طغيان رجل&انتقام امرأة🥰

اماني

الهوس في عشقكي يهون 👑

الفصل الاول :🌹وما أنا سوى المبتلية بعشقِكَ🌹
الجزء :200

      ✨لِكل بدايةٍ نهاية وانا بدأتُ وأنتهيتُ بكِي✨

شاف فهادوك عاقد حواجبو ورجع شاف فيها بهدوء
فؤاد:دخلي للداخل
ملاك:(ماداتهاش فهضرتو )وواش تجرحتي (حالتها فاش كاتشوف الد..م كاتولي حالة )اشنووووو ضربك
فؤاد:ششت ماواقع والو ماشي انا اللي تضربت
ملاك:(حركات راسها بلا بالزربة)لا لا لا كاتكذب عليا
فؤاد:(قرب عند واحد فيهم ونطق بجنب وذنيه ورجع عندها جرها من يديها ودخلو للداخل دخل ونزل مع واحد الدروج حتى التحت فين كاينة لاصال وكاين حمام تقليدي كبير بالرخام والزليج الفاسي ودخلها لتما حيد قميجتو ولا حها وهي كاتشوف بعينيه لا تلقا شي حاجة نطق بهدوء هاز يديه)ماكاين والو
ملاك:(شافتو لاح ديك القاميجة للارض )و د ديالمن
فؤاد:(ببرود)شي حاجة بعيدة عليك
ملاك:(قربات ليه ونطقات عينيها مدمعين هي حالتها وهو مبرد )علاش نتا هاكا
فؤاد:(شاف فيها عاقد حواجبو باستفهام ونطق بهدوء)حددي
ملاك:(قربات ليه كثر )نتا فشكل (بلعات ريقها)كاتتعامل معايا زوين ولكن نتا ماشي هاكا نهائيا كلشي كايخاف منك
فؤاد:(شاف فيها بهدوء من بعد ابتاسم ابتسامة جانبية)اشنو ضارك نتي فهادشي
ملاك:(شافت فيه)شكون نتا
فؤاد:(بغفلة منها جرها حتى لصقها مع الحيط ولوا يديه على خصرها)ماعندك ماتعرفي الي غاتعرفيه غايضرك كثر ماينفعك (شافها كاتشوف فيه باستفهام غير من هاد المدة القصيرة عارف مزيان طبيعة شخصيتها زاعمة وخوافة فنفس الوقت ومن النوع اللي ماتخافيش منها حيث اللي على قلبها على لسانها نطق كايضور عينيه على ملامحها مد يديه دار شعرها ورا وذنيها )ماحدك نتي صافية معايا غاتكوني فوق راسي (زير على خصرها )بلاصتك عزيزة وعندك اللي ماعندش لوخرين من جيهتي

اللي قصد بيها هو انه المعاملة اللي عندها من جيهتو ولا كيفاش كايعاملها والخاطر اللي شاد ليها ماشادو لحد لسبب عارفو بوحدو غير نهار ضرباتو كان ممكن تكون من عداد الم..وتى

ملاك:(شافت فيه)انا خايفة (بصراحة وهدوء)منك كاتخلعني (حدرات عينيها وشافت فيه وهو متبعها بهدوء كايتصنت بتركيز)كانكون مرتاحة فاش كانقرب ليك ولا فاش تكون حدايا ولكن فنفس الوقت كانحاف منك (ذبلات عينيها فيه) واش نتا ماكاتقلقنيش  ووليتي كاتعاملني مزيان غير على قبل بابا ياك
فؤاد:(شاف فيها بهدوء )اشنو سميتك
ملاك:ملاك !!
فؤاد:ماسميتكش يوسف واخا يكون باك شكوون كون مادايرة بلاصة عندي ماكنتش نشوف كمارتك عندي فالدار كانعزك حيث نتي ملاك ماشي حيث بنت يوسف (شاف فيها حدرات راسها ونطق تاني)كون جات على بنت يوسف كون شبعت مك عصا على قبل المرض اللي ركب فيا باك
ملاك:(ضحكات بشوية ماقدراتش تحبسها )ههه علاش
فؤاد:(جمع شعرها بين يديه وطلقو وهزها حطها فوق واحد الرخامة تما فيها اشنو كتيستعملو فالحمام وشافت فيه بلعات ريقها من اشنو طاح فبالها حتى تزنكات غمزها وقرب ليها ولات قدو )نرجعو الايام الخوالي