بسبب إبي!

الفصل الثالث عشر (احبك؟)

#الفصل_الثالث_عشر
#بسبب_ابي!

سيف بص لجد بتوتر: بعد ازن حضرتك انا بحب لارا و طالب ايدها للجواز !
بصولو كل العقدين فجاه البعض بصدمه و البعض بشك
فيروزة وقفت بسرعه : جدو عايزاك دقيقه في المكتب
مراد بعصبيه : انت عبيط يالا جواز ايه
شهد بصدمه: هو انت مش بتحب واحده تانيه
مراد: انت بتلعب بااختي ، بس انت كدا بتلعب في عداد عمرك
فيروزه : مراد ممكن تهدى و هنحل الحوار دا
لارا بخوف : لا جدو رد علي سيف دلوقتي
سيف بتوتر : ممكن اسمع رد حضرتك دلوقتي
الجد بصوت عالي : بس كلكوا ، تعالي يا فيروزه
فيروزه بصت لاياس : اياس و سيف تعالو معانا
مراد بص للارا بعصبيه: انتِ كان ليكي كلام مع من الاول
لارا بخوف : لا طبعا اتا اتفاجئت دلوقتي
مراد: ماشي انا نشوف اخرتها
سما : دي هتولع
بسمله: اتوقع ولعت
مراد رايح جاي بعصبيه : هي خدتهم معاها و دخلت  ليه
نجلاء: حبيبي براحه هنفهم
مراد : براحه اه انا لولا جدي كنت كسرت وشو
سما : تكسر وش مين يا عم انت البلد دي فيها قانون
مراد بصلها : انا القانون هنا
سما : ونبي اتنيل هتطلع ظابط إِقاع في الاخر
بسمله: سما اخرسي مش وقت هزار
سما بتوتر لقت مراد مولع : خلاص والله بفك الدنيا هو هيفرقع ولا ايه
انتصار: حقك عليا يا حبيبي هي اخر واحده جبتها و نسيت اربيها
مراد: الصبر يا رب

