روايه هو و هي

(الحلقه العشرين )__ ( ابقى كويسه يا مريم )

(الحلقه العشرين )__ ( ابقى كويسه يا مريم ) ❤
ف الحلقه السابقه :____
ابو مريم : .. الواد وانا بهدده ماتهزش من مكانه
ونظرته ماتكسرتش ف الارض ودايما كان باصصلى وبيكلمنى راس براس ...
ابو مريم : وهو ده اللى انا اخاف منه ..
ممكن يستولى على مريم وعلى فلوسها زى ماهو استولى على قلبها بشويه حب وكلام فارغ .. .
. قريب اوى هقولك حدد معاد الخطوبه
ابو مريم : يلا اهو كلها ايام وابشرك ... ماتقلقش
.....................
((وفجأه بيسمع صوت هبد على الارض جايه من بره باب المكتب ))
........................... (الحلقه العشرين ) ❤
ابو مريم : استنى يا سليم ثوانى فيه صوت رزع بره مش عارف فيه ايه ؟
ابو مريم : ايه ده ؟ مريم ؟! مرييييم .... مريم مالك يا حبيبتى قومى .. فوقى يا بنتى
مريم ...يا مريم ..اصحى يا حبيبتى اصحى .
((وبيعملها الاسعافات الاوليه بس بردو هى فاقده الوعى تمااااما ))
((بيشيلها وبيجرى بيها وبيوديها المستشفى بتاعته اللى تبعد حوالى 10 دقايق ))
..................
( ف المستشفى )
دكتور : خير يا دكتور مريم مالها
ابو مريم : فقدت الوعى مش عارف مالها . بفوقها مابتفوقش ....
دكتور : طيب اتطمن يا دكتور اتطمن تلاقيه هبوط من قله الاكل او حاجه
اتفضل حضرتك واحنا هنقول باللازم
.............................
((بعد نص ساعه ))
ابو مريم : ايه يا دكتور وليد مالها البنت
دكتور : تمام يا فندم ... مالها مريم يا دكتور . مين اللى مزعلها ... دى اعراض انهيار عصبى بس لسا من الدرجه الاولى . وكانت ممكن تعمل جلطات
ابو مريم : بتقول ايه ؟ ليه كل ده ؟ وازاى ؟
دكتور : للأسف .. مريم فاقت من شويه وفاقده النطق .. مابتتكلمش .. مع انها مدركه لينا ولوجودنا
ابو مريم : طب ممكن اشوفها
دكتور : اتفضل يا فندم طبعا بس ممنوع اى حاجه تزعلها من فضلك .. وانا هبعت للأشعه ييجوا عشان يعملولها أشعه عشان نتطمن أكتر
ابو مريم : تمام
.......................
ابو مريم : ايه بقي ؟ الجميل ماله ؟ قلقتينى عليك ليه ؟
ابو مريم : ايه مش عاوزه تكلمينى ؟ مخاصمانى ؟ فيكى ايه ؟ مين اللى ضايقك ولا مين اللى زعلك ؟
ابو مريم : طب استنى هتصل على صحباتك ساره ونور عشان مايقلقوش عليك
((مريم بتشاورله انه مايتصلش خايفه هما يعرفوا ويقولوا لأحمد ))
ابو مريم : ايه مش عاوزانى اتصل عليهم ؟
ابو مريم : خلاص يا حبيبتى اوكى ... بعدين هنبقى نحكى ونتكلم لما تقوميلى بالسلامه
طب حتى شاورى وقوليلى مين اللى ضايقك
دكتور : هستأذن حضرتك يا فندم كفايه كده .... هنعلقلها محاليل .. ونسيبها ترتاح شويه
.........................
((ابوها بيتصل بصحباتها عشان يطمنوا عليها لانهم بيرنوا عليها من بدرى ))
ساره : الو ! ايوه يا عمو ؟ مريم فينها بنرن عليها محدش بيرد . هى كويسه ؟
مريم : اه يا حبيبتى كويسه .. هى تعبت شويه لما رجعت من بره وجبتها المستشفى ..
