فتحت عيوني واني احس جسمي كله يوجعني وراسي مورم من الوجع
جنت على الجربايه والكلوب مشتغل مغيرة ملابسي حتى الجرجف مال الجربايه مغير
بقيت اعصر براسي لحد مارجعت غفيت فزيت على صوت يوسف وعلي يلعبون يمي فتحت عيوني مبتسمه
شافوني واجو عليه كمت وياهم
-ووين بابا
حجه يوسف -باححح
يعني ماكو
طلعت لصاله محد موجود وهيج مر اسبوع محد يحجي وي الثاني
من راد يمشي لدوام وصاني على الجهال وروحي
اجه ابوي بات يمنه طول لأسبوع من رجع معصب ويعارك بذبان وجهه
ادك على فاطمة متجاوب اخير شي دكيت على سلام عندي رقمه صادف إسحاق بسوك هوة والجهال
-الو
-الو منو وياي
-اني أبرار زوجت إسحاق
-اهلا وسهلا خير نشالله داكه عليه خو ماكو شي
-هلا بيك لاماكو شي بس ادك على فطوم ماترد
-والله فاطمة مريضه نهد استشهاد ياس
احس صاقعه ونزلت عليه واني اتذكر شلون كلتي احبه وهو اعترفلي بحبه
-الو وياي
-البقيه بحياتك نشالله خاتمه الأحزان عدهه العافيه بلا زحمه خل فاطمة ترد عليه
-نشالله هسه احاجيه مع السلامة
-الله وياك
سداه مني واني شبعت بجي شاب بعده بعمر الورد عمرة ميجاوز ال٢٥ هاذا واحد من بين الاف الجاي يرحون ليش كل النحبهم جاي يرحون
اجه إسحاق وشافني ابجي اجه يركض
-شبيج تبجين منو وياج
-محد اشو ادك على فاطمة متجاوب
-البت مريضه لاتلحين عليه بالاتصال
-شبيه غير اعرف
-تمرضت على ياس علساس من ينزل يخطبه حتى حاجه سلام شكله الموت استعجل عليه طبعا انا الموت صار عندي عادي يوميه العشرات يموتون يمي بس ماهزني بموته بس من لميناه جان قطعه قطعه لحم مطشر وكف كلبي واني اشوف اسم فاطمة بزنده مدمر دم الله يرحمه
بدموع -صارله شكد من استشهد
-تسع ايام بله كومي شوفي الجهال لايتعورن نص ساعه وكعديني