في المكتب الجد

الجد: ممكن افهم ايه بيحصل
فيروزه: انا حبيت اياس يبقي معايا عشان هو عارف من الاول و سيف بصراحه مراد كان هياكلو لو سبتو
اياس بهدوء : المهم قبل اي حاجه حضرتك تسمع بهدوء
الجد: اتفضلو
فيروزه بتوتر : قصت عليه ما حصل من الاول لحد انهارده ، بعدين معرفش ايه الي خلي سيف يتصرف كدا انهارده بس الاكيد ان لارا عملت حاجه
الجد بعصبيه وقف و طلع السلاح و خارج: الفاجره هقتلها
اياس : اهدى يا جدي بعد ازنك هي طفله لسه و دا سن مراهقه
فيروزه بصلت لسيف : قول حصل ايه انهارده
سيف بتوتر : محصلش انا عايز اتجوزها
فيروزه: انت كداب
اياس بزعيق : سيف احكي الي حصل
سيف: كانت هتموت نفسها
فيروزه حطت ايدها بوقها بصدمه : اييه
الجد اقعد الكرسي بخذلان: جابتلي العار هقتلها انا بدل ما تنتحر
فيروزه: جدو دا مش حل
الجد: ايه الحل يا دكتوره عرفيني
فيروزه : هي هددتو و ممكن تعملها احنا محدش هيعرف حاجه ، و بعدين حضرنك هتقول انك رفضت عشان هي ثانوية عامه و بعدها يحلها ربنا
اياس : انا مع الحل دا جدا ، هو سيف الي هيطلع وحش بس نحل الحوار شويه
سيف : مافيش مشكله بنسبالي 
فيروزه : ها يا جدو
الجد بحزن: هقول ايه يعني  ، حقوكوا عليا يا ولاد
اياس : متقولش كدا يا جدي احنا اهل دلوقتي
الجد بنظره خافته: صح احنا اهل
♘♘♘♘♘♘♘♘♘♘♘♘♘♘♘
♡صباحا في غرفه اياس و فيروزة♡
فيروزه بصرار : مليش دعوه هاجي معاك
اياس : يا بنتي انا رايح افكها بس
فيروزة: ايوه مجيش معاك ليه بردو
اياس قرب منها بخبث : خايفه عليا
فيروزة بعدت بتوتر : هخاف عليك ليه دا يدوب هيفك الجبس
اياس: طب خلاص عايزه تيجي معايا ليه
فيروزة بتلعثم : قدر الدكتور طلع حمار و قطع ايدك و بالمنشار و هو بيفك
اياس بصلها بقرف : يا سااتر
فيروزة: يلا هلبس بسرعه ، اوعي تتحرك
اياس : انا نشوف اخرتها معاكي يا شبر الا ربع انتي
فيروزة بشهقه : اياس علي فكره انا 162
اياس وقف قدمها : ما انا بصراحه 196 لما بقف قدامك بخاف ادوس عليكي
فيروزة: تدوس عليا ، هو انا نمله يا بني ادم انت
اياس : يلا زودي انا كدا كدا بتلكك اسيبك
فيروزة : بس يا مستبد انت يلا ننزل
اياس : مش هنفطر معاها
فيروزة : ايوه اكيد عشان منتاخرش ، بس انت هتعزمني بره
اياس بصلها بطرف عينو : قولي كدا من الاول ، انا بقول الحب دا علي الصبح مش الله في الله
فيروزة : دي نكره و دي نكره معلش
اياس: بس يا بتاعه مصلحتك انتِ
فيروزة بجديه : اياس هو حوار امبارح دا هيعدي علي خير
اياس: يعني ان شاء الله يارا متتغباش و الحوار يعدي لحد متفوق لنفسها
فيروزة : يارب
في الاسفل
انتصار : متاخرين كدا ليه يا حبايبي علي الفطار
اياس : لا يا امي مش هنفطر  ، هروح افك ايدي و ناكل اي حاجه خفيفه بره
بسمله : يا اخيرا
اياس : انا زهقت منها كمان
الجد : كنت عايزك في موضوع امبارح جيت طلعت
اياس : اسف يا جدي والله ، بس امبارح مكنتش مركز
الجد : سليم فين
اياس : في المكتب و معاه سيف بيخلصو شويه ورق ، اشمعنا
الجد: طب سليم طلب ايد اختك وانا وافقت
سما و بسمله بصو لبعض بتوتر ثم قال اياس : اختي انهي ؟
الجد بخبث : بسمله
سما بصت لبسمله و فضلت تكح جامد ثم قال الجد بسرعه : سما سما بسمله ايه دماغي في بسمله خالص
سما بتوتر: سما مين
بسمله برخامه: هو علميا مافيش في القعدة غيرك
الجد : رايك ايه انت و ابوك ، وانتِ يا سما
اياس بتفكير : هو مقاليش ليه الاول
الجد : عايز تتعدا الكبير ولا ايه
اياس : مش القصد يا جدي
حسين: سليم زي الفل زي اياس مقدرش ارفض
سما بتوتر : لا انا مش موافقه
اياس بصلها : ليه؟
سما : مش عارفه سبوني اصلي استخاره
فيروزة: ايه صلاه الاستخاره ؟
بسمله قالتها : بصي بتصلي ركعتين من غير الفريضة وتسلمي، ثم حمد الله وتصلي على نبيه، ثم تدعي بنص الدعاء الذي رواه الإمام البخاري:
«اللهُمَّ إنِّي أسْتَخيرُكَ بعِلْمِكَ، وأسْتَقْدِرُكَ بقُدْرَتِكَ، وأسْألُكَ مِنْ فضلِكَ العَظِيم، فإنَّكَ تَقْدِرُ ولا أقْدِرُ، وتَعْلَمُ ولا أعْلَمُ، وأنْتَ عَلاَّمُ الغُيوبِ، اللهُمَّ إنْ كُنْتَ تَعْلَمُ أن هذَا الأمرَ -ويسمي الشيء الذي يريده- خَيرٌ لي في دِيني ومَعَاشي وعَاقِبَةِ أمْري عَاجِلهِ وآجِلِهِ فاقْدُرْهُ لي ويَسِّرْهُ لي، ثمَّ بَارِكْ لي فيهِ، وإنْ كُنْتَ تَعْلَمُ أنَّ هذا الأمْرَ شَرٌّ لي في دِينِي ومَعَاشي وعَاقِبَةِ أمري عَاجِلِهِ وآجِلِهِ فَاصْرِفْهُ عَنِّي، وَاصْرِفْنِي عَنْهُ، واقْدُرْ لِيَ الخَيْرَ حَيْثُ كَانَ، ثُمَّ أرْضِنِي بِهِ.»