ساره : يا خبر !! من ايه ؟ مالها ؟
ابو مريم : شويه ارهاق وضغط عليها بس .. مش هى كانت معاكو ؟
ساره : اه كانت معانا وكانت حلوه الحمد لله وبتضحك وبتهزر .. ايه اللى جرا .. وموصلينها لغايه باب الفيلا وكانت داخله بتجرى
ابو مريم : غريبه ... دى رافضه حتى تقول فيها ايه ولا مالها ولا مين اللى زعلها
ساره : طيب ياعمو انا هاجيلها دلوقتى
ابو مريم : لا خليك ماينفعش .. الساعه 11 والدنيا ليل .. خليكى لبكره ابقى تعالى وهاتى نور اهو تسلوها شويه وتحاولوا تفرفشوها لانها مكتئبه كده ؟
...............................
ساره بتعيط وبتتصل على نور : الو ! ايوه يا نور ... مريم تعبانه وابوها نقلها المستشفى
نور : نعم ؟ بتقولى ايه ؟ بتتكلمى جد ؟ انتى بتقولى ايه يا بنتى ماهى كانت كويسه
ساره : اه والله .. وابوها بيقول مابتتكلمش
نور : يا حبيبتى ... ايه ده هو فيه ايه ؟ دى كانت كويسه وبتضحك ومبسوطه هى واحمد
ساره : أحمد ! هنقوله ولا ايه ؟
نور : انتى مجنونه ؟ لا طبعا .. نقوله ازاى .. دا مجنون وممكن يروحلها المستشفى
ساره : طيب ماهو كده كده هيعرف وهيروحلها وهيعملها زعله ان محدش قاله
نور : قوليله انتى انا ماليش دعوه
ساره : طيب اعملى حسابك بكره بدرى هنروحلها ...
نور : خلاص هصحيك على 7 كده .. تكونى جاهزه ننزل نركب على طول
ساره : ان شاء الله .. ادعيلها يا نور ... انا هبعت رساله لاحمد لانى مش هقدر اكلمه ممكن يشتمنى ولا حاجه
.................................
أم احمد : ايه مالك يابنى ؟ عمال تفرك ف الشقه ليه ما تقعد
أحمــــد : مافيش .. مش مركز شويه .. وحاسس انى مش مرتاح
أم احمد : مش مرتاح ليه ؟
أحمــــد : معرفش ..نفسي طابق عليا كده ومش عارف اخد نفسي بسهوله
ربنا يستر .. انا حاسس ان فيه حاجه هتحصل .. البنات فين ؟ ناموا بدرى ليه ؟
أم احمد : مافيش .. واحده بتذاكر جوه ف اوضتها والتانيه نايمه عشان وراها درس بدرى
قولى مالك بجد ؟
أحمــــد : والله ما اعرف يامه ... قلبى واجعنى مش عارف ليه ؟ وعينى بترف
أم احمد : ايه هيكون حد حاسدك ولا ايه ؟
أحمــــد : لو جت على كده يبقى كتر خير الدنيا .... انا مابتحصليش الحركه دى الا لما حاجه وحشه بتحصل ..... انا هخرج البلكونه اشم شويه هوا بدل ما يجرالى حاجه
........................
ساره : الو ! ايوه يا احمد
أحمــــد : ساره ؟ خير يا ساره بتتصلى دلوقتى ليه ؟
ساره : مافيش ياعم بتطمن عليك ؟
أحمــــد : ساره ! فيه ايه انا قلبى واجعنى من ساعه ما رجعت من بره .. مش ناقصه تعب اعصاب والنبى .. انطقى ؟ فيه ايه ؟
ساره : مافيش .. مريم تعبت شويه . وباباها وداها المستشفى بتاعته
أحمــــد : نعم ؟ عرفتوا من امتى انتوا ؟؟؟
ساره : احنا لسا عـار......
أحمــــد : انتى لسا هتحكى ؟ فين المستشفى بتاعته دى
ساره : اهدى بس ابوها معاها هناك .. الصبح احنا رايحين انا ونور ابقى عدى علينا خدنا معاك ونروحلها احنا التلاته
أحمــــد : اخلصى يا ساره فين المستشفى دى ؟؟
ساره : يووووووه .. طب اكتب عندك
.....................
