*اضم عيوني لعيونك وانت عيونك لغيري!!*
"" "" "" "" "" "" ♡
ياسمين : كعدت الصبح لكيته جاي يسبح شلت فراشي ولميت شعري وطلع شافني حجه
أسد : يلا جهزي نفسج
ياسمين : بس انه ماريد اروح
أسد : شكلت انه
ياسمين :كلت ماروح
أسد : ياسمين لا تخليني اكل خر. من الصبح كومي بدلي لا انعل والديج
ياسمين : اهوو ماريد اروح ليش تجبرني
أسد :استغفرالله تبدلين لو شلون
ياسمين : اووف اي ابدل ابدل بس ارتاح
غسلت وبدلت خلصنا ونزلنا صبحنا عليهم
ام أسد : تروحين ويانه
ياسمين : اي خاله بس عفيه ماريد أسد جبرني كليله ماروح
ام أسد : ليش ما تردين
ياسمين : دنكت راسي وهيه راحت
ام أسد : ياسمين ماتروح
أسد : ليش
ام أسد : ماتروح وبس
أسد : وانه اكول تروح
ام أسد : شعدها رايحه
أسد : شنو شعدها غير فصليتي واريدها وياي
ام أسد : ااا هيج صارت
أسد :اي
ام أسد : جا انه ظاله هنا وعود أخذها وروح
أسد :تحجين صدك يمه
ام أسد : اي
شيخ جابر :شهالحجي شنو تظلين هنا مو عيب من الوادم
ام أسد : اي اظل هنا شعندي رايحه
أسد :استغفر الله اسمعوا زين ياسمين تروح تروح لو هسه ماعرف شيصير
زهره : ليش ما تردينها تروح
ام أسد : ماريد تروح وتسمع حجايه تسم البدن
زهره : هيه اذا كعدت يمي منهي الي تفك حلكها وتحجي
ام أسد : خلص ها هيه تروح
أسد : جا لو جايه من زمان يا زهره
زهره : لك شفت أحفاد احفادي وتصيحلي زهره يمته تجوز
أسد :غير احبنج
ياسمين : نزلن البنات وشافني شهكن. خير شبيجن
نيار : لج عبالنا ماتروحين
ياسمين :من البارحه اتوسل اله علمود ماروح وهوا قافل اله اروح
زهراء : عززا ديلا عادي
إڤين : حتى اني ماريد بس يلا نروح شعدنا
ياسمين : طلعنا بسيارات كلنا رحنا وصلنا الهم نزلنا ودخلنا للبيت سلمنا وكعدنا شوي واجت عيععع دخيل الكعبه شلابسه هاي لج ماكو الوان لابسه ازرك عيع وهيه شلونها
نيار : والله بريعصي
سما : ههههه اول مره اشوف بريعصي ازرك
ياسمين : حجت سما لو خلتني اوكع بالكاع من الضحك. خرب بيومج سما هههههه
زهراء :بريعصي 2022 غير هههه
ياسمين : اضحك وتفكيري من راح يعقدون اسمعها منه "موافق" ليش ربي شسويت اني بله حتى جاي اتعاقب ورا نص ساعه صاحوا اجه السيد وكعدت ورا الباب وبدأ السيد يحجي لمن سمعته يكول
أسد : نعم وانت وكيلي
وسجى : نعم وانت وكيلي
ياسمين : احس كلبي بطل ينبض عيوني غرغرت بالدموع
زهره : مايسوى لا تبجين
ياسمين : شلون مايسوى. سكتت عني شوي ودخل أسد يلبسها الذهب دخل وجانت هيبته وعطره الي مشى كدامه باوعلي وكعد يمها باسها براسها ولبسها الحلقات والذهب باوعلي وكانو انتصر عليه ردت اروح يمه جرتني إڤين
إڤين : وين رايحه
ياسمين :بغصه. ابارك لزوجي
إڤين : تؤ ظلي هنا احسن لج
سما :حبيبتي لا تهتمين مرجوعه الج
ياسمين : عوفني اروح
نيار : لج اسمعي الكلمه
ياسمين : ما اروح
نيار : احس اشتغل عقلي رحت يم امي الي جانت واكفه يم أسد حجيت بصوت عالي علمود يسمعه. يمه ياسمين كلبها تعب
ام أسد : شنو ولج شبيه كلبها
نيار :مادري اختنكت شوفيها كاضيها البنات
ام أسد : تؤ منو يأخذنا للمستشفى هسه
نيار : مادري هسه اشوف ذياب
أسد : انه هنا طرطور هسه أخذها لبسيها عبايه واخذها
ام أسد : اخذ اذن ست الحسن
أسد :يمهه
نيار :طلع أسد واني حضنت امي
ام أسد :هههه ادري هاي لعبه منج علمود طفرينه
نيار : ههههه. رجعت يم البنات
ياسمين : باوعت لخاله ام أسد ابتسمتلي اجت مره تحجي وياها وتاشر عليه استغربت وانه ليش ماعرف
ام محمد : ياسمين
ياسمين : ها خاله
ام محمد : شبيج ليش احسج مقهوره ومهمومه
ياسمين :ليش الي تشوف حبيبها يتزوج كدامها تفرح
ام محمد :تحبينه
ياسمين : بس هوا لا
ام محمد : الله يصبرج يمه
ياسمين :تسلمين خاله. بعدها رجعنا للبيت وصلنا تعبانين طريق طويل حيل من البصره لبغداد صعدت لغرفه سبحت وطلعت لكيت أسد لازم راسه وكاعد على تخم
أسد :ياسمين
ياسمين : نعم
ياسمين : تعالي فركيلي راسي
ياسمين : تمام. اجيت يمه حط راسه على رجليه كمت افرك راسه شوي دك موبايله
أسد : هلا ذياب... شنو.. تحجي صدك يعني باجر... خوش خوش.. لا معليك.. يلا الله وياك. تردين عشه نازل انه
ياسمين : هزيت راسي. اي اريد. طلع وانه كمت مشطت شعري وضفرته دخل أسد
أسد : اكلي زين
ياسمين : هزيت راسي وأخذت الصينيه وطلع وقفل الباب. اكلت وكمت غسلت واجيت نمت