فيروزة بصلتها بحب : فهمت
اياس : صح جدا صلي قبل اي حاجه ، وانا معنديش مانع
فيروزة: يلا معاد الدكتور
اياس : يلا
بسمله بصوت واطي لسما : في ايه مالك
سما : حاسه اني خايفه اوي
بسمله: ليه باين اوي ان سليم بيحبك و هو مجاش قالك وحب تبقي قدام اهلك بحلال احسن
سما: انا فاهمه بس حوار اني باخد خطوه في حياتي دي كبيره
بسمله : هو انتِ مش بتحبي
سما بتفكير : معرفش حاسه اني تايه ، بس لما بيقى موجوده بحس اني مبسوطه
بسمله : طب ما دي مشاعر
سما: بصي انا هصلي 3 ايام مافيش حاجه ظهرت هصلي 7
بسمله : المهم ترتاحي
♘♘♘♘♘♘♘♘♘♘♘♘♘♘
♡في المستشفي♡
الممرضة: حضرتك عاملها بقالك قد ايه
اياس : اسبوعين كدا تقريبا
الممرضه : تمام استنى الدكتوره
اياس : تمام
فيروزة: عسوله اوي
اياس بتركيز : هي مين
فيروزة: الممرضه
اياس: وانا مالي
فيروزة : ايه الرخامه دي  ، بحب ابدي اعجابي ب البنات الحلوه
اياس : اه بدي انتِ ، اما انا عارف الحوارات دي و هطلع انا الي غلطان في الاخر
فيروزة: يخربيت الظلم نيتي كانت صافيه
الدكتوره دخلت بوجه مبتسم : اياس السمري بنفسه عندي
اياس ابتسم بمجامله : شوفتي الحال وصل بيا ان انتِ تفكيلي الجبس  يا نور ، والله لو اعرف انك الدكتوره هنا مكنتش جيت المستشفي
نور بحنق : والله ، طول عمرك قليل الذوق يا اياس مش هستغرب
فيروزة بصلتهم بستغراب : انتو تعرفو بعض
نور بصلتها : مين القمر دي
فيروزة مدت ايدها : ازيك دكتوره فيروزة الشرقاوي
نور : دكتوره جديده هنا ولا ايه
اياس: لا مراتي
نور : لا ما شاء الله زوقو تحقك
فيروزة بضحك : شكرا
اياس : ملكيش دعوه ، فكي و انتِ ساكته
نور : اتفضل كانك ماسك عليا حاجه
اياس : القبول من عند ربنا بردو
فيروزة: حرام عليك دي عسوله اوي
نور بفرحه : الله يكرم اصلك ، حبيتك خلاص
اياس : المظاهر خدعه يا حبيتي صدقيني
نور : اتفضل يا سيدي ايدك اهي ، بقيت زي القرد
اياس حرك ايدو براحه : ياا دا الانسان في نعمه
نور : ايه حصل بقي وصلك لكدا
اياس : يا دكتوره حياه الناس الشخصية متخصكيش
فيروزة: حادثه يا حبيتي
نور : والله انتِ خساره فيه ، عشان كدا هقولك ان المستشفي ناقصها دكتور هنا عشان جراح الي هنا مسافر  ، انتِ دكتوره ايه
فيروزة بفرحه : بجدد ، انا جراح قلب
نور : حلو اوي عدي علي رائيس الاطباء و قدمي
اياس: مش يلا نمشي احنا خلصنا
فيروزة : يلا
اياس و هو خارج بصلها : فيه واقفه ليه
فيروزة بصلتو بعطف : اياس
اياس بستغراب : وبعدين قولي الي بعده
فيروزة: عايزه اشتغل
اياس بتفكير : مش اتكلمنا في الحوار دا
فيروزة : بس انا قولتلك اني مدرستش 7 سنين عشان اقعد جنبك
اياس : ما الستات كلهم قاعدين في بيتهم
فيروزة: متبقاش رجعي و متخلف احنا في سنه كام احنا
اياس : حلو اوي قلي ادبك يلا نمشي
فيروزة : خلاص خلاص يلا بقي
اياس: ماشي يلا
فيروزة بفرحه : يعني وافقت
اياس : عشان مبقاش رجعي و متخلف
فيروزة بتلقائيه حضنتو : احلي بني ادم رجعي و متخلف في حياتي
اياس بضحك : افرح بالحضن دلوقتي ولا انكد عليكي بالي بتقولي
فيروزة بعدت بسرعه: مش قصدي حصل فجاه
اياس : ضيعتي المتعع منك الله ، امشي قدامي
فيروزة: انت ليه كنت بتكلم نور كدا
اياس : موضوع هبقي احكيلك بعدين
فيروزة بغيره : ليه بعدين هو انتو كنتو قريبن من بعض
اياس : علي حسب سوال غيره ولا فضول
فيروزة: فضول طبعا
اياس : موتي بفضولك مش حاكي حاجه
♘♘♘♘♘♘♘♘♘♘♘♘♘♘♘♘
♢في المكتب♢
سيف : كدا كلو تمام
سليم : اه لما البيه يشرف يشوفو بردو
سيف : قالي انو هيفك ايدو انهارده و يرجع علي هنا
سليم : المفروض كان يبقي هنا من ساعه
اياس دخل بهدوء: مساء الخير
سليم : مواعيدك مبقتش تمام خالص يا استاذ اياس
اياس : مكنتش عامل حسابي ان فيروزة تيجي معايا فتاخرنا شويه
سليم : طب خد خلصنا الشغل كلو عد الجمايل
اياس : حلو سيبو هبص عليهم ، صحيح يا سيف حصل حاجه غريبه انهارده
سيف : حصل ايه و فين