(المستشفى )
أحمــــد : لو سمحتى فيه حاله عندكوا باسم مريم محمد منصور هى ف انهى دور ؟
الاستقبال : الزيارات ممنوعه حضرتك لانها لسا تحت العنايه
أحمــــد : لا انا بسال هى ف انهى دور بس .. مش هطلع
الاستقبال : ع العموم هى ف تالت دور ... اوضه 344
أحمــــد : طيب شكرا يا فندم
.............................
أحمــــد : مريم !
مريم : (بتبصيله وبتبكى )
أحمــــد : الله الله .. ايه يا حبيبتى مالك ... كده تقهرى قلبى عليك يا بت انتى ؟
ولا انتى بتشوفى انتى غاليه عندى ولا لا ؟
اتكلمى . سمعينى صوتك .. دنا دافع 100 جنيه للبت الممرضه اللى بره بنت الحراميه عشان تدخلنى سرقه 5 دقايق .. وماصدقت ابوكى قام راح يجيب حاجه يشربها
ايه بقي ؟ مين مزعلك ؟ ومين ضايقك ؟
(مريم بتتكلم بصوت بكا مقطع النفس )
مريم : انا ... انا عرفت الحوار اللى دار بينك وبين بابا
خبيت عليا ليه يا احمد ؟
أحمــــد : وايه يعنى لما تكونى عرفتى ؟
مش انا وانتى كنا متخيلين ان ده اللى هيحصل
مريم : شكلها مقفوله يا احمد انا سمعت بابا بيتكلم مع عمو سليم
وبيقولوا لبعض هيحددوا ميعاد الخطوبه على حسام ابنه
أحمــــد : وهو ده اللى مزعلك ؟ يا عبيطه انا مش هسمح لمخلوق يلمسك طول ما فيا نفس
خليهم يتكلموا ويتفقوا ويقولوا اللى يقولوه .. هو يعنى الكلام بفلوس ؟
مريم : انت بتقول كده عشان تريحنى وخلاص صح ؟
أحمــــد : وهو من امتى كان احمد بتاع كلام وبس يا مرمر ..
صدقينى عمرى ما هتخلى عنك .. غصب عنك وعن عين ابوك هتجوزك .. مفهوم ولا مش مفهوم ؟
وبعدين انتى جرالك ايه ؟
مريم : انا لقيت الدنيا بتسود ف وشى وبتطلع وبتنزل ومافوقتش غير وانا هنا وكنت فاقده النطق تماما ومش قادره اتكلم
أحمــــد : اه ده من كتر الافلام الهندى اللى بتتفرجى عليها ؟ بقيتى زيهم
مريم : مين اللى قالك انى هنا
أحمــــد : عملك الاسود اللى اسمها ساره .. دى خضتنى حته خضه
مريم : ازاى مع انى قايله لبابا مايقولش لحد ولا حتى ليهم
أحمــــد : بتقولى ايه وحياه ابوك ؟ انتى ماكنتيش عاوزانى اعرف وادخل واجيلك ولا ايه ؟
مريم : لا .. ماكنتش عاوزاك تشوفنى وانا كده .. انا حاسه انى تعبانه اوى يا حبيبى
أحمــــد : قومى يا مريم . خلاص انا جنبك اهو تعب ايه بس
مريم : كل ما افتكر انى ممكن ماكملش معاك عمرى وان حد ممكن يبعدنى عنك بتعب ونفسيتى بتبقى زفت ..
أحمـــد : عارفه يا مريم !
كنت فاكر نفسي ما بخافش ..
كنت فاكر نفسي .. كبير ..
انا .. كبير نفسي ..
انما طلعت غلطان ..
انا .. بخاف .. عليكي ..
حطت ايدك على قلبك فجأة دلوقتى بتخطف النفس من بين ضلوعي ..
مسكتك لهدومك .. و كرمشتك فيها .. زي العيل التايه اللي متشعلق في حد كبير عشان ما يتوهش اكتر
زوغان عنيكي ..
