في الغد جات زينب عند مريم
وقالت لبارح ملي قلتي ليا علاش أمين ديما جالس بوحدو ماقلتش ليك الحقيقة .
قالت مريم إنا حقيقة .
قالت زينب في العام الفايت
كان أمين مع نسرين و ولدت معاه
وتدخل الاب ديالو وعطاها لفلوس باش تدي الولد للخيرية وماتقولش أنه ولد أمين
لمهم هداك الشي لي دارت والتلاميذ عرفو بالأمر ومابقاوش كيحملو أمين من بعد ماكان هو المِثال ديالهم .
هاد الشي علاش كتشوفيه ديما بوحدو .
مريم تفجأت وبقات ساكتة ومشاو دخلو للقسم .
خرجو مشات زينب عند امين
وقالت ليه انها قالت لمريم شنو جرى ليك مع نسرين .
أمين غضب
وقال ليها علاش قلتيها ليها .
قالت اصلا غادى تعرف مني او من شخص أخر من الأفضل في البداية تعرف أمرك .
قال خليهم يقولو غير ماتجيش منك نتي .
قالت إسمع أ أمين البنت الى بغاتك غادى تبغيك كيفما انت داير بسلبياتك وإجبياتك ماشي كيف باغاك هي تكون .
وانت ماغاديش تعيش 20 سنة بلى مادير حتى خطأ باش تزوج بي هادي او الأخرى .
شاف فيها ورتاح من كلامها
وقال شنو ردت لفعل ديالها .
قالت تفجأت وما قالت والو .
قال في نفسو هاهوما المشاكل بداو وقال لزينب ماشي مشكل الأمر لايهم .
وتفارقو وفي الحصة ديال لعشية
داخل أمين لمدرسة وبانت ليه مريم بقى مبعد منها ومشى لقسم ديالو .
في الغد درت مريم الدرس في القاعة 3 وكان أمين حاضر .
كلمت الدرس
وأمين خارج عيطت عليه أمين .
سمع صوتها قال في نفسو ها ليمبغيناش وبقى كيتمشى.
وقالت في نفسها ماسمعنيش
ومشات كتزرب حتى وصلت عليه
وقالت امين ماسمعتنيش كنعيط عليك
قال سمعتك .
قالت علاش ماجوبتنيش .
قال قلت ربما على شي أمين وحد اخر ولى غير انا لي سميتني أمين كيحضر لدروس ديالك .
قالت ماشي مشكل واش يمكن نتكلم معاك في امر كيخصك .
شاف فيها وقال لا بلاش .
بقات ساكتة .
وهو يقول غير كنضحك نتي خيرك سابق عليا وعلى التلاميذ لي كتعلميهم الدين ديالهم .
قالت شكرا ماتبقاش غير مريح لوحدك وكتفكر في أمور دازت ماعندك ماترد فيها .
المرأة ملي كتولد لا يمكن نردو طفل ديالها لبطنها .
انا عرفت مشكلتك مع نسرين هو أكيد خطأ كبير
ولكن انت ماجيتيش لدنيا باش تبهر الناس بالمثالية ديالك
عادي انه يجي منك الغلط حتى حد فينا ماصفحة ديالو بيضاء
كلنا بالأخطاء ديالنا .
ولكن الأهم من هاد الشي كامل انك مترجعش لنفس الخطأ
وحاول انك تصلح ماقدرتي تصلح .
تبسم وقال اجمل كلام كنسمعو من هدا زمان .
قالت بصوت ضعيف وحزين
أخي أمين غادي نوقفو يوم القيامة أمام الله سبحانه
وغادي يسألنا على كل عمل درناه فحاول تقلل دنوبك باش يقل السؤال ديالك .
شاف في عينيها الحزن وتأثر
وقال بصوت ضعيف وحزين أه أختي مريم إن شاء الله ما يكون غير الخير .
وتمت غادى وبدات كتمسح دموعها وهو كيشوف فيها
Ups! Gambar ini tidak mengikuti Pedoman Konten kami. Untuk melanjutkan publikasi, hapuslah gambar ini atau unggah gambar lain.
وقال شنو السبب لي خلى دموعها تنزل واش هو الخوف من الله؟
وبقى مأثر من فعلها وكلامها .
وملي مشى لدار أول مرة صلى صلاته .
KAMU SEDANG MEMBACA
أكيد سنلتقي (بالدارجة المغربية)🇲🇦🇲🇦
Spiritualشاب شارب للخمر ومن اسرة غنية يتعلق بي شابة ملتزمة .