اياس بخبث: في المستشفي ، قبلت دكتور كنت عارفه من زمان و قالي انو بيدور علي رقم لينا
سيف بستغراب : ليه عايزه ايه
اياس ببراءة: طلب ايد سما ، وانا قولتو هقولها و نرد عليك
سليم بعدم فهم : دقيقه سما مين يا غالي
اياس : اختي ، مالك!
سليم : انت متخلف يالا يعني ايه تقولو كدا ازاي متضرفتش
سيف بهدوء: مالك يا ابني في ايه
سليم : ابعت رقم الواد دا و قولي المستشفي فين
اياس : اهدي يا حيوان انت
سليم: هو انت جدي مقالكش حاجه
اياس بتفكير : بصراحه قالي
سليم : امال انت بتعمل كدا ليه
اياس بخبث : كنت بختبرك يا حبيبي ، امال هرمي اختي
سليم بعصبية: والله! ليك يوم
سيف : انا مش فاهم حاجه ، مين فين
اياس : للاسف سليم هينسبنا
سليم : يزدك شرف يالا انت
اياس : هنسال عليك الاول اصلا
سليم : و مالو الاصول حلوه بردو
♘♘♘♘♘♘♘♘♘♘♘♘
♡في بيت عائله الشرقاوي♡
الجد : لارا فين
انتصار : بتذاكر فوق
مراد : مقولتليش بردو يا جدي عملت ايه مع الحيوان دا
الجد: مش هنكلم فيه حاجه غير بعد السنه بتاعت اختك دي
مراد : يعني فيه قبول اصلا ، يا جدي دا شبه مصاحب هو بيلعب
الجد : لا مافيش قبول اطمن ، و ملكش دعوه نهائي بسيف
مراد بغضب : و مالو
الجد : وانتِ ركزي مع بنتك شويه يا انتصار
انتصار بخضه : حصل حاجه ولا ايه
الجد: ركزي قبل ما يحصل
انتصار : حاضر
«في الاعلي عند غرفه لارا»
لارا بصوت واطي : انا فرحانه اوي يا مهاب
مهاب بخبث : ليه يا حبيتي
لارا : سيف اخيرا طلب ايدي
مهاب : فعلا  ، ازاي
لارا : انا بحبه فين المشكلة
مهاب : بس انتِ قولتلي ان هو بيحب واحده تانيه
لارا بعصبيه : هينسها
مهاب : و اهلك تقبلو
لارا : فيروزة بكرها كانت هتوظ كل حاجه معرفش قالت ايه لجدي
مهاب بتمثيل : دي بنت خالتك تقريبا
لارا : لا لا فيروزة دي بنت عمي
مهاب : اه قولتلي عليها
لارا: انا خايفه اوي الحوار ميعديش
مهاب : لا انا واثق في حبك انو هيعمل المستحيل
لارا: شكرا يا مهاب انك الفتره دي بتسمعني كتير ، انت عارف اني عمري ما وثقت في حد من علي النت بس غير
مهاب : موجود في اي وقت تحتاجيني فيه يا روحي
لارا : طب سلام دلوقتي هنزل اشوف حصل ايه
مهاب بسرعه : و احكيلي
لارا: اكيدد
♘♘♘♘♘♘♘♘♘♘♘♘♘♘
♡ليلا في بيت عائله السمري♡
بسمله بضجر : هو احنا مش هنطلع مصيف السنادي الصيف بيخلص
نجلاء: ما خلاص بيخلص نطلع ليه
بسمله: ايه يا ماما مش دا الرد
فيروزة: انتو بتروحو فين عمتاً
بسمله بتفكير : يعني مرسى مطروح ، الإسكندرية كدا
فيروزة : طب دهب ، شرم الشيخ ايه النظام
بسمله بصت لاياس : لا دي عايشه في برج عالي دي
اياس بضحك : انزلي طبقه و تعالي مرسي مطروح و امي معاها حله المحشي علي الشاطئ
فيروزة بصدمه : بتهزروا صح
نجلاء: قصدك ايه يا مرات ابني
بسمله : قلبت عليكي بقيتي مرات ابنها كنتي فيروزة حبيتي و كلام من دا
فيروزة بسرعه: مش قصدي يا طنط اكيد المحشي منك حلو
نجلاء: حبيت قلب امك انتِ
اياس : خلاص ضبطوا نفسكوا و نطلع علي اول الأسبوع
بسمله: ميجبها الا رجلتها
فيروزة: قول لماما و بابا يبقوا معانا
اياس : براحتك طبعا
سيف : الهدوء دا لما سما مش بتبقي موجوده بس
بسمله: اه قالت هتنام مش هتاكل
سليم : ليه هي تعبانه
اياس: وانت مالك ، انت لسه صاحب اخوها بنسبالها متخلنيش اقوم اقل ادبي علي شكلك
سليم : انا قاعد في حما جدي
الجد: بس كلام اياس صح يا سليم ، شوف هتجيب اهلك امتي عشان يبقي ربط كلام حتي
سليم : اكيد طبعا ، انا ممكن اجيب امي بس من القاهره بكرا كدا كدا مليش غيرها انتو عارفين و نلبس دبل قبل المصيف حتي
الجد: صح كلام كدا
سليم بعدها بتفيكر مع نفسه : لو هي مش تعبانه ، فممكن تبقي هي بتهرب مني ؟
♘♘♘♘♘♘♘♘♘♘♘♘♘♘♘
♡في متتصف الليل في غرفه بسمله♡
تليفونها رن ردت بإزعاج:  الو ، مين
مراد بمرح : نسيتي صوتي اقسم بالله اقلبها دم
بسمله بنوم : ممكن تقلبها بكره اكون صحيت
مراد : ايه مواعيد النوم دي انتِ فرخه
بسمله ركزت : مراد
مراد بضحك : حمد الله علي السلامة
بسمله بصدمه بصت علي التليفون: انت جبت رقمي منين يخربيتك
مراد : بتخربي بيتي ليه يا بنتي ، والله تعبت علي ما جبتو
بسمله بعصبيه : ازاي ، وليه اصلا
مراد: في ايه اهدي ، ازاي جميل من ناس حبايبي عرفت اجيبو ، ليه بصراحه مش عارف
