انار عتمة قلبي

البارت الواحد و العشرون

ها قد وصلوا اخيرا الي المطار و أنهوا جميع أوراقهم وصعدوا الطائرة وجلسوا اسيل ونادين بجانب بعضهم أمامهم اكرم وسوزان بجانب بعضهم أيضا
جلست اسيل بأريحيه ومددت قدمها وشردت قليلا ولكنها أفاقت علي خبط اكرم قدمه بقدمها
اسيل : في اية
اكرم : لمي رجلك
اسيل : لية
اكرم : مش عارف افرد رجلي منك
اسيل : اعملك اية يعني انت اللي رجلك طويلة
اكرم : طيب اقعدي عدل بقي ولمي رجلك
تجاهلته اسيل وتجاهلت كلامه وظلت مادة قدمها أمامه اغتاظ اكرم ولكنه مد قدمه بجانب قدمها و أسند رأسه علي الكرسي من خلفه و اغمض عينه وذهب في غفوة
و نادين و سوزان أيضا و بعد قليل لحقت بهم اسيل وراحت في سبات
**مرت الايام سريعا و انتهت الامتحانات وها قد أتت إجازة منتصف العام
اكرم : هتنزلي مصر أمتي ؟
اسيل : ملقتش حجز غير بعد ٣ ايام وبصراحة كويس يعني علشان اريح شوية قبل السفر
اكرم : انا حجزي يوم التلات
اسيل : تمام بقولك صحيح انت بردو مش ناوي تاخد عيلتك معاك مصر ؟
اكرم : لأ
اسيل : علي فكرة حرام عليك كدا نادين بقالها ٥ سنين منزلتش مصر خالص ونفسها تنزل وكمان انا وعدتها اني هعرفها علي اهلي و نتفسح سوا في الإجازة في مصر
اكرم : قولت لا وخلاص مش ذنبي انك اتسرعتي واتفقتي معاها
اسيل : اكرم انت لية بتعمل كدا بجد
اكرم : انا مش هخلي نادين تنزل مصر و يكون في فرصة أن فارس يشوفها أو يكلمها تاني
اسيل : انت شايف كدا يعني ؟
اكرم : ايوة شايف كدا و دا الصح اصلا
اسيل : لا مش الصح اصلا انا مش عارفة انت رافض موضوع جوازهم اية دا بيتحايل عليك بقاله شهرين وانت لسة مصمم علي رفضك وبعدين بردو دا مش مبرر انك تحرم نادين من نزول بلدها
اكرم : والله اختي وانا حر فيها و بعدين مالك محموقة اوي كدا لية عليهم وعاوزاني اوافق علي جوزاهم وفارس صعبان عليكي انا بقالي اكتر من ٣ شهور عارض عليكي موضوع خطوبتي ليكي و انتي حتي رافضة تدي لنفسك فرصة تفكري
اسيل : انا ليا أسبابي
اكرم بعصبية : لأ ملكيش أسبابك انا من حقي انك تفكري فيا ولو مرة واحدة حتي حرام عليكي تقفلي قلبك كدا علي حاجة خلاص راحت ومستحيل ترجع تاني فكري يا اسيل وراجعي نفسك وانا عند قراري ولسة عاوزك
اسيل بدموع من كلامه الحاد : وانا بردو عند قراري و لسة رفضاك ويوسف مكنش مجرد حاجة بسيطة في حياتي علشان اقدر انساه بالسهولة دي عن اذنك
و تركته وصعدت لغرفتها سريعا و دموعها تبلل وجهها وظل اكرم يتابعها بعينه حتي اختفت من أمامه و تنهدت بحزن و جلس يفكر بشرود
****************
كريم : شوفي انتي حابة نعملها فين وانا معاكي في اي حاجة
نور : بصراحة مش حابة جو القاعات في الخطوبة بحس انها زيطة وخلاص
كريم : طيب عاوزة تعمليها فين
نور : ممكن هنا في البيت مثلا هعمل ديكور خطوبة انا بعرف اعمله وهخلي الميك اب ارتست تيجي هنا
كريم : تمام زي ما تحبي بس المساحة هتكفي ؟
نور : ايوة البيت واسع وكمان انا معنديش صحاب هنا ٢ أو ٣ وقرايب بردو قليلين
كريم : تمام شوفي بقي و ابدئ اعزمي علشان خلاص فاضل كام يوم
نظرت له نور بأبتسامة وامسكت بهاتفها تبعث رسائل لأصدقائها و بعد فترة أعطت الهاتف لكريم : خد شوف الفستان دا كدا
كريم : هو حلو بس هيكون مفصلك اوي بلاش شوفي حاجة أوسع
نور : كدا كدا احنا هنا في البيت وكلهم صحابي يعني واهلي
كريم : بردو بلاش مش عاوز حد يبصلك وانتي جنبي يعني انا مليش لازمة للدرجادي ؟
نور : مش قصدي اكيد بس الفستان حلو
كريم بهدوء : نغيره احسن يا حبيبي
نور بابتسامة : طب هغيره مخصوص علشان خاطر كلمة حبيبي دي
ضحك كريم واردف : عقبال ما تقوليها انتي
نور بخجل : واحدة واحدة هتعود عليك وهقولها
