#قصه_جديده
#دخيله_شيخ_سلطان
إڤين : جنت جاي انظف بالبيت مال عمي عصام الجبير اني واختي ياسمين حجيت بخوف. لج بسرعه نظفي لا تجي مرت عمج تظل تنبح علينا
ياسمين : ههههه ماشي زين اكلج اني احجي قصتنا لو انتي
إڤين : اني احجي
ياسمين :تفضلي عيني
إڨين : عرفتوا اختي ياسمين هيه الوحيده الي بهالدنيا بابا مات من جان عمري 6 سنوات وياسمين عمرها 4 سنوات ماما ظلت ويانا عايشه بيت بابا لكن بعمري 14 عافتني اني واختي الي جان عمرها 12 سنه سمعت امها كلتلها اجه رجال خطبج مني وهيه عافتنا بيد عمامي الاثنين عصام وفاروق بابا جان اسمه محمد جانوا يعاملونه مثل الحيوانات يعني اذا حجينا شي ننضرب واني أكثر وحده انضرب لان اخاف على اختي ياسمين عدها ضعف بكلبها وعلى اقل رهبه ورعب وخوف توكع ولازم مستشفى ومنو ياخذها جانوا ينطونه اكل حسب الشغل والتنظيف جنت اتمنى بابا موجود لان ماراح يخلينا هيج نعيش جانن نسوان عمامي يضربن بينا واحنا نسكت جنت اسمعم يكولون من يصير عمر إڨين 18 سنه تتزوج يعني اتزوج من ابن عمي الجلب " حتى ياسمين قبل لا تتزوج ماما انطتني علاكه سوده مشدوده حيل لكن كلتلي لا تفتحيها لمن يقررون يزجوجن فتحيها وظلت يمج اني هم ماحثني فضولي حتى افتحها يجي وقتها ان شاء الله بطلوني من المدرسه من جان عمري 15 سنه هسه اني عمري 17 سنه وياسمين 15 سنه وهمين وصلت لثالث وبطلوها هواي توسلت الهم علمود اكمل لكن حكم القوي على ضعيف ويومها نضرب ضرب يمكن لو حمار ماتحمل بس سكتت يعني شسوي غير ابجي واتذكر بابا واتخيل حياتي لو جان بابا موجود ويانا أخذوا بيت بابا وعشنا بغرفه خارج بيتهم يعني هيه شبه غرفه لان اصلا جانت مخزن واحنا نظفناها ماعرف ليش يتعاملون ويانا هيج ولا كانوا احنا بنات اخوهم خاصه عصام فد حقير فززتني من صفتني مرت عمي عصام
نوريه : ماخلصتن
إڤين :لا خلصنا وهسه نسوي عشه محتاجه شي
نوريه : يلا كملن بسرعه ماريد تأخير
إڤين : ان شاء الله. راحت دائما اتجفه شرها هيه ومرت حماها لان مسمومات يطلعن جذبات علمود ننكتل وننهان على شي مالنا ذنب بيه احنا خلصنا الشغل ورحنا للمطبخ
ياسمين :شنو نسوي زقنبوت
إڤين : مادري اي شي
ياسمين : اوك
إڤين : سوينا عشه وجهزنا كلشي بقى بس يجي عمي ربع ساعه واجه نكلنا الاكل واحنا كعدنا ننتظر يخلصون علمود ناكل شويه وصاحوا خلصوا شلنا المواعين وغسلتهم واكلنا ورحنا لغرفتنا
ديوان شيخ سلطان
كاعدين ولده واحفاده مجتمعين كلهم على سلامته
شيخ سلطان : يلا ولدي شغلتكم انه ترا
أسد : انه ظال هنا اطمن عليك ماعوفك جدي
ذياب :وانه من رأي أسد
شيخ سلطان : الله يحفظكم بس يولدي اليوم ساعه اربعه عدنا كعده ولازم ترتاحون شوي واني هم اريد اريح بغرفتي يم زهرتي
ذياب : يغمز ويحجي. ها شيخ صاير غومانسي
شيخ سلطان :انجب ولك
شيخ جلال : اني اترخص يبوي
شيخ سلطان :اخذ راحتك وليدي جهز ديوانك بويه
شيخ جلال :حاضر بويه
ذياب : مادام طلع عمي خلي احجيلكم شووي علينا احنا شيوخ معروفين بالبصره عمامي وابوي وجدي كلمن عندا ديوان باسمه يعني هسه اذا كالوا ديوان شيخ جلال او جمال او جابر اني ابوي جمال امي متوفيه صارلها ست سنوات عايشين ويه بيت عمي جابر الجبير عندي اخوان زهراء متزوجه من صكر ابن عمي جابر وضرغام تؤمها هذا عزابي اما عمي جابر فا ولده أسد وصكر ونيار أسد مامتزوج هوا ونيار اما عمي جلال ولده محمد ومصطفى تؤم ومرتظى وسما اني واسد مو بس اولاد عم احنا اخوه سره عندي وسري عنده ابد مابيناتنا سر مامعروف كلشي اشوف اكله وهوا همين اني بطبعي عصبي ولكن مو بعصبيه أسد بويه اذا عصب يحرك كلشي كدامه عيونه تنكلب حمر عروگه تنط ومايعرف رجله من راسه يظل يغلط ويسب ويكسر بحيث من عصبيته اناثث البيت مرا ثانيه وطايح بيها مرتظى هوا دائما ينرفزه ويعصبه وينكتل يالله يرتاحون اثنينهم احنا عدنا خير من الله عدنا معارض السيارات بالبصره والعماره وعدنا بساتين كثيرر ومشغلين بيهن فلاليح ودائما نطلع نشوفهن جدي جان يسولف النا وعن حبه لزهرته على كولته جان عاشكها ولسه يحبها ودائما يكول اتزوجوا على حب احلا جدي بكبر سنه لكن ضخم وطويل وملامحه حاده مثل الصكر اني واسد وصكر ومحمد ورثنا جمال جدي وملامحه الحاده بس اني طلعت عيوني مكحله وعسليه ابوي يكول على امك الله يرحمها بس اخبل
كاتبه : باع الثقه
ذياب : عاد انتي انجبي شكد اضوج منج
كاتبه :ترا والله ابجي
ذياب : خلي اكمل. المهم كمنا كلنا صعدت لغرفتي طبعن هالست سنوات عشناها بدون امي لكن مرت عمي جابر تعامله مثل أسد وصكر ونيار ابد مافرقت واحنا نحبها وناديلها بـ يمه واصلا هيه تحب الكل وماتكره شخص وحنونه وماتنام اذا تأخرنا تظل كاعده وتنتظر بس اني اكره صكر لان متزوج اختي اذا أكله وين جنت ابتليت على عمري كله يكلي يم اختك اكضه واكتله عنده شهم ونرمان نزعت دشداشتي ولبست تراك البيت تمددت على جربايه حاليا عمري 30 واسد 32 سنه وامي كلما ادخل البيت تكول جملتها المعتاده "يمته تزوج" وارد عليها اظل عزابي اخليها تصيح وراي
