For unicode
အခန်းထောင့်တွင်ပုံံထားသော ကျောင်းလွယ်အိတ်များထဲမှ သူ့အိတ်ကိုဂျောင်ကုခပ်သွက်သွက်ဆွဲယူလိုက်၏။အပေါ်ဆုံးအိတ်ကပ်အသေးလေးထဲတွင်ရှိသော ဆွဲကြိုးကိုဆွဲထုတ်လာပြီး ဇီးရွက်လောက်မျက်နှာနှင့် ထယ်ယောင်းဆီကိုဦးတည်၍ လျှောက်လာခဲ့သည်။
"ငါက လည်ဆွဲဲတွေ လည်ပတ်တွေအယုံအကြည်မရှိဘူး ရော့"
ခပ်ကျယ်ကျယ်သံကြိုးကွင်းကို ထယ်ယောင်း၏ခေါင်းကနေ မငြင်မသာစွတ်ချပေးလိုက်သည်။လက်ဝါးကပ်တိုင်ပုံဆွဲသီးနှင့် ဆွဲကြိုးဟာ ထယ်ယောင်းလည်တိုင်တွင် ကျော့ကျော့မော့မော့။
ဘေးကဂျီမင်မှာတော့ မျက်စောင်းတစ်ထိုးထိုး ။
သူမလိုချင်ဘူးဆိုလည်း သူငယ်ချင်းတစ်ယောက်လုံးကိုမေ့နေရလား။ ထယ်ယောင်းကိုကျ ကြည့်မရဘူးပြီး လည်ပင်းမှာတောင်ဆွဲပေးလိုက်သေး။
"ဟို မင်းမဆွဲဘူးလား "
ဂျီမင့်မျက်နှာက စူပုတ်ပုတ်ဖြစ်နေတာကြောင့် ထယ်ယောင်းက မေးလိုက်သည်။
"တော်ပါပြီ ဒီလူကြီးနားပဲ ကပ်နေတော့မယ်"
ထယ်ယောင်းဖယ်သွား၍ လွတ်နေသောနေရာသို့ဝင်ကာ ယွန်းဂီလက်မောင်းကိုချိတ်ပြီး ခပ်စွာစွာပြန်ပြောသော ဂျီမင်က ဂျောင်ကုကိုလည်း မဲ့ရွဲ့ကြည့်နေသေးသည်။
"ကဲပါ...အခု ဘယ်ချိန်ရှိပြီလဲတော့မသိဘူး...မှောင်တော့မှောင်နေသေးတာပဲ။ဆက်အိပ်ကြဦးမလား ထတော့မလား"
"ငါတော့အိပ်မယ်..."
"ကျွန်တော်ခုနကတွေ့ခဲ့တဲ့လူကို သွားရှာကြမလား"
အသံနှစ်ခုက တစ်ပြိုင်တည်းထွက်လာသည်။
"ဟုတ်တယ် အစ်ကိုတို့ရဲ့ စီနီယာဆိုရင် တွေ့တုန်းတစ်ခါတည်းရှာထားရမယ်...နောက်မှဆို ရှာရခက်နေရင်ဒုက္ခ"
ဂျောင်ကုစကားကို ထယ်ယောင်းကပါထောက်ခံနေတော့ အိပ်ချင်သေးတဲ့ယွန်းဂီမှာ ဆူပုပ်နေလေပြီ။ဒီကြားထဲ လာကပ်နေတဲ့လူတွေကြောင့် ပူအိုက်လာသလိုခံစားရ၏။
"ဒါဆို လူခွဲပြီးရှာကြတာပေါ့။တွေ့သည်ဖြစ်စေ မတွေ့သည်ဖြစ်စေ အချိန်တန်ရင် ဒီအခန်းကိုပြန်လာခဲ့ပါ...အဓိကက မင်းတို့တွေမထိခိုက်ဖို့ပဲ"
YOU ARE READING
𝑇𝑟𝑎𝑝𝑝𝑒𝑑 𝐽𝑛 𝐴 𝑀𝑎𝑧𝑒(On Going)
Horrorရုန်းထွက်ဖို့ခက်တဲ့ လှည့်စားမှုဝင်္ကပါထဲမှာ အချိန်အတော်ကြာ ပိတ်မိခဲ့တယ်။ TaeKook NamJin Author - AlienMi709 , HlaingMeMeAung Fic type - Horror , Romance Started date - 13.10.2022 Ended date -