كريم : يا سلام علي حبيبي المكسوف يا سلام
وضحكوا سويا و أكملوا عزم الأقارب و اختيار الفستان والبدلة
****************
اكرم : يلا جهزوا شنطكم علشان السفر بكرة
نادين بسعادة : اية دا بجد هنيجي معاك مصر
اكرم : اه هننزل كلنا
نظرت له اسيل وابتسمت و رمقها هو بهدوء
نادين : كلنا هنسافر بكرة كدا حتي انتي يا اسيل صح ؟
اسيل : لا انا لسة بعد بكرة المفروض
اكرم : انا حجزتلك معانا يا اسيل اكيد مش هنسيبك هنا لوحدك
اسيل : مكنش ليه داعي انا كنت حاجزة
اكرم : ياريت لما اقولك علي حاجة متفضليش تتكلمي فيها كتير
نادين ضاحكة : متبقاش اسيل لو مناقرتش في كل حاجة
ضحكت اسيل بحرج ونظرت لنادين بضجر : خفي عليا شوية علشان افسحك في مصر انا قولتلك اهو
نادين بتراجع : لا لا خلاص هو في احلي منك اصلا
ضحكوا جميعا واردف اكرم بمكر : فعلا مفيش
نظرت له اسيل واحمرت وجنتاها فغمز لها بأبتسامة مما زاد من إحراجها
اسيل بتوتر : انا طالعة انام تصبحوا علي خير
نادين : احلام سعيدة
اكرم : اعملي حسابك السفر الساعة ٩ أن شاء الله هنتحرك من هنا علي ٧ ونص
اومأت له اسيل و صعدت للأعلي سريعا وقلبها يدق بعنف نظرت لنفسها في المرآه ويدها تمر علي وجنتها المحمرة : لا لا اجمدي يا اسيل اية هتخيبي ولا اية
و اتجهت الي دولابها أخرجت حقيبة سفرها ووضعت بها كل ملابسها ومستلزماتها و خلدت الي النوم
أما بالأسفل
نادين : خف علي سيلا شوية
اكرم ببرائه وهو يرفع يده للأعلي : معملتش حاجة
ضحكت نادين و اردفت : اطمن شكلها بدأت تلين
اكرم بتمني : يا مسهل يارب
نادين بغمزة : واقع واقع يعني
اكرم بابتسامة : يارتني قابلتها من زمان
نادين : يا سيدي يا سيدي علي الحبيب
اكرم : قومي نامي انتي كمان يلا
قامت نادين و اردفت : احلام سعيدة مع سيلا
و ضحكت و غادرت من أمامه أما هو فأبتسم وقام هو الآخر حضر حقيبة سفره و خلد للنوم
*****************
تاني يوم استيقظوا جميعا في تمام الساعة ال ٦ والنصف تجهزوا للسفر و تجمعوا سويا في حديقة المنزل في تمام الساعة ال ٧ و النصف
اكرم : كدا كل حاجة جاهزة حد ناسي حاجة ؟
نادين : لا تمام
اسيل : تمام حاجاتي كلها معايا
اومأ لهم اكرم و اغلق المنزل جيدا وركبوا السيارة وتحركوا بإتجاه المطار و لكن كان هناك زحام واضطر اكرم للوقوف قليلا ولكن لاحظ سيارة بجانبه بها شابين ينظرون لأسيل بشدة و يحملقون بها فنظر لهم بغضب واغلق الزجاج بجانب اسيل اتوماتيكي
اسيل : قفلت الشباك لية الجو حلو
اكرم : مزاجي كدا
اسيل بحنق : هو اية اللي مزاجي كدا لو سمحت افتح الشباك تاني
اكرم : لما نتحرك من الزحمة دي هفتحه
اسيل : لا افتحه دلوقتي
اكرم : بلاش عند يا اسيل قولت لما نتحرك هفتحه خلاص بقي
تأففت اسيل بحنق و ظلت تفرك أصابعها بعصبية
اكرم : براحة علي صوابعك شوية
اسيل بغضب : ملكش دعوة وركز في الطريق
سوزان : عيب كدا انتوا الاتنين اهدوا بقى انتوا مش اطفال للحركات بتاعتكم دي
اسيل : طنط سوزان هو اللي بدأ الاول
اكرم بتذمر وهو ينظر لها من خلال المرآه: اه كنت اسيبهم يفضلوا يتغزلوا فيكي يعني !!
اسيل بعدم فهم : مين دول ؟!!
اكرم : العربية اللي كانت واقفة جنبنا كان فيها شباب بتبص علي جنابك
اسيل بتراجع وحرج : سوري مخدتش بالي
اكرم : بعد كدا متتسرعيش وخلاص يا اسيل انا اكيد مش هعمل حاجة تأذيكي يعني بالعكس أنا بحافظ عليكي
نادين : خلاص يا اكرم بقي حصل خير يلا الطريق فتح اهو
اومأ لها اكرم ونظر أمامه وصب تركيزه في الطريق أما اسيل ابتسمت بشدة عندما شعرت بغيرته عليها و تأثرت بكلامه وظلت تعبث بهاتفها كي لا يلاحظها أحد
***************
# دمتم بخير
# أميرة اشرف لبنة.