حنى الأولين نوقفو معاها.
ومشاو في الطريق
قالت زينب خود السكر واش نمشيو بيدينا خاويين .
قال أودي باقا قديمة شكون باقي يدي سكر .
قالت والله حتى تجيب السكر .
وهو يهبط مشى لحانوت خدى كرطونة ديال السكر دارها في لكوفر ومشى .
قال شنو كيدير باباها .
قالت كيبيع الأثاث و إمام في مسجد الحي .
قال عندو لحية.
قالت اه .
قال في نفسو الله يدير شي تاويل ديال الخير .
وصل هبط من السيارة .
قالت هز السكر من لكوفر
قال حتى نشوفو واش كينين مشى
وقال ماتكلميش خلي الراجل لي هو أنا نتكلم .
قالت واخا .
دق في الباب خرج الاب ديالها.
قال أمين السلام عليكم ورحمة الله وبركاته .
رد الأب السلام .
قال أمين هادي الاخت ديالي زينب جات باش تراجع مع البنت ديالك الدروس مع قرب الفرض عندهم .
وزينب كتشوف ومصدومة من كلامو والكذب ديالو .
قال الأب مرحبا دخلو
قال أمين ختي غادى تدخل وانا غادي نساينها في السيارة.
قال الاب والله حتى تدخل ونريحو ونشربو أتاي
دخلو كانت مريم خارجة لحانوت
وملي جات شافت زينب وأمين مريحين مع باباها تصدمت
وقالت السلام ردو عليها السلام .
قال الاب خودي صحبتك لبيت وهوما غادين قال أمين الله ينجحكم .
قال الاب مزيان أولدي تكون مهتم بالأخت ديالك بحال هكذا .
قال أمين ياعمي النساء ضعفاء
لازم نوقفو معاهم
والله سبحانه كيقول الرجال قوامون على النساء .
قال الأب تبارك الله عليك أ ولدي هكدا يكون الشباب عارف الدين ديالو
وعارف شنو كيدير
انا معجب بك أولدي شنو الإسم ديالك .
قال إسمي أمين .
قال الأب كان الرسول عليه الصلاة والسلام كيعيطو عليه الأمين .
قال أمين عليه الصلاة والسلام .
قال الأب شنو كدير أولدي في الحياة .
قال أمين كنقرى .
قال الاب الله يوفقك أولدي .
قال أمين شكرا أعمي بغيت نتكلم معاك في واحد الأمر .
قال الاب مرحبا أولدي .
قال بعض المرات كتكون الاخت ديالي مع بنتك وكيتعطلو في المدرسة
واش ممكن ملي نكون جايب الأخت ديالي نجيب حتى بنتك معاها .
قال الاب هاد الام أ ولدي كيخص مريم مندخلش فيه
وانا شحال من مرة الى بغيث شي حاجة كتخصني كناخد الرأي ديالها تبارك الله عليها .
انا غادي نسولها ناض الأب مشى قرب لبيت وعيط عليها جات
وقال ليها أ بنتي راه قال ليا أمين انه ملي كيكون جايب الاخت ديالو في السيارة
واخا شي مرة الى وصلك في السيارة مع أختو
وقلت ليه هدا أمر كيخصها
هي وهاد الشاب أبنتي كيبان ليا الله يعمرها دار .
قالت واخا لي بان ليك حتى انت .
وقال انا كنتيق فيك حيت عارفك مربية .
تبسمت وقالت تربيتك أ بابا .
مشى عند أمين وقال ماشي مشكل الى تعطلت ممكن تجيبها مع الأخت ديالك.
زينب قالت كلشي لمريم وانه غير كذب عليها وجابها.
أمين بقى كيتكلم معاه
وهو يقول الله يخلف عليك أعمي انا غادي نمشي .
قال الاب بصحتك أ ولدي .
وعيط على زينب وخرج أمين معاها .
YOU ARE READING
أكيد سنلتقي (بالدارجة المغربية)🇲🇦🇲🇦
Spiritualشاب شارب للخمر ومن اسرة غنية يتعلق بي شابة ملتزمة .
