يا بجرة انتي وهي حد يروح يصحيه اوام عشان الوكل خلص و چدكو لو نزل وملقاش كلو علي الفطور هيجلب علينا
-سيف: صباح الخير يمرات عمي
-انتصار صباح الخير يولدي روح يلا نادي الرچالة
-سيف: حاضر
سيف مشي وراح لاوضة المجلس وخبط الباب
-حسين: ادخل
-سيف: الوكل چاهز يا عمي
-حسين: جايين يا سيف
أبراهيم وحسن وسليمان قامو وراحو علي السفرة والكل اتجمع وبدءو ياكلو
-الجد ابراهيم: اومال فين إياس
كلهم سكتو و اتوتروا لانهم عارفين ان جدهم مبحبش حد يبقي ناقص علي الاكل
نطقت نيرمين بخبث: هتلاقيه نايم لحد دلوقت ما هو مبيحترمش كلام ولا قواعد البيت
بصتلها الجده حياة بحدة وقالت: اخرسي ملكيش دعوة عاد هتلاجيه نايم من تعب الشغل يحبة عيني جوم يا واد يا سيف صحيه ف نطقت بسرعه شهد اروح انا يستي صرخت فيها ستها اجعدي يجليلة الحياة انا جولت سيف
في اوضة إياس
(كانت اوضة واسعه جدا باللون الاسود ومصممه رقي وفيها اوضة ملابس واوضة رياضة والحمام السرير واسع وترابيزة في النص)
كان إياس ينام بشورت وتيشيرت نص كم يمشي سيف علي طراطيف صوابعه و بهدوء ويصل للسرير و فجأة يدلق مياة متلجة علي إياس ويصرخ في اذنه بغشومة
-سيف: إيااااااس قوم قواااااام
يصحي إياس مفزوع من الصوت ويقوم يصرخ
=إياس: في ايهههههه
يقع سيف علي الارض من كتر الضحك علي منظر إياس
-سيف بضحك: هتفضل علطول كدا تتخض
=إياس بعصبيه: يا سيف الكلب انت و ربي منا سايبك
يجري إياس خلف سيف لخارج الاوضه ف ينزل سيف يجري علي السلالم و إياس بيجري وراه لحد ما وصلو للسفرة و يصرخ فيهم الجد
-الجد ابراهيم: في ايه يولاد المچانين انتو التنين
=إياس: صباح الخير يا جدي خليه يكبر مش هيعقل بقي ويبطل الغشومية اللي فيه دي
-سيف: في ايه يا إيوس يحبيبي بهزر معاك متبچاش قفوش اكده
=إياس: دا مش هزار بني ادمين دا هزار بهايم يا بهيم انت حد يصحي حد بالتلج ويصرخ في ودنه كدا
ضحك الكل عليهم وعلي مزاحهم مع بعض ف هم هكذا دائما
-الجده حياة: خلاص يا ولدي اطلع غير خلجاتك دي وتعالي يلا عشان تفطر الوكل هيبرد
=إياس: من عنيا يست الكل وذهب إياس لغرفته ودخل الحمام ياخد شاور وطلع غير هدومه ونزل وقعد وبدوء كلهم ياكلو
-نيرمين بسواسة: مش ناوي بقي يا إياس تتچوز وتفرحنا بيك بدل ما انت بتكبر وملكش ونس
=إياس بتأفف وهي يعلم نواية مرات عمه انها عايزة تجوز ل ابنتها شهد ويعلم حب شهد له ولكنه يتعبرها مثل اخواته بالظبط ولمح لها كثيرا ولكنها لا تفهم: ان شاءالله مرات عمي لما ربنا يأذن ويجيلي نصيبي
-نيرمين: نصيبك موچود بس انت اللي مش شايفه
-سليمان بزهق لانه عارف مراته بترمي علي ايه: وه ما خلاص يا نيرمين سيبيه براحته وهو مش حرمة عشان جطر الچواز يفوته يعني يتچوز وقت ما يحب
________________________
في شركه ş&M
