My man is the Final Boss

Arc 4.4

<Unicode>

နတ်ဆိုးတွေ သမိုင်းမှာ လော့ယန်မင်ဟွေ့ဆိုတဲ့ နတ်ဆိုးများအရှင်၏ ဖြစ်တည်မှု့က သက်ရောက််မှု့အကြီးမားဆုံးပင်။

စွမ်းအားကြီးမားသည့်အပြင် ကောင်းကင်ဧကရာဇ် ထျန်းကျွင်းက စွမ်းအားကြီးသည့် ဝေ့ယျှံဆိုသော ရေခဲနဂါးကို ပိုင်ဆိုင်ထားသည်ဟုဆိုလျှင် နတ်ဆိုးများအရှင်ဖြစ်သည့် လော့ယန်မင်ဟွေ့ကတော့ ခြောက်ခြားဖွယ်အပြည့်ဖြင့် အရာအားလုံးကို အမှုန်အမွှားလေးအဖြစ်သို့ ပြောင်းလဲစေနိုင်သည့် လီဖုန်းဟုသော မိုးကြိုးနဂါးကို ပိုင်ဆိုင်ထားသူဖြစ်သည်။

ထိုအချက်ကပင် နတ်ဆိုးများ၏ ဂုဏ်ယူဝင့်ကြွားဖွယ်ဖြစ်ကာ နတ်ဘုရား မိခင်နှင့် နတ်ဆိုးဘုရင် ဖခင်တို့မှ မွေးဖွားသော်လား ကောင်းကင်ဘုံကို မနှစ်သက်ပဲ နတ်ဆိုးများဘက််ကိုသာ ရွေးချယ်သည်မို့ နတ်ဆိုးများက မော့ကျန်းအား အလွန်အားထားကြသည်။

ထို့ပြင် အချိန်တွေ မည်မျှပင် ကြာညောင်းပါစေ နတ်ဆိုးများအရှင်အကြောင်းကို ကြားလိုက်သည်နှင့် နတ်ဆိုးများက သွေးပွက်ပွက်ဆူကာ သစ္စာတရားအပြည့်တို့ဖြင့် နတ်ဆိုးများအရှင်၏ စွမ်းအားကြီးမားမှု့တွေကို အမှတ်ရနေစမြဲပင်။

နတ်ဆိုးများအရှင်က ချိတ်ပိတ်ခံထားရသော်လည်း သူတို့ကတော့ နတ်ဆိုးများအရှင်၏ ကြီးမြတ်မှု့တွေကို ဘယ်တော့မှ မေ့မည်မဟုတ်ပေ။

မော့ကျန်းက ဇာတ်လိုက််မကို လမ်းမှာ ထားပစ်ခဲ့ပြီးသည်နှင့် သိုဝှက်ထားသော မြေခွေးလေး၏ ပုံရိပ်ကို ထွက်ပေါ်စေသည်။

သူက မြေခွေးလေး၏ သေးငယ်သော ခန္ဓာကိုယ်လေးကို ထွေးပွေ့ထားရင် နတ်ဆိုးတိုင်းပြည်သို့ သွားလိုက်သည်။

နတ်ဆိုးတိုင်းပြည်၌ အုပ်ချုပ်သူမရှိပေ။

နတ်ဆိုးများအရှင် မရှိသော်ငြား တိုင်းပြည်ကို လုယူမည့်သူမရှိသလို မည်သူမှလည်း ထိုသို့ မပြုမူရဲပေ။

ယင်းအပြင် နတ်ဆိုးများက သူတို့၏ အရှင်သခင်ဖြစ်သော လော့ယန်မင်ဟွေ့ကို စောင့်ဆိုင်းနေကြသည်မို့ မော့ကျန်း နတ်ဆိုးတိုင်းပြည်မှာ ပေါ်လာသည်နှင့် တစ်ပြိုင်နက် နတ်ဆိုးတိုင်းပြည်တစ်ခုလုံး ရုတ်ရုတ်သဲသဲ ဖြစ်သွားလေတော့သည်။