طغيان رجل&انتقام امرأة🥰

الجزء ٢

لعنة عاشق
             🔥lover's curse🔥
بقلم: jihane/رقية عبير / يسرى ال

بارت:40

نزار كأنه فهم قصدو ولكن مايمكنش كيفاش غادي يعرف وهو ضرب ألف حساب لا مايمكنش سرط ريقو وتاجه لمكانو وبين إيديه ملف كايهز فيه ويحط بقوة مامستريسي أو بالأحرى  مخلوع منبعد ماكان تايق مئة في المئة أنا هاد المناقصة غادي تكون ليه حيت جميع رجال الأعمال قادر يبعدهم غير بصبعو صغير ولكن شركة  [ .F.i.P.A.Y]  هيا أكبر شركة منافسة ليه وأكبر شركة عندو معاها عداوة وحساب للي كبير بزااااف ...ضور رأسو ونطق بصوت خافت

نزار : لا مايمكنش مستحيل يااخدهاا ولو على موتي (هز  عينو في هارون لقاه كايشوف فيه بنظرات غريبة وبادلو نزار بنفس نظرات )
بدا الإجتماع وجميع رجال الأعمال المهيمن كايقدمو الملفات ديالهم ورجال الشركات الروسية كايدققو في أي ملف تقدم ليهم بقاو شي 3 سوايع  وهما كايدقوو في الملفات حتى ناضو من مكانهم ونطق واحد فيهم

أنطونيو من رجال شركة الروسية:  أحم أحم شكرا على حضوركم أي صفقة هنا مهمة وأي مبلغ كان لابأس بيه مي كيفا كاتعرفو غادي نختارو ملف واحد للي كان من أهم ملف فيه أفكار خطيرة للي غادي تخلي شركة ديالنا وشركة ديالهم تزيد لقدام مانطولش عليكم شركة للي ربحات المناقصة هيا شركة [F.i.P.A.Y ] للي هيا شركة العلوي مبروك لسي هارون العلوي

هارون داير رجل على رجل وكايشوف في نزار للي جاتو صدمة ثلاثية الأبعاد وفتح عينو على وسعهم وضغط على فكو بقوة ....أما بقية رجال الأعمال هنئو هارون وصحافة بدأت كاتصور هاد الحدث المهم  ....أما هارون خاد الملف ديالو وقرب لنزار للي باقي في مكانو جامد  مامصدقش هادشي للي وقع ...هارون  هبط حتى تقابل مع نزار و نطق بصوت بحال فحيح الأفعى

هارون : سيربرااايز

نزار  نطق بصوتو الحاد والبراكين شاعلين ليه في دماغو : كيفااااش درتي ليهاا كيفااااش

هارون داير إبتسامة خبيتة : ههههه كيفاش درت ليها هههه رسلت ليك الملف للي بغيتي مع ديك الغبية للي راسل ليا بغيتي تلعب معايا خليتك تلعب كيف بغيتي ولكن في أخر لقطة قلبت اللعبة في صالحي راني قلت ليك أسي نزار تعلم تعلب عاد أجي لعب معايا  (سمح فيه ودار خارج  حتى رجع خطوة عند نزار) اه بغيت نقول ليك عهد هارون يا الله بد اشماااا*ة ..

وتم خارج من المناقصة هاز رأسو لفوق بكل شموخ خلا نزار وراه باغي ينفاجر بهاد الغدايد للي ركب فيه هارون لعب بيه كيف بغا وستغباه بزااااف ولكن حالف بحلوفو حتى يعطيه ضربة للي ماينوضش منها وناض من مكانو وتم خارج وستة وستين ألف فكرة كاطيح ليه في دماغو هاد المرة خاصو يلعب كبير ويعطي ضربة لهارون للي تكون قوية وقوية بزااااف....لعنة عاشق
             🔥lover's curse🔥
بقلم: jihane/رقية عبير / يسرى ال