" يدخل سليم صاحب بطلنا الشركه بمرح و هيبته كعادتو
-سليم: صباح الخير يا مروه مواعيد اي انهارده
-مروه السكرتيره: صباح الخير يا مستر سليم حضرتك انهارده عندك ميل من تركيا و مقابله من الوفد الصيني و
-سليم: هو لسه في و
-مروه: اسفه يا فندم انهارده في ضغط
-سليم بدراما : منك الله يا إياس سيبني ف كل دا لوحدي
-مروه: كمان إياس بيه بيقول لحضرتك اول متوصل كلمو ضروري
-سليم: تمام هكلمو علي مكتبك و ابعتلي قهوه
مروه حاضر يا فندم
يتصل سليم علي إياس بعد فتره ردد
=إياس: كنت فين يا زفت
-سليم بكوميديا: خدامتك نعمه لسه واصله والله يبه
=إياس: ركز معايا بقولك الوفد الصيني انهارده لازم تمضي الورق معاهم فاهم الصفقه دي لينا يا سليم
-سليم: عيب عليك يصاحبي ، المهم هتيجي امتي
=إياس: يومين كدا هضبط ورق في الأرض لجدي
_____________________________
في المنصوره في بيت عائله الشرقاوي
-الجد رافت: ايه يولاد مالكوا ساكتين اكده
-نجلاء: البيت هادي عشان لارا في الدرس يا عمي
-محمد: والله بتعمل جلج (قلق) ف البيت اكده
-مراد: جدي عايزه في موضوع مهم بعد الفطور
-رافت: عيني يا غالي
-محمد: مش هتكلم اخوي بردو يا حج
-رافت بعصيبه: محمددد قولت ميت مره محدش يفتح السيره دي جدامي فاهم
-محمد و الاول مرة يعلي صوته علي والده: لا مش مفهوم يا بوي هتفضل لحد امتي متفرجين عشان سبب تافه
رافت قام من علي كرسي و دب العصايه علي الارض: سبب تافه يبن الشرجاوي والله عال و بتعلي صوتك عليا عايز تروح لاخوك الباب مفتوح يبقي كملت يا ولدي
-نجلاء: هو مش قصده ي عمي
-مراد: جدي اهدي بابا كان بيتناقش مع حضرتك
-رافت: الكلام خلص سبهم ودخل الاوضه المكتب و مراد دخل وراه
-مراد: حقك عليا يا جدي
-رافت بتاثر: هو فاكر هو لو أنه عايز يشوف اخوه هو يعني أنا ابني موحشنيش
-مراد: كلام وقت عصيبه ياجدي بقي
-رافت: قول كنت عايز اي
-مراد: عندي مهمة في الشغل أن في حد بيهرب مخدرات و عارف ان حضرتك عارف كل كبيره و صغيره في البلد و الإحتمالات بتقول انها من عائله السمري
-رافت بتفكير: عائله السمؤي مستحيل يا ولدي دا احنا عشره و عارفينهم كليتهم
-مراد: عارف يا جدي بس سيف صغير العائله عندهم ملموم علي شله زباله
-رافت: هشوف الحوار دا و ارد عليك يا ولدي
مراد باس ايدي جده ماشي يا جدي و خرج
محمد خبط علي الباب و دخل
-رافت: خير جاي تكمل و لا توعدني انك ماشي
-محمد: مجدرش اسيبك يا ابوي حقك عليا
-رافت: ماشي يا محمد انا رايح الأرض حصلني
_______________________
في تركيا
تنام بطلتنا ذات الخمسة وعشرين علي السرير بعشوائية ويوجد عالحائط ملصقات لصور حيوانات مختلفة
تدخل والدتها وتقول بصوت حنون:
-فيروزة.. يا فيروزة يلا اصحي بقا كل دا نوم قومي بقا النهار طلع من بدري
