قتلتُ أخي ال(داعشي )

part 28" 29

اللهم صل على محمد وآل محمد

لاتنسون التصويت وتعليق يحفزني أكثر

:عَـسَى رَبّــكم أَن يُـبَدِّل أحْزَانكُم فَرَحـًا قَريبأ🌚

يلا نبدأ

فزيت بهلع من صوت الموبايل الي يدك براسي وصوت البجي مال يوسف وعلي واصل للغرفة

كمت اركض دخلت لكيت علي يبجي
ويوسف يصرخ عاينت على اصبع يوسف
صاير بنص الحديده مال الجربايه

ومايكدر يجره لن يتذه بزايد
مكروض ركضت عليه حاولت اسحبه على كيف ماجه وياي لحد ما جريته بسرعه ودم صار نافورة
لحمه نشلعت من اصبعه

كعدت بالكاع روحي رايحه وهو يصرخ
جريت الكلنس امسح بالدم
كطع روحه من البجي وعلي يبجي وياه

حطيت اصبعه بماي بارد هده يناشغ وبقيت ابجي
وياه والوم بروحي لان عفتهم
بوحدهم ابد ماينعافون بوحدهم

والموبايل بعده يدك اكيد إسحاق لان هوه من ماعده شي يبقى مراقب البيت وتحركاتنه

-روح جيبه ماما راح يركض

ويمسح بدموعه مثل متوقعت جان إسحاق رديت بخوف

-الو

-ويين جنتي انتي كم مره اكلج
لاتعوفينهم وحدهم هااا  ليشش متسمعين الحجي انتي ثوله ولوو شني

-والله مادري بروحي من نمت قابل متعمده اسفه

احجي وابجي من الخوف
جرنفس مسموع

-كافي لاتبجين موزين عليج هسه شلون صار اصبعه خومايحتاج خياط اوديلج عمي

-لالاا كلشي مابيه بس لحمه مشلوعه من اصبعه

-لايابه قابل شصاير بيه عقمي اصبعه وحطيله لزكه جرح ديربالج عليهم لاتعوفينهم لحضه مفهووم

سد الموبايل كمت جبت الاسعافات الاوليه وداويته اصبعه صاير ازرك

بوسيته ومسحت دموعه
جان يعاين علي بنضره حسيته يعاتبني
بقيت ابوس بيه لحد ما تعب وغفى

جانت الساعه بالوحده اجه يمي علي وكعد يمسح دموعي بوست اخدوده

-خطيه يوسف تعور كتله اوفه اوفه مارد اليه

سكتت الوم بروحي بقيت شويه وكمت شلته حطيته بفراشه باوع علي عليه

وكال بخجل

-ناني جوعان

-يحيلي يخس الجوع تعال مشينه نسوي بيتزا الي يحبه يوسف

-ايعع ماحبه موطيب

-وللك ميصير تحجي هيج حرام جاشتريد اسويلك

-اريدكيكه وعصير

-ياحبيبي هذن ميشبعن اسويلك تمن ومركه

هز راسه موافق طفيت الضوه وطلعنه
طبينه للمطبخ راح كعد على الكرسي شغلتله الموبايل على توم وجيري