الظابط والسجينة

بارت ١٨

قصي :: خابرت على الولد داخل الامن كتلهم اني جاي الكهم داخل غرفه التحقيق ورحت ووصلت واستلمتهم دك ودك لحد ما من جوه ايدي اخذوهم للمستشفى اهنا يله برد كلبي شويه بس بقى باجر اطمن على سماء .... رجعت للبيت ونمت وكعدت الصبح تريكت وخابرت خالي كتله شوفلي دكتور يفهم بامور المخدرات واساله عالصار لسماء خوما يبقى بي اثر على وضعه وفعلا خابر وكلوله لا مدام اول مره متاثر حمدت الله وشكرته وكعدت اتريك وبلغت امي بموعد العرس وبديت اسوي اتصالاتي لعمامي وخوالي لازم انطيهم خبر لان هم مو غرب واعزمهم وطبعا اني الغرفه كملت ترتيبهه بقت اشياء بسيطه وتكمل  واني كاعد دك رقم غريب جاوبت طلع. ابو مهند
اللوووووو
ابو احمد:: الله يساعدك وليدي
قصي :: هلابيك منو وياي
ابو احمد:: اني والد مهند
قصي :: هاا اهلا وسهلا
ابو احمد :: والله ياوليدي اني مستحي وخجلان  حييل منك عالسوو ولدنه
وخابرك اعتذر منك واتمنى تتقبل اعتذاري احنه هم مارضينه عالسوو ببينيتنه  وشوفتك عينك احنه ماندري  وانشالله ياخذون جزائهم
قصي :: والله ياعمي مادري شكلك اني سديت الموضوع لان البنيه مماصرلهه شي واني اكدر هسه اكاومكم عشائريا بس اني طيحتهه لخاطر عمي ابو اشواق
ابو احمد :: والله ابني انت ذهب ورحم الله بطن النكلتك ومره ثانيه اعتذر منك اخذ راحتك في امان الله

سماء:: كعدت الصبح لكيت نفسي نايمه بغرفتي ويمي نايمه بنين وامي  استغربت ليش هنه هنا  عاد لهناك وتذكرت الصار وعطت فزت امي  وكالت هايمه شبيج  يوجعج شي كتلهه لا بس البارحة وكت ابجي كالت لتخافين مصارلج شي كتلهه اكيد كالت اي وسولفتلي كل الصار وشلون قصي حل الامر بسرعه ولكاني ورجعني  وصدمتني كالت الخميس عرسج كتلهه مو بعد عشر ايام كالت رجلج ميقبل  سكتت وكمت سبحت وتريكت وخابرني قصي فتحت خط. الوووو
قصي :: هلا بلسكرانه
سماء :: ضحكت واني شعليه قابل اني ردت هههه
قصي :: بس الحلو بلموضوع كلساع تردين بوسه بس ابوج ويانه ماكدرت اسوي شي شتكولين اجيبلج نفس الابره بلعرس ههههههه
سماء ::لاعمري الله يبعدنه ... صدك كلي ليش قدمت موعد العرس
قصي:: لج بعد مامن ابقيج بينهم عاد يمي واشوفج بكل وقت
سماء:: فديت طولك اني .. اكول حبيبي
قصي:: عيون حبيبج امريني
سماء :: اريد اروح ازور قبل عرسنه اني وياك شتكول بلكت هالخوف العندي يروح
قصي :: ماشي كلبي اخذج
سماء :: لا راح اروح ويه اهلي بس كلت اشوفك توافق يله اكول لابويه
قصي ::تمام حياتي روحي بس اهم شي تكملين كل امورج هالايام تره باجر ثنين والخميس الحنه والجمعه العرس ماشي تاكدي من نواقصج واذا عدج نقص قليل خلي وره العرس نطلع اني وياج  نشتري
سماء:: تمام عمري يله اروح اني لان عندي جلسه ليزر وماريد اتاخر يله باي
قصي :: تمام عمري الله وياج طبعا اني هم التهيت كملت شغلاتي واخذت اجازه زواج اسبوعين وامي بلشت تحضرات العرس وحجزت قاعه للحنه النه وللنسوان لان بيوم الزفه بس تكمل صالون اروح زفه للبيت ونتعشى نوب يزفونه للفندق