تفرك فيروزة عينيها بكسل وتقول بصوت ناعس:
=يووه بقا يا مامي سبيني عايزة انام شوية
-نجوي والدتها: يبنتي قومي بقا تعبتيني معاكي وبعدين باباكي اجازة النهاردة يلا عشان نقضي اليوم كلو مع بعض
= فيروزة بتمتمة: حاضر حاضر روحي و انا قايمة خلاص اووف
-نجوي: ياربي منك يلا هسبقك علي تحت
في الاسفل
-نجوى: بنتك هتجنني
-عاصم: سيبها براحتها يا نجوى احنا لينا غيرها
-نجوي: والله ما حد و مبوظها غيرك
فيروزه وهي نازلة علي سلم بتتمطع مالك بس يا مامي
=فيروزه: صباح خير علي احلي بابي في الدنيا
-عاصم: صباح نور يا نن عيني
نجوى بتقلدها صباح الخير يا بابي في الدنيا ماشي يختي
=فيروزه: canım annem değişiyor Allah Allah (الله الله امي تغار)
-نجوي: فيروزه
فيروزه و هي تبوسها : دا احلي صباح الخير ل مامي
-نجوي: اعقدي افطري يا آخره صبري
=فيروزه: لا انا هلبس عندي Meeting مهم و هفطر بره
___________________________
تخرج فيروزة وتذهب لتركب عربيتها وتسمع صوت هاتفها يرن تطلعه من الشنطة تلاقي صديقتها فريده من القاهره ترن عليها تفتح الخط وتقول
=فيروزة: اهلا بالواطية اللي مش بتسأل لسه فاكرة
-فريده بضحك: والله دا علي اساس انتي اللي بتسألي اووي يعني بس سيبك انتي وحشتيني يبنت اللل
=فيروزة بزعل: والله لو وحشتك كنتي تتصلي تسألي عليا من بدري المهم انتي عامله ايه
-فريده: غصب عني معلش انشغلت في حجات كتيرة هتنزلي امتي بقا في حجات كتيرة حصلت عايزة احكيلك عليها
=فيروزة: مش عارفه والله هنزل امتي بس احكي حصل اي
يرن موبايل فريده وتقولها طب هقفل بقي عشان سيف بيتصل باي
=فيروزة: سيف ايه دا انشاءالله وتلاحظ انها قفلت السكه في وشها وتشتمها في سرها وتركب عربيتها وتذهب لعملها
----------------
علي الناحية الاخري تفتح فريده الخط وترد علي الشخص وتقول: الو
وتسمع صوت غناء اغينه حماقي(ياللي زعلان مني ومخاصمني ومش عايز تاني تكلمني واخد على خاطرك اوي مني يا حبيبي انا آسف ده انت عمري وعمري مفيش بعده
ومسهر عيني كده في بعده ومطول ليلي وانا مواعده وعامل مش عارف)
-فريده بتأثير من الاغنيه: يووه بقا يا سيف انت كل شويه تزعلني وبعدين تضحك عليا وتثبتني بكام اغنيه بس لا المرادي مش هتصالح
-سيف السمري: ليه بس يحبيبتي دا انتي وحشتيني اوي وبعدين انا مقدرش علي زعلك وانتي عارفه كدا
-فريده: سيف انا مش بشوفك غير لما تنزل مع ابن عمك صدفه
-سيف: يافريده خناقه كل مرة هتبدي
-فريده: ماشي يا سيف براحتك بس هي هتبقي خناقه اخر مره
-سيف بعصييه: قصدك اي ست هانم
-فريده بدموع: يعني احنا مننفعش لبعض يبن السمري
-سيف بعصييه: فري دخلت عليه أخته بجري سيف الحق
سيف نزل التليفون:في ايه يا شهد
-شهد: الحق جدك بسرعه.
"يتبع"
#بسبب_ابي!
'S/b'