الظابط والسجينة

بارت١

اعرفكم على نفسي اسمي سماء عمري بعد شهرين يصير ١٤سنه نجحت للثاني متوسط طولي ١٦٠ بيضه شعري واصل لنص ظهري ولونه تمري صاحبه عيون وساع شبه دائريه ولونهم عسلي فاتح دبدوبه لا ضعيف ولا سمينه وزني ٦٥ احب المدرسه وكولش شاطره عندي ٣اخوات وماعندي اخوة اعرفكم على اهلي
بابا اسمة احمد وعمره ٤٨ ويشتغل سايق باص بشركة سفر
امي وطبعا نصيحلهه يمة مو(ماما) بس ابويه نصيحله بابا متعودين من فتحنه عينه للدنيا ماعرف ليش .المهم امي عمرهه ٤٥ وهي ربه بيت ممكمله دراسه وكولش حنينه عالكل مو بس احنه بناتهه
خواتي👩‍👧‍👧❤️❤️❤️❤️❤️
الجبيره اشواق عمرهه ٢٨متزوجه من ابن خالتي طبعا عن حب وعندهه ٣اولاد..
والاصغر رفاه عمرهه ٢٥ومتزوجه من ابن جيرانه هم عن حب وعندهه ولد وبنيه...
والاصغر بنين عمرهه ٢٠ومخطوبه لشخص غريب يعني خطوبه تقليديه عن طريق اصدقاء وزواجهه بعد ٣اشهر ...
واكيييد اني خوما نسيتوني اخررر العنقووود...

----------------
الام:سماء سماء شلون اني ويه هالبنيه مادري شلون راح تكعد بعد كم يوم للمدرسةولج كومي يمه شلعتي كلبي ولج سموه خلي اذب مي عليهه يله ترتاح
سماء:شهكت اشاااااه صدك يمه تحجين ثلجت
الام: ولج يمة كعدي شلعتي. كلبي صار ساعه اصيح وانتي ولا يمج
سماء:يمة فدوة عوفيني نايمه شتردين مني والله اليل كله منمت بلسته يله غفيت
الام:ولج بعد اسبوع للمدارس غير هم ياله تعدلين نومتج لو احنه هاي قوانه كل سنه ونظل نصيح ونستريح
سماء:فدوه يمه هو هاذاخر اسبوع انام واكعد براحة خليني استمتع بي فدوه يمه حبابه
الام: يمة حبيبتي كعدي خلي نتريك اني وياج ونكمل هوستنه حتى بس يجي ابوج نغدي ونروح للسوك نشتري تجهيزات المدرسه تره مضل وكت وراح تخلص الاشياء الحلوه وتبقه بس الزبايل لو متردين جدد ابقيج على مالات العام انتي بكيفج اني عندي بس اليوم اطلع بي للسوك لان من باجر ابدي عمل شعبي للبيت اني وياج وبنين قبل الدوام نغسل الزوالي وننظف البيت تنظيفه قويه يله اني نازله اذا ما نزلتي والله اصعدلج وتعرفين اذا اصعد شسوي بيج فصيري حبابة ونزلي وراي
سماء:اهووووووو راح انزل عفيه بيت كل اسبوعين عمل شعبي شبي هوه زربان
الام:سمعتج كون لسانج مثل فعلج ماكتلنه القهر ......يله وينج ولج سمااااااء
سماء:جيت .جيت والله نزلت
تريكنه اني امي وبنين جانت بايته ببيت اختي الجبيره ونظفنه واجه ابويه مر جاب بنين وياه
بابا:الله يساعدهم
الام:الله يساعدك عيوني الحمدلله على سلامتك ظل كلبي يمك اخابر وماكو
بابا:ليظل بالج الطريق مابي شبكة قويه بس طلعت من سليمانيه بعد لزمت الشارع اريد بس اوصللكم شلونكم شكوماكو بغيابي
الام:سلامتك على حطت ايدك مثل ماعفتنه كومي بنين حضري الحمام لابوج يله اسبح وصلي بين ماصب الغده توه نور بيتنه بجيتك يالغالي
سماء:اي الدلال كله لابويه واحنه بس الظيم علينه
الام :ولج ياظيم همزين اجيت اني تعبتني هالبنيه حيل اليل كله دك افلام والنهار نايمه اليوم كوة كعدتهه علمود اروح اشتريلهه للمدرسه ومراضيه الخاتون تكلي هذا اخر اسبوع ليكول راح تروح لجهنم مو للمدرسه ولج لو كسلانه اكول متحب المدرسه
بابا:هاي مدللتي عوفيهه خليهه تنام شتردين منهه اول وتالي تتغير نومتهه من يبدي الدوام يله اروح اسبح واصلي
سماء:رحت سبع فدوات لحلكك يابابا ياحبيبي
الام :يله يام لسان امشي سوي زلاطه يله حتى نتغده ونطلع ورانه فره
بنين : يمة اروح وياكم اريد اشتري كم حاجة
الام :عبالي تبقين ابوج جاي تعبان من سفر خاف يريدله شي وواني اخذج غير يوم لو ترحن انتي واشواق باجر
بنين:هاا يله ميخالف لعد انتي خابري اشواق باجر تجي نروح اني وياهه
بابا :خابري رفاه تجي هنا عالعشا اشوفهه هي والجهال واشواق هم راح تجي
الام:لاخليهه باجر راح اخذ هالمگموعة للسوك ومابيه اسوي عشا ارجع تعبانة
بابا:لا اصلا راح اوصي كباب من بره ثواب لابويه وكلت لاشواق تجيب الولد وتجي
الام:براحتك عيني احنه فد ساعه نطلع للسوك تريد شي مناك
بابا.لاسلامتج اني اتغده وانام .بنين تروح وياكم؟
بنين :لا بابا باقيه
بابا:تمام لعد عود كعديني بلسته