بسمله: طب انا هقفل في وشك ولما تعرف ابقي قولي
مراد بسرعه: استنىِ يا مجنونه ، بقولك تعبت علي ما جبتو
بسمله: مراد عايزه انام انت مصحيني من النوم متبقاش بجح
مراد: عادي ، المفروض تقوليلي اول مره اصحى علي الصوت الجميل دا
بسمله بسخرية: حرفيا مافيش انتن من كدا صوت الانسان ممكن يصحي عليه
مراد: مقبوله منك يا روحي
بسمله رجعت لوضعها : يلا تصبح علي خير ، و متتصلش بيا تاني
مراد: يعني مش هتسجلي رقمي و اشوف الاستوري الي بتنزليها علي الواتساب
بسمله بصدمه: انت جايب رقمي عشان تشوف الاستوري
مراد بمرح : مش بظبط
بسمله: سلام يا مراد سبني اتخمد
مراد: خلاص سجليني My policeman
بسمله بسخريه : لا وانت الصادق هسجلك مراد قربب فيروزة
مراد: والله ! ما اقولك اسمي سباعي احسن
بسمله قالت ثم قفلت السكه في وشو : تصبح علي خير
بعد ما قفلت بصت لتليفون بابتسامه و بعدين قالت لنفسها: ايه الهبل دا انتِ بتتضحكي ليه ، يلا نوم بلا قله ادب
♘♘♘♘♘♘♘♘♘♘♘♘♘♘♘
في الجنيه كانت سما قاعده لوحدها بعد الكل طلع نام في غرفته
سليم كح و قرب منها : انتِ كويسه
سما بصت للواقف بعدين بسرعه: اه كويسه ، انت بتعمل ايه هنا
سليم قعد علي الكرسي قالا: مافيش مجاليش نوم قولت اخرج اشم هوا
سما: ماشي هطلع انا بقي
سليم وقف بسرعه: هو انتِ زعلانه مني ؟
سما بستغراب : لا هزعل ليه
سليم : حسك بتهربي مني حتي منزلتيش علي الاكل من ساعه ما عرفتي اني طلبت ايدك
سما بتوتر : لا ، اه ، مافيش حاجه كنت عايزه انام
سليم رفع حاجبه : بس بسمله قالت انك تعبانه
سما بسرعه : اه ما انا تعبانه فعلا
سليم : هو انتي بتكدبي ليه ، بسمله مقالتش حاجه
سما بعصبيه : اوف يا سليم انت بتضغط عليا ليه
سليم : انا ، انا بضغط عليكي انا بس بسالك بتهربي ليه
سما قعدت بهدوء : معرفش
سليم بنبره هاديه : مالك يا سما ؟
سما بدموع : حاسه اني خايفه من كل حاجه ، حاسه اني داخله حوار اكبر مني
سليم بتوتر : خايفه مني
سما هزت راسها بموافقه : اه ، انا خايفه من فكره ان فجاه ممكن ابقي مراتك وانا بتعامل معاك ك صاحب اخويا و عاش معانا من زمان كتير في البيت
سليم بستفهام وقف و قال: يعني قصدك انك بتعتبريني زي اياس ك اخ بس  ، تمام بكرا هقول لجدك اني اتسرعت وكان لازم اتكلم معاكي و اعرف انا ايه بنسبالك الاول ، انا اسف
سما وققت قدامو بسرعه : ايه الهبل دا ، انا مقولتش كدا
سليم بعصبيه : كلامك ميدلش علي حاجه غير كدا يا هانم
سما بعصبيه وضع اصبعها امامه : سليم متتعصبش عليا ، انا مقولتش حاجه غير اني خايفه من الفكره
سليم بعصبيه اكتر : يعني بتحبني  ولا لا
سما بغضب : اوف ، بتنيل بحبك
سليم بفرحه: وانا بموت فيكي
فيروزة من وراهم : الله انا فرحانه اني شهدت قصه الحب دي
سما بخضه : بسم الله الرحمن الرحيم ، بيطلعوا امتي دول
فيروزة بضحكه : في اي وقت يا حبيت قلبي ، الحمد الله بيصادف ليا اقفشات رائع
سما بخوف: طبعا انتِ مش هتبقي مرات اخ حربايه و تروحي تقولي لاياس حاجه
سليم بتوتر : طب تصبحوا علي خير بقي
سما : يلهوي انت بعتني من اول الطريق
سليم : اخوكي ايدو غشيمه بردو
فيروزة ضحكت : متخفوش سركوا في بير خلاص ، انا مشوفتش حاجه انا نزلت اجيب مياه و طلعه ولا كان حصل حاجه
سما بفخر: ديما اقول يا زين ما اخترت يا اخويا
♘♘♘♘♘♘♘♘♘♘
♡صباحاً في بيت عائله الشرقاوي♡
نجوى : قولت ايه علي حوار المصيف عشان اقولك لفيروزه
عاصم : تمام اكدي عليها
نجلاء : لا احنا مش هقدر عشان دروس لارا
لارا بخنقه : يوم مش هيجي من الكام يوم دول
الجد : لا هيجي ، خليكي في مذاكرتك
لارا : هي كل حاجه هتفضل تتاجل لبعد ثانويه عامه
الجد : اه اذا كان عجبك ، ولا تقعدي من التعليم
نجلاء: مش قصدها يا بابا
مراد : رايحين فين بقي علي كدا
حسين : مرسى مطروح
مراد : السفاريه دي تبعي بصراحه
نجوى بفرحه : هتيجي معانا
مراد: اجي معاكوا مجيش ليه ، معندش شغل كتير الفتره دي كمان
نجوى : خلاص هقول لفيروزه كدا تمام اوي
مراد : لو عاوزه حاجه اضبطها معاها خليها تكلمني
نجوى: عيوني يا حبيبي
♘♘♘♘♘♘♘♘♘♘♘
♡في بيت عائله السمري♡
فيروزة بفرحه: ماما بعتتلي انهم هيجوا معانا و مراد كمان
اياس: مراد هيجي ليه
