طفله التميم

الجزء الثاني( البارت الواحد والعشرون❤)

🦋البارت الواحد والعشرون🦋

عمار حط رأسه على رجل سوزان ونام من التعب وبعد وقت قام مفزوع على صوت صراخ فرح

عمار بخوف: فرح اهدى اهدى احنا معاكِ

فرح بدموع: ت تميم تميم يا عمار انا عاوزه تميم

ابتسم ومسح دموعها: اوعدكِ هيرجع وانا بنفسى هرجعهولكِ بس أنتِ اهدى

سوزان قربت واخدتها فى حضنه: متخفيش يا حبيبتى باذن الله هيرجعلكِ بس خليكِ قويه علشان متتعبيش

عمار لنفسه: انا لازم الاقيه تميم لازم يرجع

__________

مر شهر على اصعب يوم مر على الكل

مر شهر وعمار ومالك وغسان لسه بيدورا على تميم وفرح كل يوم حالتها بتدهور اكتر

عمار كان طالع وهو متعصب وخبط فى حد

- اااه مش تفتح ياعم

عمار بصلها باحراج: انا اسف مكنشى قصدى أنتِ كويسه؟

شهد بمرح: خلاص حصل خير بس ده مش بيت تميم الدمنهورى

عمار بلهفه : اه وانا اخوه أنتِ تعرفيه

شهد استغربت لهفته بس معلقتش: احم بصراحه انا معرفوش بس انا اعرف فرح هى موجوده؟ لانها بقالها شهر مش بتيجى الجامعه وبحاول اتواصل معاها مش بترد عليا

اتنهد: طيب اتفضلى معايا انا هوصلكِ ليها

شهد مشيت وراه وهى بتبص حوليها بأعجاب

عمار خبط ودخل قعد جنب فرح وهو بيبصلها بحزن: مش ناويه تفوقى بقاا حزنكِ ده مش هيغير حاجه صدقينى هيرجع

اردفت بسخرية: مبقاش يفرق يا عمار رجع او مرجعش

ابتسم لانه عارفها بتكدب ثوانى وخبط ايده على جبينه وضحك: دنا نسيت فى بنت كده طويله وقمر كده واقفه بره عاوزه تشوفكِ

فرح بغيظ: تانى يا عمار تانى يعنى أنتَ مش بتحرم

عمار بضحك: يا ستى اهو عايشين بنجرب مش هنخسر حاجه وو
قاطعه صوت الموبيل

- ثوانى هرد على الموبيل وهطلع انادى البنت تدخل

عمار قام وفتح المكالمة وملامح وشه اتحولت للغضب والقلق فى نفس الوقت
قفل فونه والتفت وعلى وشه ابتسامة : انا رايح مشوار مهم وهرجع خلى بالكِ من نفسكِ

فرح ابتسمت بتعب وهزت رأسها بالموافقة

عمار طلع وطلب من شهد تدخل ورجع بص على فرح وابتسم بثقه: اوعدكِ مش هرجع النهاردة غير وتميم معايا

قال كده وسابها وطلع وهى قلبها بقاا بينبض بعنف وخوف معقولة هتشوفه بعد كل ده برغم انه اشتاقتله وقلبها ملهوف يشوفه بس ده ميمنعش انها زعلانه منه وهتعاقبه على كل الفترة إللى كان فيها بعيد عنها بس الأول تطمن عليه

شهد بقلق: مالكِ يا حبيبتى ايه إللى حصلكِ؟