الشحوب اللي ب يغطي وشك في ثانية .. وصوت نفسك المسحوب بالعافية ..
لما صاحبتك كلمتنى وقالتلى مريم تعبانه ... حسيت بعصره وجع جوه قلبى
لما اه تخرج من بين شفايفك من كتر ال .. وجع .. تقتلني ..
انتي ايه يا بنت ..
انتي جبل شايل حمول و الا بسكوتة ناعمة مش حمل النسمة ؟
ازاي بخاف عليكي اوي كدا
رابطة قلبي بحبل و مجرجراه وراكي في كل حتة ..
انا .. عاشقك ..
عاشقك في كل اشكالك و أحوالك ..
في حنيتك و جنانك .. جنونك و عصبيتك .. شقاوتك و ضحكك .. حتى في نكدك .. بحبك ..
و .. بخاف عليكي ..
كل مرة تتعبي واقولك فداكي قلبي انا .. فداكي كلي ..
كان ردك دايما واحد ..
بعد الشر عنك ..
ماحدش يستحمل التعب اللي ب اتعبه ..
انه يبقا قدامك الهوا مالي البراح و انت مش قادر تاخد منه .. نفس ..
ياا قلبي عليكي .. يا قلبي انتي ..
اعمل ايه لجل ما ترتاحي بس
اعمل ايه لجل الوجع ما ينسى طريقه ل قلبك يا بنتي ..
بهمسة واحدة سحبتيني وراكي وبكلمه اه طالعه من بين شفايفك الدنيا اسودت ف وشى ..
ملعون ابو الوجع اللي يخلي دموعك تنزل ..
ملعون ابو التعب اللي يخليني اشوفك كدة ومش عارف اعملك حاجة
ارحميني و ابقي كويسة ...
ابقي كويسة .يا مريم ......
هسيبك ترتاحى دلوقتى وتحاولى تنامى وماتفكريش ف اى حاجه ..
خلى الدنيا كلها اواجهها انا ومالكيش انتى دعوه .
انا كفيل بيك وب ابوك وبأى حد يقف قصادنا .... ارمى الدنيا كلها عليا .. مفهوم ؟
مريم : حاضر
احمد : ياخواتى .. ايه الرقه دى
مريم : ههههههههههه
احمد : ايوه كده اضحكى ياشيخه يلعن ابو الهم .... بقا مغرمانى 100 جنيه عشان اجى اشوفك .. ايه ده ؟
مريم : ههههههههههه بطل بقا مش قادره اضحك
احمد : انتى عارفه !
فاكره الحضن اللى حضنتهولك قدام باب الفيلا وفضلنا ربع ساعه مابنتكلمش ومستريحين ف حضن بعض
اهو انا دلوقتى عاوز احضنك الحضن ده
اطقطقلك ضهرك
( بيلعب ف شعرها ) بس انا عاوز افهم حاجه يا مرمر وتردى عليا بجد
مريم : خير يا روحى
احمد : هو انتى بتكونى وحشه امتى ؟
مريم : ههههههههههه بطل بقا يا احمد بجد
احمد : لا بجد هتكونى وحشه امتى يعنى ؟ هو مش المفروض انك متعلقلك محاليل وتعبانه وحاجات كده ؟ امال انا شايفك حلوه ومنوره كده ليه ؟ بطلى حلاوه امك دى
مريم : هههههههههههه حاضر هبطل . لما انت تبطل تحبنى انا هبطل احلو
احمد : يبقى مش هتبطلى تحلوى .... حبيبتى هسيبك بقا ترتاحى شويه
مريم : خلاص يا حبيبى انا بقيت كويسه والحمد لله انى شوفتك
أحمـــد : ( بيبوسها على جبينها ) تصبحى على خير يا ست البنات واحلى واحده شافتها عنيا
مريم : وانت من أهله يا حبيبى .. ماتتأخرش عليا بكره
أحمـــد : مقدرش اتأخر ... بحبك
مريم : بحبك
...........
(احمد خارج من الاوضه وماشى )
ابو مريم : انت ايه اللى جابك هنا ؟