فيروزة بستغراب : يعني ايه ليه ابن عمي ، هو انا قولتلك سيف جاي ليه
سيف :انا مالي يا لمبي
فيروزة: سوري بس ك مثال
اياس : ماشي يا فيروزة ماشي
فيروزة برخامه حطت ايدها علي ايدو : اعصابك يا حبيبي عيالك محتاجينك
اياس مسك ايدها جامد: بصراحه وانا محتاج لعيالي
فيروزة بصوت واطي : اياس سيب ايدي
اياس بياكل بتسالي : مش انتِ الي بدائتي
بسمله: هو انتِ هتاكلي بيدك الشمال ولا ايه
فيروزة وشها احمر : اه ، لا مش جعانه بقي مش هاكل
اياس ببراءة: بتعمل دايت اصلها تخنت
فيروزة بعصبيه: انا تخنت يا اياس
اياس : مش انتِ الي قولتي كدا
فيروزة: ماشي انا مش هعصب نفسي ، ولا كان حاجه حصلت
نجلاء : هتروح تجيب مامتك انهارده يا حبيبي
سليم : اه يا امي
نجلاء : تروح وتيجي بسلامه
اياس بص لاختو : مقولتيش يعني صليتي ولا لا ، مرتاحه؟
سما بكسوف: الي تشوفو انتو بقي
سيف برخامه : هما الي هيتجوزا ولا انتِ
سما : انت مالك يا غتت
الجد : بس يا سيف متحرجش اختك ، خلاص علي بركه الله
فيروزة بصوت واطي : والله جعانه حرام عليك
اياس حط العيش في البيض و قرب من بوقها :كلي يا حبيتي
نجلاء: ما شاء الله ربنا يلخيكوا لبعض يارب
فيروزة بكسوف : الحمدالله شبعت
اياس حررها من يده اخيرا : بالهنا و الشفا
♘♘♘♘♘♘♘♘♘♘♘♘
♢بعد عددت ساعات علي وصول سليم و ولدته♢
سناء ولدت سليم بود: مش هنشوف العروسة ، دي حتي وحشتني
نجلاء بعتاب : ما انتي لو بتجلنا
سناء : والله يا حبيتي الطريق  وانا مش بنزل كتير ، بس انا عارفه ان ابني واقف علي بوزو بقالو فتره و قولت هشوفكوا
سليم بتلعثم : منوره يا ماما والله
سناء : ملكش دعوه
نجلاء : انده اختك يا اياس
اياس تحرك بهدوء : حاضر
♢في الاعلي♢
فيروزة : وحشتني اوي ، قولت طنط هتعمل حوار انك هتقعدي كام يوم معايا و نسافر مره واحده من هنا
فريده: هي اه عملت شويه قلق بس انا زنانه
بسمله: هو الزن علي الودان امر من السحر
فريده: اه والله دا محتوايا لما اعوز حاجه
فيروزة : شوفتي حماتك المستقبلة الي يارب توافق بقي تبقي مستقبليه
فريده: ولا شوفت ابنها حتي ، اصلا مش بنكلم بقالنا يوم كدا ولا حاجه هو مش بيسال وانا سبتو براحته
فيروزة: ايه العبط دا ، الواد دا عايز بتربى
بسمله: هنربهولك احنا
سما بتوتر : يا جماعه ركزو معايا ، المكياج اوفر !
فريده: هو انتِ كدا حاطه حاجه اصلا
سما: طب الحمد الله اطمنت
بسمله: والله سيمبل خالص كدا
سما : انا خايفه متنزلي انتِ احنا واحد حلال عليكي
بسمله ضربتها علي دماغها: اخرسي يا بت انتي و اهدي كدا
فيروزة بخبث : حلال عليكي فجاه كدا راح الحب
سما : مرات اخويا الحربايه ظهرت
بسمله بستفهام : في ايه
فيروزة: لا سما شاطره و مش هتتوتر بس لازم نفوقها كدا
سما : صح كدا
اياس خبط و دخل : مامت سليم جات لو خلصتي انزلو
سما : حاضر
اياس : اتفضلي
♢في الاسفل♢
سناء : حبيبت قلبي القمر ، وحشاني
سما : و حضرتك اكتر يا طنط
سناء : قوم يالا انت و اقعدها جنبي
سليم : ما اقعد انا وهي جنبك
اياس : قوم ياعم انت اقعد في اي حته هنا
سليم : عاملوني حلو انا عريس
سيف بصوت واطي لبسمله : هي فريده جت امتي
بسمله : من ساعه و مش طايقه الي خلفتك
سيف : اشمعنا الي خلفتني
بسمله: مجاز يعني يا ابو السيوف
سيف: كتك الاقرف اخبارك زي وشك
بسمله: مش اعملك انت يعني الي شبه صباع رجلك الصغير
سيف : هي قالت حاجه
بسمله برخامه : لا ارى لا اسمع لا اتكلم
سيف: غوري
سناء بصوت مسموع : طبعا احنا جايين نطلب ايد بنتي حبيتي سما
الجد : و احنا يشرفنا نناسب سليم ابننا طبعا
سناء : علي بركه الله يا حج
الجد: هنقرا فتحه و نبقي نحدد الخطوبه اي وقت
سليم قاطعاً: معلش يا جدي انا اسف بس انا مش قصدي اتعدكوا ، جبت خاتم و دبله و انسيل و سلسله ك شبكه و تبقي قرايه فتحه و خطوبه عائله ، وهي طبعا لو معجبهاش نبقي نغيرها لليعجبها ، و نعمل فرح كبير
اياس : فرح دا بعد سنتين بقي
سليم بصدمه : يعني !
سما : انا لسه قدامي تالته و رابعه جامعه
سليم : طب متكملي دراسه في بيتك
الجد: خلاص تبقي خطوبه و نعمل كتب الكتاب بعد اسبوعين عشان هتبقي داخل خارج عندنا ، و تجزوا شقتكوا براحتكوا لحد ما تتخرج
سليم: لو فيها كتب كتاب انا موافق
