وجان انشر.. اي شلونكم شخباركم نبلش بالبارت
"" "" "" ""
عروق يديك ، قصائد يمكن لمسها .. ♡
إڤين : شيخ هاي رساله من ابوي اقراها وانته تفهم. أخذها مني رجال مبين عمره بالثلاثين قرأها بصوت عالي
شيخ سلطان : انتي من دخلتي ديواني صرتي بامانتي
إڤين :شيخ اتراجاك تساعدني مالي غيرك
شيخ جابر :خلص يبنيتي انتي بامانت شيخ سلطان. زين منهو هاي الي وياج
إڤين :هاي اختي. باوعت عليها وجهها اصفر وشفايفها بيض حجيت بخوف. ياسمين بيج
ياسمين : هزيت راسي بـلا. مابيه شي لا تخافين
شيخ سلطان : بويه ذياب اخذ البنيات ودخلهن للبيت
ذياب : تامر شيخ. تعالن وياي
إڤين : أخذنا الرجال الي قرأ رساله عرفته اسمه ذياب باوعتله لكيته صافن بوجهي حجيت. منين ندخل
ذياب : هاا احم منا تعالن
إڤين : دخلنا لكينا مجموعه نسوان تلاثه كبار بالعمر وتلاثه صغار وشباب تلاثه
ذياب : يمه هذن البنات دخيلات عدنا جدي كال خلوهن هنا
ام أسد : هلا بيهن تعالن يمه
إڤين :باوعت لذياب دفعني بخفه خزرته ورحت بتجاه المرا امه هاي دنكت
ام أسد : رفعي راسج انتي دخلتي ديوان شيخ سلطان لازم راسج مرفوع
إڤين : رفعت راسي باوعت عليها وباوعت لياسمين الي طول ماوصلنا هيه ساكته وكلش خايفه لا كلبها تعب من ركض. كعدنا يمها وسالونه شنو سالفته وحجيت بعدين اجتي بنيه
نيار : تعالوا صعدوا فوك خاف تعبتوا
إڤين : هزيت راسي وصعدنا فتحت غرفه ودخلنا بيها جانت بيها جربايات اثنين ام النفر
نيار :منا وجاي هاي غرفتكم خاصه بيكم
إڤين :شكرا تعبناج
نيار :اوو صدك شنو اسماكم
إڤين :اني إڤين وعمري 17 سنه
نيار :وانتي ياحلو
ياسمين :ابتمست بهدوء. اني ياسمين وعمري 15 سنه
نيار :واني نيار وعمري 22 سنه معليكم بعمري تصرفاتي أصغر عشر سنوات
إڤين : احم زين هذول البنات الاثنين منو
زهراء+سما :احنا اجينا
زهراء : اعرفكم اني زهراء وعمري 25 سنه واني متزوجه مو مثلجن وعندي شهم ونرمان
سما :واني سما عمري 21 سنه
ياسمين : زين انتو كلكم خوات
نيار : لا حبيبتي اني اخت أسد وصكر زوج زهراء وزهراء اخت ذياب الي دخلجن هنا وضرغام وسما اخت محمد ومصطفى ومرتظى طبعن هسه لا تلاص بس بعدين تعرفون أشكالهم
ديوان شيخ سلطان
أسد : زين جدي انته تعرف عمامهن صاحبين مشاكل
شيخ سلطان : وانه اعرفهم لجن ابوهن موصي عليهن عندي واجني دخيلات تريدني اردهن يعني شيخ سلطان يرد دخيلات عنده هذا مو من شيمنا يا أسد
أسد : خلص جدي القرار قرارك. بعدها طلعوا جدي وعمامي وابوي دخل ذياب
ذياب : ها اشوفكم هنا
أسد :وين تريدنه نولي
ذياب : جا امشو للبيت
محمد :اكلك انته شكد تحجي خاطر للانبياء
ذياب :اكل خر. انته
صكر : شبيكم جهال بس تتناكرون
أسد : يعني هسه شلون امشي نولي للبيت
ذياب : اني الك صكير الجلب (أجلكم الله)
صكر : رايح يم اختك
ذياب : بوييهههه كتلتك على أيدي
صكر : ههههههههه دظل هيج
أسد : زعاطيط وربي. دخلنا لبيت
الولد :سلام عليكم
الكل بالصاله : وعليكم السلام
ام أسد :يلا يمه تعالوا تعشوا
ذياب : اني ابدل واجي ركض
ام أسد : روح
أسد : كعدنا بالصاله اجت امي جايبه العشه. يمه وين البنات
ام أسد : بغرفتهم
أسد : هاا. اجه ذياب وكعدنا ناكل امي راحت تنام خلصنا. محمد شيل الصينيه
محمد : لا والله جا هذا شعنده بس ياكل
أسد : بحده. محمد
محمد : اي اي. شلت الصينيه وديتها لمطبخ طلعت لبيتنا
أسد : صعدت لغرفتي وسمعت صوت ضحك اكيد نيارو صوت ضحكتها فضيحه دخلت لغرفتي سبحت ونمت