اياس : بادبك يا حيوان
سليم : بكل تاكيد
الجد: نقرا الفتحه
♘♘♘♘♘♘♘♘♘♘♘
بعد مرور عده ايام ، في اجواء جميله في مرسى مطروح
فيروزة : الجو حلو اوي هنا اول مره اجي
فريده: انا روحت بردو مره وانا صغيره مش فكرها
بسمله: شوفتي كنتي دفنه نفسك في دهب و شرم و قرف
سما : اتقي الله ، قال قرف قال
بسمله : بضحك عليها ان هنا احلي
سما : اذا كان كدا ماشي
نجوى: مالك يا مراد يا حبيبي
مراد و هو باصص لسيف بقرف : ماليش هقوم اقف قدام البحر شويه علي الاكل ما يجي
فيروزة قالت لاياس : هقوم اشوف مالو و قامت قبل ما يرد
سما : الحمد الله قام قبل ما يكلك يا سيف
سيف : هو انا عملتو ايه
سما بسخرية: دوست علي رجلو تقريبا
بسمله معاها: بسيطه يعني
سيف : فككوا مني انتو الاتنين
نرمين لبنتها : هو حصل حاجه يوم العزومه
شهد بتفكير : هو انا مقولتكيش
نرمين : لا يا اخره صبري ما قولتليش
شهد بخوف : ازاي نسيت ، هقولك في الاوضه عشان الحوار كبير
نرمين: انا نشوف اخرتها
سيف بص لفريده و بعتلها مسدج : قومي نكلم
فريده: لا
سيف : انتِ مش بتردي عليا من ساعه ما كنتي عندنا و دلوقتي بردو مش راضيه
فريده: انا مش تحت امرك
سيف : والله حصلي كذا حوار
فريده: ربنا يعينك
سيف : فريده متبقيش بارده لازم احكيلك حوار مهم
فريده: مش عايزه اسمعو
سيف بغضب : ماشي يا فريده ، براحتك
نرمين: هو فيه حاجه بين البت صحبت فريده دي و سيف
شهد : ابنك شكلو توكسيك مش ثابت علي حد
نرمين : يعني ايه تاكسيك دي
شهد بضحكه : توكسيك يا ماما ، سام يعني
نرمين: يعني بينهم حاجه ولا لا ، يكون دي البت المصريه
شهد: ايه جاب الشامي جنب المغربي
نرمين: صح بردو
♡عند مراد و فيروزة♡
فيروزة وقفت جنبو : قالب وشك ليه يا استاذ
مراد : مش طايق الواد سيف كنت خالص ابتدت اتعامل عادي بس حوار لارا دا مش هعدي
فيروزة بتوتر : خلاص بقي يا مراد يمكن تسرع
مراد بعصبيه : تسرع ، هي حبيته عارف بالي حصل دا
فيروزة بغباء: حبيتو مين
مراد: هو انا عبيط يعني ، قصدي فريده
فيروزة بتلعثم : اه ، لا معرفش ، بس ملكش دعوه بردو انت
مراد : ماشي ، انتِ جيتي ليه
فيروزة: ليه قله الذوق دي ، قولت اشوفك بدل ما انت قالب وشك علينا لنكون جايبنك معانا غصب
مراد بتفكير : لا انا طالع لاسباب اخر
فيروزة بفضول: ايه هي
مراد : وانتِ مالك يا فيروزة ، طالعتي حشريه جدا
فيروزة خبطت في كته : والله ، قول احنسلك
مراد ضحك و بص علي اياس بعدين بصلها : جوزك بيطلع شرار من عينه
فيروزة بصلتو ورجعت عينها لمراد بسرعه : تفتكر بيغير
مراد بهدوء : هيغير من اخوكي ليه ، ممكن عشان علاقتنا مش احسن حاجه بس
فيروزة وطت راسها : اصل هو ميعرفش انك اخويا
مراد بصدمه : يخربيتك ، ما طبيعي يولع
فيروزة بتبرير : الله ، يغير ليه يعني
مراد : راجل مثلا!
فيروزة: تفتكر دا حب ولا غيره ك من ناحيه الرجولة وخلاص
مراد بشك : هي فيرو وقعت ولا ايه
فيروزة: ما ترد علي قد السوال يا عم انت
مراد : هو طبيعي ك راجل و في نفس الوقت بيقي حب الغيره 60٪ منها حب
فيروزة بشرود : طب يلا نرجع و اعدل وشك
مراد : ماشي ياختي عشانك بس
فيروزة: بحبك وانت محترم
مراد: وانا مش بحبك خالص
فيروزة بخبث : استنى كدا ليكون الاسباب الاخر دي قاعده معانا علي التربيزه
مراد بتهرب : ايه العلاقه لا
فيروزة : اصل عينها كانت هتطلع زي اخوها علينا
مراد بسرعه: بجدد؟
فيروزة سكت و سابتو وراحت قعدت جنب اياس
مراد : طب قوللنا الاكل اي حاجه
شهد بخبث : مردناش ناقطعكوا
مراد بمرح : ما تقاطعونا هو احنا كنا بنكمل عن انيهار الاتحاد السوفيتي يعني
سما : الا هو انهار ازاي
مراد : انا كنت ادبي فاشل مش فاكر
بسمله: متبوصلي انا كنت علمي
مراد : الدح علي اصولو
سما : اوي هي و اياس
انتصار: اهي اخر واحده تيجي تاخد وساخه البطن و تنزل
فيروزة بضحكه: اول مره اسمع جمله دي
سما : استني انتِ ، انا وساخه البطن يا انتصار
انتصار : لا يا قلب امك مقصدتش
سما بتكبر : بكرا اروح علي بيت حبيبي نعيش مع بعض في و تعيطي علي فراقي
سليم : نروح دلوقتي يا حبيتي
سما ضربتو في رجلو : دي اغنيه اتلم
♘♘♘♘♘♘♘♘♘
ليلا علي احدى شواطئ البحر مع اجواء الهواء الرطب اياس حاطط ايدو علي عين فيروزة برفق و ماشيين

فيروزة بخوف : اياس هترميني في المياه و تخلص مني ولا ايه 

اياس بضحك : فكره حلوه جدا

فيروزة صوتت بصوت عالي : يلهوي انا بخاف من البحر

اياس : ليه ؟

فيروزة : عشان غدار

اياس بحب شال ايدو: خلاص يلا فتحي ، مش هرميكي

فيروزة فتحت عينها بهدوء : الله يا اياس ، ايه كل دا 

كانت الارض مفروشه بديكور هادي و اكل علي التربيزه مكون من اكلت سمك و مشروبات

اياس مسك ايدها و اقعدو : اقعدي 

فيروزة بحب : انا فرحانه اوي بجد ، انت كدا ليك عندي عزومتين

اياس بضحك : و الراجع عيل صغير

فيروزة مدت ايدها ليه بسلام: اتفقنا 

اياس : اتفقنا 

فيروزة: الاكله المفضله والله

اياس : السمك بنسبالك حلو بجد

فيروزة: بموت فيه جدا

اياس غمزلها : يا بخته

فيروزة بتوتر : هو مين

اياس: السمك الي بتموتي فيه

فيروزة بتغير كلام : جاوبني بصراحه ، هو انت اضيقت لما اقومت ورا مراد

اياس غير وشه : اه اضيقت 

فيروزة اتفجئت من رده وقالت بستفزاز: ليه اضيقت ليه

اياس بعصبيه: المفروض مضيقش ان مراتي و اقفه تهزر و تضحك مع راجل غريب عنها

فيروزة برخامه : تؤ تؤ ، تضايق ليه اخنا جوزانا صوري

اياس وقف بعصبيه: متعصبينش عليكي 

فيروزة وقفت بتحدي قدامو : اتعصب

اياس بغضب و صوت عالي : فيرووزه

فيروزة بستفزار لوحت بيدها : قول ان انت غيران عليا بقي

اياس قربها ليه جامد: اه غيران عليكي و بحبك

فيروزة بلعت رقيها بتوتر و بصلتو بصدمه

يتبع 

S✮B